वैशंपायन उवाच
तत एनम् उपातिष्ठञ् शौचार्थं परिचारकाः ॥
कृतशौचं पुनश् चैनं प्रोवाच मधुसूदनः ॥
राजन्न् अधीता वेदास् ते शास्त्राणि विविधानि च ॥
श्रुतानि च पुराणानि राजधर्माश् च केवलाः ॥
एवं विद्वान् महाप्राज्ञ नाकार्षीर् वचनं तदा ॥
पाण्डवान् अधिकाञ् जानन् बले शौर्ये च कौरव ॥
राजा हि यः स्थिरप्रज्ञः स्वयं दोषान् अवेक्षते ॥
देशकालविभागं च परं श्रेयः स विन्दति ॥
उच्यमानं च यः श्रेयो गृह्णीते नो हिताहिते ॥
आपदं समनुप्राप्य स शोचत्य् अनये स्थितः ॥
ततो ऽन्यवृत्तम् आत्मानं समवेक्षस्व भारत ॥
राजंस् त्वं ह्य् अविधेयात्मा दुर्योधनवशे स्थितः ॥
आत्मापराधाद् आयस्तस् तत् किं भीमं जिघांससि ॥
तस्मात् संयच्छ कोपं त्वं स्वम् अनुस्मृत्य दुष्कृतम् ॥
यस् तु तां स्पर्धया क्षुद्रः पाञ्चालीम् आनयत् सभाम् ॥
स हतो भीमसेनेन वैरं प्रतिचिकीर्षता ॥
आत्मनो ऽतिक्रमं पश्य पुत्रस्य च दुरात्मनः ॥
यद् अनागसि पाण्डूनां परित्यागः परंतप ॥
vaiśaṃpāyana uvāca
tata enam upātiṣṭhañ śaucārthaṃ paricārakāḥ ||
kṛtaśaucaṃ punaś cainaṃ provāca madhusūdanaḥ ||
rājann adhītā vedās te śāstrāṇi vividhāni ca ||
śrutāni ca purāṇāni rājadharmāś ca kevalāḥ ||
evaṃ vidvān mahāprājña nākārṣīr vacanaṃ tadā ||
pāṇḍavān adhikāñ jānan bale śaurye ca kaurava ||
rājā hi yaḥ sthiraprajñaḥ svayaṃ doṣān avekṣate ||
deśakālavibhāgaṃ ca paraṃ śreyaḥ sa vindati ||
ucyamānaṃ ca yaḥ śreyo gṛhṇīte no hitāhite ||
āpadaṃ samanuprāpya sa śocaty anaye sthitaḥ ||
tato 'nyavṛttam ātmānaṃ samavekṣasva bhārata ||
rājaṃs tvaṃ hy avidheyātmā duryodhanavaśe sthitaḥ ||
ātmāparādhād āyastas tat kiṃ bhīmaṃ jighāṃsasi ||
tasmāt saṃyaccha kopaṃ tvaṃ svam anusmṛtya duṣkṛtam ||
yas tu tāṃ spardhayā kṣudraḥ pāñcālīm ānayat sabhām ||
sa hato bhīmasenena vairaṃ praticikīrṣatā ||
ātmano 'tikramaṃ paśya putrasya ca durātmanaḥ ||
yad anāgasi pāṇḍūnāṃ parityāgaḥ paraṃtapa ||
Вайшампаяна сказал: «Затем слуги подошли к нему для очищения. Когда очищение было совершено, Мадхусудана снова сказал ему: “О царь, ты изучил Веды, разные шастры, слышал Пураны и все царские дхармы. Но, зная всё это, о мудрейший Каурава, ты тогда не исполнил доброго совета, хотя знал, что Пандавы превосходят других силой и доблестью. Царь с твёрдой мудростью сам видит свои недостатки, различает место и время и обретает высшее благо. Но тот, кто не принимает сказанного ему блага, не различает полезное и вредное, попав в беду, скорбит, пребывая в неправде. Поэтому, о Бхарата, рассмотри самого себя, поступившего иначе. О царь, ты не владел собой и стоял во власти Дурьодханы. Измученный собственной виной, зачем же ты хочешь убить Бхиму? Поэтому сдержи свой гнев, вспомнив собственный проступок. Тот низкий человек, который из соперничества привёл Панчали в собрание, был убит Бхимасеной, желавшим совершить возмездие. Увидь свой проступок и проступок своего злодушного сына, о губитель врагов: ты отверг невиновных Пандавов”».
b1d93828bf25 · 发布于 2026年6月20日 13:51:33 UTC
可用语言RU用方向键翻颂
Кришна не даёт Дхритараштре спрятаться за скорбью. Сострадание к царю не отменяет правды: его гнев на Бхиму вырос из той же слепоты, которая раньше позволила унизить Драупади.