ब्रुवताम् अप्रियं पथ्यं सुहृदां न शृणोति यः ॥
स शोचत्य् आपदं प्राप्य यथाहम् अतिवर्त्य तौ ॥
शास्त्रदृष्टान् अवध्यान् यः समतीत्य जिघांसति ॥
स पथः प्रच्युतो धर्म्यात् कुपथं प्रतिपद्यते ॥
गोब्राह्मणनृपस्त्रीषु सख्युर् मातुर् गुरोस् तथा ॥
वृद्धबालजडान्धेषु सुप्तभीतोत्थितेषु च ॥
मत्तोन्मत्तप्रमत्तेषु न शस्त्राण्य् उपधारयेत् ॥
इत्य् एवं गुरुभिः पूर्वम् उपदिष्टं नृणां सदा ॥
सो ऽहम् उत्क्रम्य पन्थानं शास्त्रदृष्टं सनातनम् ॥
अमार्गेणैवम् आरभ्य घोराम् आपदम् आगतः ॥
तां चापदं घोरतरां प्रवदन्ति मनीषिणः ॥
यद् उद्यम्य महत् कृत्यं भयाद् अपि निवर्तते ॥
अशक्यं चैव कः कर्तुं शक्तः शक्तिबलाद् इह ॥
न हि दैवाद् गरीयो वै मानुषं कर्म कथ्यते ॥
मानुषं कुर्वतः कर्म यदि दैवान् न सिध्यति ॥
स पथः प्रच्युतो धर्म्याद् विपदं प्रतिपद्यते ॥
प्रतिघातं ह्य् अविज्ञातं प्रवदन्ति मनीषिणः ॥
यद् आरभ्य क्रियां कां चिद् भयाद् इह निवर्तते ॥
तद् इदं दुष्प्रणीतेन भयं मां समुपस्थितम् ॥
न हि द्रोणसुतः संख्ये निवर्तेत कथं चन ॥
इदं च सुमहद् भूतं दैवदण्डम् इवोद्यतम् ॥
न चैतद् अभिजानामि चिन्तयन्न् अपि सर्वथा ॥
ध्रुवं येयम् अधर्मे मे प्रवृत्ता कलुषा मतिः ॥
तस्याः फलम् इदं घोरं प्रतिघाताय दृश्यते ॥
तद् इदं दैवविहितं मम संख्ये निवर्तनम् ॥
नान्यत्र दैवाद् उद्यन्तुम् इह शक्यं कथं चन ॥
bruvatām apriyaṃ pathyaṃ suhṛdāṃ na śṛṇoti yaḥ ||
sa śocaty āpadaṃ prāpya yathāham ativartya tau ||
śāstradṛṣṭān avadhyān yaḥ samatītya jighāṃsati ||
sa pathaḥ pracyuto dharmyāt kupathaṃ pratipadyate ||
gobrāhmaṇanṛpastrīṣu sakhyur mātur guros tathā ||
vṛddhabālajaḍāndheṣu suptabhītotthiteṣu ca ||
mattonmattapramatteṣu na śastrāṇy upadhārayet ||
ity evaṃ gurubhiḥ pūrvam upadiṣṭaṃ nṛṇāṃ sadā ||
so 'ham utkramya panthānaṃ śāstradṛṣṭaṃ sanātanam ||
amārgeṇaivam ārabhya ghorām āpadam āgataḥ ||
tāṃ cāpadaṃ ghoratarāṃ pravadanti manīṣiṇaḥ ||
yad udyamya mahat kṛtyaṃ bhayād api nivartate ||
aśakyaṃ caiva kaḥ kartuṃ śaktaḥ śaktibalād iha ||
na hi daivād garīyo vai mānuṣaṃ karma kathyate ||
mānuṣaṃ kurvataḥ karma yadi daivān na sidhyati ||
sa pathaḥ pracyuto dharmyād vipadaṃ pratipadyate ||
pratighātaṃ hy avijñātaṃ pravadanti manīṣiṇaḥ ||
yad ārabhya kriyāṃ kāṃ cid bhayād iha nivartate ||
tad idaṃ duṣpraṇītena bhayaṃ māṃ samupasthitam ||
na hi droṇasutaḥ saṃkhye nivarteta kathaṃ cana ||
idaṃ ca sumahad bhūtaṃ daivadaṇḍam ivodyatam ||
na caitad abhijānāmi cintayann api sarvathā ||
dhruvaṃ yeyam adharme me pravṛttā kaluṣā matiḥ ||
tasyāḥ phalam idaṃ ghoraṃ pratighātāya dṛśyate ||
tad idaṃ daivavihitaṃ mama saṃkhye nivartanam ||
nānyatra daivād udyantum iha śakyaṃ kathaṃ cana ||
Ашваттхаман сказал: «Кто не слушает друзей, говорящих неприятную, но полезную речь, тот, попав в беду, скорбит, как я теперь, не послушав этих двоих. Кто, преступив запрет шастры, желает убить тех, кого нельзя убивать, тот отпадает от пути дхармы и вступает на дурную дорогу. К коровам, брахманам, царям, женщинам, другу, матери, учителю, старым, детям, неразумным, слепым, спящим, испуганным, вставшим с места, пьяным, безумным и беспечным не следует поднимать оружие: так прежде всегда учили людей наставники. Я же, переступив вечный путь, признанный шастрой, начал дело неправедным путём и пришёл к страшной беде. Но мудрецы называют ещё более страшной бедой то, когда человек, начав великое дело, отступает из страха. Кто здесь может сделать невозможное одной собственной силой? Человеческое действие не называют более веским, чем судьба. Если у человека, совершающего дело, оно не удаётся из-за судьбы, он, сойдя с пути дхармы, приходит к беде. Мудрецы говорят о непознанном препятствии, когда начавший какое-то действие здесь отступает из страха. Эта опасность настигла меня из-за дурно направленного решения. Но сын Дроны в бою никак не отступит. И это огромное существо, словно поднятый жезл судьбы, я не могу распознать, как ни размышляю. Несомненно, эта моя мутная мысль, устремившаяся к адхарме, дала страшный плод, видимый как препятствие. Это моё отступление в бою устроено судьбой; помимо судьбы здесь невозможно ничего предпринять».
5d0842c6b1dd · 发布于 2026年6月20日 12:10:10 UTC
可用语言RU用方向键翻颂
В этой речи звучит редкий миг самоузнавания: Ашваттхаман прямо видит свою мысль как мутную и неправедную. Но даже это знание не спасает, потому что он уже связывает честь с невозможностью остановиться.