तच् छ्रुत्वा वासुदेवस्य तथ्यं वचनम् उत्तमम् ॥
साश्रुकण्ठः स धर्मज्ञो जनार्दनम् उवाच ह ॥
यद् भवान् आह भीष्मस्य प्रभावं प्रति माधव ॥
तथा तन् नात्र संदेहो विद्यते मम मानद ॥
महाभाग्यं हि भीष्मस्य प्रभावश् च महात्मनः ॥
श्रुतं मया कथयतां ब्राह्मणानां महात्मनाम् ॥
भवांश् च कर्ता लोकानां यद् ब्रवीत्य् अरिसूदन ॥
तथा तद् अनभिध्येयं वाक्यं यादवनन्दन ॥
यतस् त्व् अनुग्रहकृता बुद्धिस् ते मयि माधव ॥
त्वाम् अग्रतः पुरस्कृत्य भीष्मं पश्यामहे वयम् ॥
आवृत्ते भगवत्य् अर्के स हि लोकान् गमिष्यति ॥
त्वद्दर्शनं महाबाहो तस्माद् अर्हति कौरवः ॥
तव ह्य् आद्यस्य देवस्य क्षरस्यैवाक्षरस्य च ॥
दर्शनं तस्य लाभः स्यात् त्वं हि ब्रह्ममयो निधिः ॥
श्रुत्वैतद् धर्मराजस्य वचनं मधुसूदनः ॥
पार्श्वस्थं सात्यकिं प्राह रथो मे युज्यताम् इति ॥
सात्यकिस् तूपनिष्क्रम्य केशवस्य समीपतः ॥
दारुकं प्राह कृष्णस्य युज्यतां रथ इत्य् उत ॥
स सात्यकेर् आशु वचो निशम्य; रथोत्तमं काञ्चनभूषिताङ्गम् ॥
मसारगल्वर्कमयैर् विभङ्गैर्; विभूषितं हेमपिनद्धचक्रम् ॥
दिवाकरांशुप्रभम् आशुगामिनं; विचित्रनानामणिरत्नभूषितम् ॥
नवोदितं सूर्यम् इव प्रतापिनं; विचित्रतार्क्ष्यध्वजिनं पताकिनम् ॥
सुग्रीवसैन्यप्रमुखैर् वराश्वैर्; मनोजवैः काञ्चनभूषिताङ्गैः ॥
सुयुक्तम् आवेदयद् अच्युताय; कृताञ्जलिर् दारुको राजसिंह ॥
tac chrutvā vāsudevasya tathyaṃ vacanam uttamam ||
sāśrukaṇṭhaḥ sa dharmajño janārdanam uvāca ha ||
yad bhavān āha bhīṣmasya prabhāvaṃ prati mādhava ||
tathā tan nātra saṃdeho vidyate mama mānada ||
mahābhāgyaṃ hi bhīṣmasya prabhāvaś ca mahātmanaḥ ||
śrutaṃ mayā kathayatāṃ brāhmaṇānāṃ mahātmanām ||
bhavāṃś ca kartā lokānāṃ yad bravīty arisūdana ||
tathā tad anabhidhyeyaṃ vākyaṃ yādavanandana ||
yatas tv anugrahakṛtā buddhis te mayi mādhava ||
tvām agrataḥ puraskṛtya bhīṣmaṃ paśyāmahe vayam ||
āvṛtte bhagavaty arke sa hi lokān gamiṣyati ||
tvaddarśanaṃ mahābāho tasmād arhati kauravaḥ ||
tava hy ādyasya devasya kṣarasyaivākṣarasya ca ||
darśanaṃ tasya lābhaḥ syāt tvaṃ hi brahmamayo nidhiḥ ||
śrutvaitad dharmarājasya vacanaṃ madhusūdanaḥ ||
pārśvasthaṃ sātyakiṃ prāha ratho me yujyatām iti ||
sātyakis tūpaniṣkramya keśavasya samīpataḥ ||
dārukaṃ prāha kṛṣṇasya yujyatāṃ ratha ity uta ||
sa sātyaker āśu vaco niśamya; rathottamaṃ kāñcanabhūṣitāṅgam ||
masāragalvarkamayair vibhaṅgair; vibhūṣitaṃ hemapinaddhacakram ||
divākarāṃśuprabham āśugāminaṃ; vicitranānāmaṇiratnabhūṣitam ||
navoditaṃ sūryam iva pratāpinaṃ; vicitratārkṣyadhvajinaṃ patākinam ||
sugrīvasainyapramukhair varāśvair; manojavaiḥ kāñcanabhūṣitāṅgaiḥ ||
suyuktam āvedayad acyutāya; kṛtāñjalir dāruko rājasiṃha ||
Услышав истинное и высшее слово Васудевы, знаток дхармы Юдхиштхира с горлом, сдавленным слезами, сказал Джанардане: «То, что ты сказал о могуществе Бхишмы, Мадхава, истинно; в этом у меня нет сомнения, дарующий почёт. О великой доле и могуществе великодушного Бхишмы я слышал от великодушных брахманов. И ты, губитель врагов, творец миров; слово, которое ты произносишь, о радость Ядавов, не подлежит сомнению. Раз твой ум, Мадхава, из милости обратился ко мне, мы пойдём увидеть Бхишму, поставив тебя впереди. Когда благословенное солнце повернёт, он уйдёт в высшие миры; поэтому Каурава достоин твоего даршана, сильнорукий. Видение тебя, изначального Бога, преходящего и непреходящего, станет для него великим обретением, ведь ты — сокровище, полное Брахмана». Услышав эти слова царя дхармы, Мадхусудана сказал стоявшему рядом Сатьяки: «Пусть запрягут мою колесницу». Сатьяки, выйдя от Кешавы, сказал Даруке, возничему Кришны: «Запрягай колесницу». Быстро услышав слова Сатьяки, Дарука со сложенными ладонями доложил Ачьюте, о лев среди царей, что лучшая колесница, златоукрашенная, с драгоценными частями, с колёсами, скреплёнными золотом, сияющая как солнечные лучи, быстроходная, украшенная разными самоцветами, пылающая как нововзошедшее солнце, со знаменем Гаруды и стягом, хорошо запряжена лучшими конями Сугривой, Сайньей и другими, быстрыми как мысль и украшенными золотом.
16c0774d3aed · 发布于 2026年6月20日 17:11:24 UTC
可用语言RU用方向键翻颂
Юдхиштхира принимает совет Кришны и видит в посещении Бхишмы не только свой долг ученика, но и милость к самому Бхишме: умирающий герой должен увидеть Господа перед уходом.