अनाद्यन्तम् अजं दिव्यम् अजरं ध्रुवम् अव्ययम् ॥
अप्रतर्क्यम् अविज्ञेयं ब्रह्माग्रे समवर्तत ॥
काष्ठा निमेषा दश पञ्च चैव; त्रिंशत् तु काष्ठा गणयेत् कलां ताम् ॥
त्रिंशत् कलाश् चापि भवेन् मुहूर्तो; भागः कलाया दशमश् च यः स्यात् ॥
त्रिंशन् मुहूर्तश् च भवेद् अहश् च; रात्रिश् च संख्या मुनिभिः प्रणीता ॥
मासः स्मृतो रात्र्यहनी च त्रिंशत्; संवत्सरो द्वादशमास उक्तः ॥
संवत्सरं द्वे अयने वदन्ति; संख्याविदो दक्षिणम् उत्तरं च ॥
अहोरात्रे विभजते सूर्यो मानुषलौकिके ॥
रात्रिः स्वप्नाय भूतानां चेष्टायै कर्मणाम् अहः ॥
पित्र्ये रात्र्यहनी मासः प्रविभागस् तयोः पुनः ॥
कृष्णो ऽहः कर्मचेष्टायां शुक्लः स्वप्नाय शर्वरी ॥
दैवे रात्र्यहनी वर्षं प्रविभागस् तयोः पुनः ॥
अहस् तत्रोदगयनं रात्रिः स्याद् दक्षिणायनम् ॥
ये ते रात्र्यहनी पूर्वे कीर्तिते दैवलौकिके ॥
तयोः संख्याय वर्षाग्रं ब्राह्मे वक्ष्याम्य् अहःक्षपे ॥
तेषां संवत्सराग्राणि प्रवक्ष्याम्य् अनुपूर्वशः ॥
कृते त्रेतायुगे चैव द्वापरे च कलौ तथा ॥
anādyantam ajaṃ divyam ajaraṃ dhruvam avyayam ||
apratarkyam avijñeyaṃ brahmāgre samavartata ||
kāṣṭhā nimeṣā daśa pañca caiva; triṃśat tu kāṣṭhā gaṇayet kalāṃ tām ||
triṃśat kalāś cāpi bhaven muhūrto; bhāgaḥ kalāyā daśamaś ca yaḥ syāt ||
triṃśan muhūrtaś ca bhaved ahaś ca; rātriś ca saṃkhyā munibhiḥ praṇītā ||
māsaḥ smṛto rātryahanī ca triṃśat; saṃvatsaro dvādaśamāsa uktaḥ ||
saṃvatsaraṃ dve ayane vadanti; saṃkhyāvido dakṣiṇam uttaraṃ ca ||
ahorātre vibhajate sūryo mānuṣalaukike ||
rātriḥ svapnāya bhūtānāṃ ceṣṭāyai karmaṇām ahaḥ ||
pitrye rātryahanī māsaḥ pravibhāgas tayoḥ punaḥ ||
kṛṣṇo 'haḥ karmaceṣṭāyāṃ śuklaḥ svapnāya śarvarī ||
daive rātryahanī varṣaṃ pravibhāgas tayoḥ punaḥ ||
ahas tatrodagayanaṃ rātriḥ syād dakṣiṇāyanam ||
ye te rātryahanī pūrve kīrtite daivalaukike ||
tayoḥ saṃkhyāya varṣāgraṃ brāhme vakṣyāmy ahaḥkṣape ||
teṣāṃ saṃvatsarāgrāṇi pravakṣyāmy anupūrvaśaḥ ||
kṛte tretāyuge caiva dvāpare ca kalau tathā ||
Вьяса сказал: «Вначале пребывал Брахман: без начала и конца, нерождённый, божественный, нестареющий, устойчивый, неистощимый, непостижимый рассуждением и недоступный обычному познанию. Пятнадцать нимеш составляют каштху; тридцать каштх считаются калой; тридцать кал становятся мухуртой, а также есть десятая часть калы. Тридцать мухурт составляют день и ночь - такой счёт установлен мудрецами. Тридцать дней и ночей считаются месяцем; двенадцать месяцев называются годом; знатоки счёта говорят, что год состоит из двух аян - южной и северной. В человеческом мире солнце разделяет день и ночь: ночь предназначена для сна существ, день - для деятельности и дел. Для предков месяц является днём и ночью: тёмная половина - их день для действия, светлая - их ночь для сна. Для богов год является днём и ночью: северный путь является днём, южный - ночью. Я уже назвал день и ночь в мире богов; теперь, исчислив их годовую меру, расскажу о дне и ночи Брахмы. По порядку изложу меры лет в Крита-, Трета-, Двапара- и Кали-юге».
6a333089a6ca · 发布于 2026年6月21日 08:45:22 UTC
可用语言RU用方向键翻颂
Учение начинается не с материи, а с Брахмана, превосходящего рассуждение. Затем время разворачивается ступенями: человеческая, предковая, божественная и брахмическая мера показывают относительность космического времени.