युधिष्ठिर उवाच
अतत्त्वज्ञस्य शास्त्राणां सततं संशयात्मनः ॥
अकृतव्यवसायस्य श्रेयो ब्रूहि पितामह ॥
भीष्म उवाच
गुरुपूजा च सततं वृद्धानां पर्युपासनम् ॥
श्रवणं चैव विद्यानां कूटस्थं श्रेय उच्यते ॥
अत्राप्य् उदाहरन्तीमम् इतिहासं पुरातनम् ॥
गालवस्य च संवादं देवर्षेर् नारदस्य च ॥
वीतमोहक्लमं विप्रं ज्ञानतृप्तं जितेन्द्रियम् ॥
श्रेयस्कामं जितात्मानं नारदं गालवो ऽब्रवीत् ॥
यैः कैश् चित् संमतो लोके गुणैस् तु पुरुषो नृषु ॥
भवत्य् अनपगान् सर्वांस् तान् गुणांल् लक्षयाम्य् अहम् ॥
भवान् एवंविधो ऽस्माकं संशयं छेत्तुम् अर्हति ॥
अमूढश् चिरमूढानां लोकतत्त्वम् अजानताम् ॥
ज्ञाने ह्य् एवं प्रवृत्तिः स्यात् कार्याकार्ये विजानतः ॥
यत् कार्यं न व्यवस्यामस् तद् भवान् वक्तुम् अर्हति ॥
भगवन्न् आश्रमाः सर्वे पृथगाचारदर्शिनः ॥
इदं श्रेय इदं श्रेय इति नानाप्रधाविताः ॥
तांस् तु विप्रस्थितान् दृष्ट्वा शास्त्रैः शास्त्राभिनन्दिनः ॥
स्वशास्त्रैः परितुष्टांश् च श्रेयो नोपलभामहे ॥
शास्त्रं यदि भवेद् एकं व्यक्तं श्रेयो भवेत् तदा ॥
शास्त्रैश् च बहुभिर् भूयः श्रेयो गुह्यं प्रवेशितम् ॥
एतस्मात् कारणाच् छ्रेयः कलिलं प्रतिभाति माम् ॥
ब्रवीतु भगवांस् तन् मे उपसन्नो ऽस्म्य् अधीहि भोः ॥
yudhiṣṭhira uvāca
atattvajñasya śāstrāṇāṃ satataṃ saṃśayātmanaḥ ||
akṛtavyavasāyasya śreyo brūhi pitāmaha ||
bhīṣma uvāca
gurupūjā ca satataṃ vṛddhānāṃ paryupāsanam ||
śravaṇaṃ caiva vidyānāṃ kūṭasthaṃ śreya ucyate ||
atrāpy udāharantīmam itihāsaṃ purātanam ||
gālavasya ca saṃvādaṃ devarṣer nāradasya ca ||
vītamohaklamaṃ vipraṃ jñānatṛptaṃ jitendriyam ||
śreyaskāmaṃ jitātmānaṃ nāradaṃ gālavo 'bravīt ||
yaiḥ kaiś cit saṃmato loke guṇais tu puruṣo nṛṣu ||
bhavaty anapagān sarvāṃs tān guṇāṃl lakṣayāmy aham ||
bhavān evaṃvidho 'smākaṃ saṃśayaṃ chettum arhati ||
amūḍhaś ciramūḍhānāṃ lokatattvam ajānatām ||
jñāne hy evaṃ pravṛttiḥ syāt kāryākārye vijānataḥ ||
yat kāryaṃ na vyavasyāmas tad bhavān vaktum arhati ||
bhagavann āśramāḥ sarve pṛthagācāradarśinaḥ ||
idaṃ śreya idaṃ śreya iti nānāpradhāvitāḥ ||
tāṃs tu viprasthitān dṛṣṭvā śāstraiḥ śāstrābhinandinaḥ ||
svaśāstraiḥ parituṣṭāṃś ca śreyo nopalabhāmahe ||
śāstraṃ yadi bhaved ekaṃ vyaktaṃ śreyo bhavet tadā ||
śāstraiś ca bahubhir bhūyaḥ śreyo guhyaṃ praveśitam ||
etasmāt kāraṇāc chreyaḥ kalilaṃ pratibhāti mām ||
bravītu bhagavāṃs tan me upasanno 'smy adhīhi bhoḥ ||
Юдхиштхира сказал: «О дед, скажи, что является благом для человека, который не знает истины шастр, постоянно сомневается и ещё не принял твёрдого решения». Бхишма сказал: «Постоянное почитание гуру, служение старшим и слушание знаний называются неизменным благом. Об этом приводят древнюю историю — беседу Галавы с божественным риши Нарадой. Галава обратился к Нараде, свободному от заблуждения, удовлетворённому знанием, победившему чувства, ищущему высшего блага и владеющему собой: “Я вижу в тебе все качества, благодаря которым человек бывает признан среди людей. Ты, незаблуждающийся, достоин рассечь наше сомнение, потому что мы долго заблуждались и не знаем сущности мира. У того, кто знает должное и недолжное, действие возникает из знания; но мы не можем решить, что делать, и ты должен сказать это. О Бхагаван, все ашрамы показывают разные обычаи и каждый говорит: ‘Вот благо, вот благо’. Видя, как они расходятся, довольные своими шастрами, мы не находим высшего блага. Если бы шастра была одна, благо было бы ясным; но из-за множества шастр оно снова стало скрытым. Поэтому благо кажется мне запутанным. Я пришёл к тебе: научи меня”».
32a598f74f92 · 发布于 2026年6月21日 07:46:25 UTC
可用语言RU用方向键翻颂
Галава формулирует проблему всякого ищущего: когда авторитетов много, формальная учёность может усилить сомнение. Ответ начинается не с победы одной школы над другой, а с дисциплины почтения, слушания и различения.