वैशंपायन उवाच
प्रदायाथ मणिं द्रौणिः पाण्डवानां महात्मनाम् ॥
जगाम विमनास् तेषां सर्वेषां पश्यतां वनम् ॥
पाण्डवाश् चापि गोविन्दं पुरस्कृत्य हतद्विषः ॥
कृष्णद्वैपायनं चैव नारदं च महामुनिम् ॥
द्रोणपुत्रस्य सहजं मणिम् आदाय सत्वराः ॥
द्रौपदीम् अभ्यधावन्त प्रायोपेतां मनस्विनीम् ॥
ततस् ते पुरुषव्याघ्राः सदश्वैर् अनिलोपमैः ॥
अभ्ययुः सहदाशार्हाः शिबिरं पुनर् एव ह ॥
अवतीर्य रथाभ्यां तु त्वरमाणा महारथाः ॥
ददृशुर् द्रौपदीं कृष्णाम् आर्ताम् आर्ततराः स्वयम् ॥
ताम् उपेत्य निरानन्दां दुःखशोकसमन्विताम् ॥
परिवार्य व्यतिष्ठन्त पाण्डवाः सहकेशवाः ॥
ततो राज्ञाभ्यनुज्ञातो भीमसेनो महाबलः ॥
प्रददौ तु मणिं दिव्यं वचनं चेदम् अब्रवीत् ॥
अयं भद्रे तव मणिः पुत्रहन्ता जितः स ते ॥
उत्तिष्ठ शोकम् उत्सृज्य क्षत्रधर्मम् अनुस्मर ॥
प्रयाणे वासुदेवस्य शमार्थम् असितेक्षणे ॥
यान्य् उक्तानि त्वया भीरु वाक्यानि मधुघातिनः ॥
नैव मे पतयः सन्ति न पुत्रा भ्रातरो न च ॥
नैव त्वम् अपि गोविन्द शमम् इच्छति राजनि ॥
उक्तवत्य् असि धीराणि वाक्यानि पुरुषोत्तमम् ॥
क्षत्रधर्मानुरूपाणि तानि संस्मर्तुम् अर्हसि ॥
हतो दुर्योधनः पापो राज्यस्य परिपन्थकः ॥
दुःशासनस्य रुधिरं पीतं विस्फुरतो मया ॥
वैरस्य गतम् आनृण्यं न स्म वाच्या विवक्षताम् ॥
जित्वा मुक्तो द्रोणपुत्रो ब्राह्मण्याद् गौरवेण च ॥
यशो ऽस्य पातितं देवि शरीरं त्व् अवशेषितम् ॥
वियोजितश् च मणिना न्यासितश् चायुधं भुवि ॥
vaiśaṃpāyana uvāca
pradāyātha maṇiṃ drauṇiḥ pāṇḍavānāṃ mahātmanām ||
jagāma vimanās teṣāṃ sarveṣāṃ paśyatāṃ vanam ||
pāṇḍavāś cāpi govindaṃ puraskṛtya hatadviṣaḥ ||
kṛṣṇadvaipāyanaṃ caiva nāradaṃ ca mahāmunim ||
droṇaputrasya sahajaṃ maṇim ādāya satvarāḥ ||
draupadīm abhyadhāvanta prāyopetāṃ manasvinīm ||
tatas te puruṣavyāghrāḥ sadaśvair anilopamaiḥ ||
abhyayuḥ sahadāśārhāḥ śibiraṃ punar eva ha ||
avatīrya rathābhyāṃ tu tvaramāṇā mahārathāḥ ||
dadṛśur draupadīṃ kṛṣṇām ārtām ārtatarāḥ svayam ||
tām upetya nirānandāṃ duḥkhaśokasamanvitām ||
parivārya vyatiṣṭhanta pāṇḍavāḥ sahakeśavāḥ ||
tato rājñābhyanujñāto bhīmaseno mahābalaḥ ||
pradadau tu maṇiṃ divyaṃ vacanaṃ cedam abravīt ||
ayaṃ bhadre tava maṇiḥ putrahantā jitaḥ sa te ||
uttiṣṭha śokam utsṛjya kṣatradharmam anusmara ||
prayāṇe vāsudevasya śamārtham asitekṣaṇe ||
yāny uktāni tvayā bhīru vākyāni madhughātinaḥ ||
naiva me patayaḥ santi na putrā bhrātaro na ca ||
naiva tvam api govinda śamam icchati rājani ||
uktavaty asi dhīrāṇi vākyāni puruṣottamam ||
kṣatradharmānurūpāṇi tāni saṃsmartum arhasi ||
hato duryodhanaḥ pāpo rājyasya paripanthakaḥ ||
duḥśāsanasya rudhiraṃ pītaṃ visphurato mayā ||
vairasya gatam ānṛṇyaṃ na sma vācyā vivakṣatām ||
jitvā mukto droṇaputro brāhmaṇyād gauraveṇa ca ||
yaśo 'sya pātitaṃ devi śarīraṃ tv avaśeṣitam ||
viyojitaś ca maṇinā nyāsitaś cāyudhaṃ bhuvi ||
Вайшампаяна сказал: «Отдав драгоценный камень великодушным Пандавам, Драуни, подавленный, на глазах у всех ушёл в лес. Пандавы же, врагов уже уничтожив, поставили впереди Говинду, взяли с собой Кришну-Двайпаяну и великого муни Нараду, взяли врождённый камень сына Дроны и поспешили к решительной Драупади, приступившей к посту смерти. Затем тигры среди людей вместе с Дашархой на добрых конях, подобных ветру, снова прибыли в лагерь. Сойдя с колесниц, спешащие махаратхи увидели Кришну-Драупади: она была в горе, а сами они были ещё горше. Подойдя к безрадостной, полной страдания и скорби, Пандавы вместе с Кешавой окружили её. Тогда, с позволения царя, могучий Бхимасена передал ей божественный камень и сказал: “Благородная, вот твоя драгоценность; убийца твоих сыновей побеждён тобой. Встань, оставь скорбь и вспомни кшатрийскую дхарму. Когда Васудева отправлялся ради мира, о темноокая, ты сказала Мадхугхатину такие слова: ‘Нет у меня ни мужей, ни сыновей, ни братьев; и тебя, Говинда, тоже нет, если царь желает мира’. Ты сказала Пурушоттаме твёрдые слова, соответствующие кшатрийской дхарме; теперь ты должна их вспомнить. Грешный Дурьодхана, препятствие царства, убит; кровь Духшасаны я пил, пока он трепетал. Долг вражды оплачен; пусть никто из желающих говорить не упрекает нас. Сын Дроны побеждён и отпущен из-за его брахманства и ради уважения; его слава низвергнута, богиня, но тело оставлено. Он лишён драгоценности и сложил оружие на землю”».
439a6fe0474e · 发布于 2026年6月20日 12:47:55 UTC
可用语言RU用方向键翻颂
Бхима приносит Драупади не голову врага, а знак его лишённой силы. Месть ограничена дхармой: виновный унижен и обезоружен, но не убит как брахман.