सुमन्त्रश् चोदितो राज्ञा प्रोवाचेदं वचस् तदा । यथर्ष्यशृङ्गस् त्व् आनीतः शृणु मे मन्त्रिभिः सह ॥
रोमपादम् उवाचेदं सहामात्यः पुरोहितः । उपायो निरपायो ऽयम् अस्माभिर् अभिचिन्तितः ॥
ऋष्यशृङ्गो वनचरस् तपःस्वाध्यायने रतः । अनभिज्ञः स नारीणां विषयाणां सुखस्य च ॥
इन्द्रियार्थैर् अभिमतैर् नरचित्त प्रमाथिभिः । पुरम् आनाययिष्यामः क्षिप्रं चाध्यवसीयताम् ॥
गणिकास् तत्र गच्छन्तु रूपवत्यः स्वलंकृताः । प्रलोभ्य विविधोपायैर् आनेष्यन्तीह सत्कृताः ॥
श्रुत्वा तथेति राजा च प्रत्युवाच पुरोहितम् । पुरोहितो मन्त्रिणश् च तथा चक्रुश् च ते तदा ॥
वारमुख्यास् तु तच् छ्रुत्वा वनं प्रविविशुर् महत् । आश्रमस्याविदूरे ऽस्मिन् यत्नं कुर्वन्ति दर्शने ॥
ऋषिपुत्रस्य घोरस्य नित्यम् आश्रमवासिनः । पितुः स नित्यसंतुष्टो नातिचक्राम चाश्रमात् ॥
sumantraś codito rājñā provācedaṃ vacas tadā | yatharṣyaśṛṅgas tv ānītaḥ śṛṇu me mantribhiḥ saha ||
romapādam uvācedaṃ sahāmātyaḥ purohitaḥ | upāyo nirapāyo 'yam asmābhir abhicintitaḥ ||
ṛṣyaśṛṅgo vanacaras tapaḥsvādhyāyane rataḥ | anabhijñaḥ sa nārīṇāṃ viṣayāṇāṃ sukhasya ca ||
indriyārthair abhimatair naracitta pramāthibhiḥ | puram ānāyayiṣyāmaḥ kṣipraṃ cādhyavasīyatām ||
gaṇikās tatra gacchantu rūpavatyaḥ svalaṃkṛtāḥ | pralobhya vividhopāyair āneṣyantīha satkṛtāḥ ||
śrutvā tatheti rājā ca pratyuvāca purohitam | purohito mantriṇaś ca tathā cakruś ca te tadā ||
vāramukhyās tu tac chrutvā vanaṃ praviviśur mahat | āśramasyāvidūre 'smin yatnaṃ kurvanti darśane ||
ṛṣiputrasya ghorasya nityam āśramavāsinaḥ | pituḥ sa nityasaṃtuṣṭo nāticakrāma cāśramāt ||
Побуждённый царём, Сумантра тогда сказал: «Выслушай от меня вместе с министрами, как был приведён Ришьяшринга. Пурохит вместе с советниками сказал Ромападе: “Мы обдумали безопасное средство. Ришьяшринга — лесной муни, преданный аскезе и изучению Вед; он не знает женщин, чувственных объектов и удовольствия. Мы приведём его в город желанными предметами чувств, которые волнуют человеческий ум. Пусть это будет быстро утверждено. Пусть туда отправятся красивые, нарядные куртизанки; разными способами они привлекут его и, будучи почтены, приведут сюда”. Услышав это, царь ответил пурохиту: “Да будет так”, и пурохит с министрами так и поступили. Главные из женщин, услышав это, вошли в великий лес и стали прилагать усилия, чтобы увидеть сына риши недалеко от его ашрама. Суровый сын риши всегда жил в обители отца, был постоянно доволен и не выходил за пределы ашрама».
7be59f826871 · 发布于 2026年6月22日 00:00:00 UTC
可用语言RU用方向键翻颂
Здесь напряжение строится вокруг чистоты Ришьяшринги и необходимости спасти царство от засухи. Советники ищут средство, которое должно сработать без прямого насилия. Текст не идеализирует чувственные средства, но показывает, как даже политическая хитрость оценивается через вопрос вреда, вины и результата для всего царства.