तं देवगन्धर्ववृतो महर्षिगणपूजितः ॥
पिनाकहस्तो भगवान् अभ्यागच्छत शंकरः ॥
तम् उवाच महादेवः सान्त्वपूर्वम् इदं वचः ॥
पुत्रशोकाभिसंतप्तं कृष्णद्वैपायनं तदा ॥
अग्नेर् भूमेर् अपां वायोर् अन्तरिक्षस्य चैव ह ॥
वीर्येण सदृशः पुत्रस् त्वया मत्तः पुरा वृतः ॥
स तथालक्षणो जातस् तपसा तव संभृतः ॥
मम चैव प्रभावेन ब्रह्मतेजोमयः शुचिः ॥
स गतिं परमां प्राप्तो दुष्प्रापाम् अजितेन्द्रियैः ॥
दैवतैर् अपि विप्रर्षे तं त्वं किम् अनुशोचसि ॥
यावत् स्थास्यन्ति गिरयो यावत् स्थास्यन्ति सागराः ॥
तावत् तवाक्षया कीर्तिः सपुत्रस्य भविष्यति ॥
छायां स्वपुत्रसदृशीं सर्वतो ऽनपगां सदा ॥
द्रक्ष्यसे त्वं च लोके ऽस्मिन् मत्प्रसादान् महामुने ॥
सो ऽनुनीतो भगवता स्वयं रुद्रेण भारत ॥
छायां पश्यन् समावृत्तः स मुनिः परया मुदा ॥
taṃ devagandharvavṛto maharṣigaṇapūjitaḥ ||
pinākahasto bhagavān abhyāgacchata śaṃkaraḥ ||
tam uvāca mahādevaḥ sāntvapūrvam idaṃ vacaḥ ||
putraśokābhisaṃtaptaṃ kṛṣṇadvaipāyanaṃ tadā ||
agner bhūmer apāṃ vāyor antarikṣasya caiva ha ||
vīryeṇa sadṛśaḥ putras tvayā mattaḥ purā vṛtaḥ ||
sa tathālakṣaṇo jātas tapasā tava saṃbhṛtaḥ ||
mama caiva prabhāvena brahmatejomayaḥ śuciḥ ||
sa gatiṃ paramāṃ prāpto duṣprāpām ajitendriyaiḥ ||
daivatair api viprarṣe taṃ tvaṃ kim anuśocasi ||
yāvat sthāsyanti girayo yāvat sthāsyanti sāgarāḥ ||
tāvat tavākṣayā kīrtiḥ saputrasya bhaviṣyati ||
chāyāṃ svaputrasadṛśīṃ sarvato 'napagāṃ sadā ||
drakṣyase tvaṃ ca loke 'smin matprasādān mahāmune ||
so 'nunīto bhagavatā svayaṃ rudreṇa bhārata ||
chāyāṃ paśyan samāvṛttaḥ sa muniḥ parayā mudā ||
К нему приблизился благословенный Шанкара, держащий Пинаку, окружённый богами и гандхарвами и почитаемый сонмами великих риши. Махадева мягко сказал Кришне Двайпаяне, сожжённому скорбью о сыне: «Некогда ты просил у меня сына, равного силой огню, земле, водам, ветру и пространству. Он и родился с такими признаками, взращённый твоим тапасом и моим могуществом, чистый, состоящий из сияния Брахмана. Он достиг высшей цели, труднодостижимой для тех, кто не победил чувства, и даже для богов, о брахмарши. Почему же ты скорбишь о нём? Пока будут стоять горы и океаны, твоя слава вместе с сыном будет неистощима. По моей милости, великий муни, ты будешь видеть в этом мире тень, подобную своему сыну, всегда и повсюду неотступную». Так тот муни, утешенный самим благословенным Рудрой, увидел тень и возвратился с великой радостью, о Бхарата».
9b577a410a12 · 发布于 2026年6月21日 06:01:20 UTC
可用语言RU用方向键翻颂
Шива не отменяет отцовскую любовь Вьясы, а возвращает ей правильное место. Шука не потерян: он достиг высшего, а память о нём остаётся как благословение и знак духовной славы.