ततस् तद् अस्त्रं सहसा सृष्टं गाण्डीवधन्वना ॥
प्रजज्वाल महार्चिष्मद् युगान्तानलसंनिभम् ॥
तथैव द्रोणपुत्रस्य तद् अस्त्रं तिग्मतेजसः ॥
प्रजज्वाल महाज्वालं तेजोमण्डलसंवृतम् ॥
निर्घाता बहवश् चासन् पेतुर् उल्काः सहस्रशः ॥
महद् भयं च भूतानां सर्वेषां समजायत ॥
सशब्दम् अभवद् व्योम ज्वालामालाकुलं भृशम् ॥
चचाल च मही कृत्स्ना सपर्वतवनद्रुमा ॥
ते अस्त्रे तेजसा लोकांस् तापयन्ती व्यवस्थिते ॥
महर्षी सहितौ तत्र दर्शयाम् आसतुस् तदा ॥
नारदः स च धर्मात्मा भरतानां पितामहः ॥
उभौ शमयितुं वीरौ भारद्वाजधनंजयौ ॥
तौ मुनी सर्वधर्मज्ञौ सर्वभूतहितैषिणौ ॥
दीप्तयोर् अस्त्रयोर् मध्ये स्थितौ परमतेजसौ ॥
तदन्तरम् अनाधृष्याव् उपगम्य यशस्विनौ ॥
आस्ताम् ऋषिवरौ तत्र ज्वलिताव् इव पावकौ ॥
प्राणभृद्भिर् अनाधृष्यौ देवदानवसंमतौ ॥
अस्त्रतेजः शमयितुं लोकानां हितकाम्यया ॥
tatas tad astraṃ sahasā sṛṣṭaṃ gāṇḍīvadhanvanā ||
prajajvāla mahārciṣmad yugāntānalasaṃnibham ||
tathaiva droṇaputrasya tad astraṃ tigmatejasaḥ ||
prajajvāla mahājvālaṃ tejomaṇḍalasaṃvṛtam ||
nirghātā bahavaś cāsan petur ulkāḥ sahasraśaḥ ||
mahad bhayaṃ ca bhūtānāṃ sarveṣāṃ samajāyata ||
saśabdam abhavad vyoma jvālāmālākulaṃ bhṛśam ||
cacāla ca mahī kṛtsnā saparvatavanadrumā ||
te astre tejasā lokāṃs tāpayantī vyavasthite ||
maharṣī sahitau tatra darśayām āsatus tadā ||
nāradaḥ sa ca dharmātmā bharatānāṃ pitāmahaḥ ||
ubhau śamayituṃ vīrau bhāradvājadhanaṃjayau ||
tau munī sarvadharmajñau sarvabhūtahitaiṣiṇau ||
dīptayor astrayor madhye sthitau paramatejasau ||
tadantaram anādhṛṣyāv upagamya yaśasvinau ||
āstām ṛṣivarau tatra jvalitāv iva pāvakau ||
prāṇabhṛdbhir anādhṛṣyau devadānavasaṃmatau ||
astratejaḥ śamayituṃ lokānāṃ hitakāmyayā ||
Затем астра, выпущенная владельцем Гандивы, внезапно запылала великим пламенем, подобным огню конца юги. Точно так же оружие остроблестящего сына Дроны разгорелось великим пламенем, окружённое кругом сияния. Раздалось множество громовых ударов, тысячами падали метеоры, и великий страх охватил всех существ. Небо загрохотало, наполнившись гирляндами пламени; вся земля задрожала вместе с горами, лесами и деревьями. Когда две астры остановились, паля миры своим жаром, там явились два великих риши: Нарада и праведный праотец Бхаратов Вьяса. Оба пришли усмирить двух героев — сына Бхарадваджи и Дхананджаю. Эти два муни, знающие всю дхарму и желающие блага всем существам, встали между двумя пылающими астрами, сияя высшим светом. Неприступные для живых существ, почитаемые богами и данавами, два лучших риши вошли в это недоступное пространство и стояли там, словно два пылающих огня, желая ради блага миров усмирить сияние оружия».
b8083f10de78 · 发布于 2026年6月20日 12:42:55 UTC
可用语言RU用方向键翻颂
Когда сила воинов угрожает уже не врагу, а миру, вмешиваются мудрецы. Их авторитет выше военной победы, потому что дхарма не допускает разрушения мироздания ради личной мести.