द्रौणिर् अप्य् अथ संप्रेक्ष्य ताव् ऋषी पुरतः स्थितौ ॥
न शशाक पुनर् घोरम् अस्त्रं संहर्तुम् आहवे ॥
अशक्तः प्रतिसंहारे परमास्त्रस्य संयुगे ॥
द्रौणिर् दीनमना राजन् द्वैपायनम् अभाषत ॥
उत्तमव्यसनार्तेन प्राणत्राणम् अभीप्सुना ॥
मयैतद् अस्त्रम् उत्सृष्टं भीमसेनभयान् मुने ॥
अधर्मश् च कृतो ऽनेन धार्तराष्ट्रं जिघांसता ॥
मिथ्याचारेण भगवन् भीमसेनेन संयुगे ॥
अतः सृष्टम् इदं ब्रह्मन् मयास्त्रम् अकृतात्मना ॥
तस्य भूयो ऽद्य संहारं कर्तुं नाहम् इहोत्सहे ॥
विसृष्टं हि मया दिव्यम् एतद् अस्त्रं दुरासदम् ॥
अपाण्डवायेति मुने वह्नितेजो ऽनुमन्त्र्य वै ॥
तद् इदं पाण्डवेयानाम् अन्तकायाभिसंहितम् ॥
अद्य पाण्डुसुतान् सर्वाञ् जीविताद् भ्रंशयिष्यति ॥
कृतं पापम् इदं ब्रह्मन् रोषाविष्टेन चेतसा ॥
वधम् आशास्य पार्थानां मयास्त्रं सृजता रणे ॥
drauṇir apy atha saṃprekṣya tāv ṛṣī purataḥ sthitau ||
na śaśāka punar ghoram astraṃ saṃhartum āhave ||
aśaktaḥ pratisaṃhāre paramāstrasya saṃyuge ||
drauṇir dīnamanā rājan dvaipāyanam abhāṣata ||
uttamavyasanārtena prāṇatrāṇam abhīpsunā ||
mayaitad astram utsṛṣṭaṃ bhīmasenabhayān mune ||
adharmaś ca kṛto 'nena dhārtarāṣṭraṃ jighāṃsatā ||
mithyācāreṇa bhagavan bhīmasenena saṃyuge ||
ataḥ sṛṣṭam idaṃ brahman mayāstram akṛtātmanā ||
tasya bhūyo 'dya saṃhāraṃ kartuṃ nāham ihotsahe ||
visṛṣṭaṃ hi mayā divyam etad astraṃ durāsadam ||
apāṇḍavāyeti mune vahnitejo 'numantrya vai ||
tad idaṃ pāṇḍaveyānām antakāyābhisaṃhitam ||
adya pāṇḍusutān sarvāñ jīvitād bhraṃśayiṣyati ||
kṛtaṃ pāpam idaṃ brahman roṣāviṣṭena cetasā ||
vadham āśāsya pārthānāṃ mayāstraṃ sṛjatā raṇe ||
Увидев двух риши, стоящих перед ним, Драуни не смог в бою отозвать страшную астру. Неспособный вернуть высшее оружие, он, пав духом, сказал Двайпаяне: «О муни, я выпустил эту астру, мучимый крайней бедой и желая спасти жизнь, из страха перед Бхимасеной. Бхимасена в бою совершил адхарму: обманным действием он хотел убить сына Дхритараштры. Поэтому я, необузданный, выпустил это оружие, о брахман, и теперь не способен снова отозвать его. Я выпустил эту божественную, недоступную астру, закляв её огненным сиянием словами: “Да не будет Пандавов!” Она направлена на гибель Пандавеев и сегодня лишит жизни всех сынов Панду. О брахман, этот грех совершён мной, когда в уме, охваченном гневом, я выпустил оружие в бою, желая смерти Партхов».
fc3467931b74 · 发布于 2026年6月20日 12:45:07 UTC
可用语言RU用方向键翻颂
Ашваттхаман признаёт не столько вину, сколько потерю контроля. Гнев заставил его произнести намерение уничтожить Пандавов вообще, и теперь оружие следует этому намерению.