अध्यर्धयोजनं गत्वा सरय्वा दक्षिणे तटे । रामेति मधुरा वाणीं विश्वामित्रो ऽभ्यभाषत ॥
गृहाण वत्स सलिलं मा भूत् कालस्य पर्ययः । मन्त्रग्रामं गृहाण त्वं बलाम् अतिबलां तथा ॥
न श्रमो न ज्वरो वा ते न रूपस्य विपर्ययः । न च सुप्तं प्रमत्तं वा धर्षयिष्यन्ति नैरृताः ॥
न बाह्वोः सदृशो वीर्ये पृथिव्याम् अस्ति कश् चन । त्रिषु लोकेषु वा राम न भवेत् सदृशस् तव ॥
न सौभाग्ये न दाक्षिण्ये न ज्ञाने बुद्धिनिश्चये । नोत्तरे प्रतिपत्तव्यो समो लोके तवानघ ॥
एतद्विद्याद्वये लब्धे भविता नास्ति ते समः । बला चातिबला चैव सर्वज्ञानस्य मातरौ ॥
क्षुत्पिपासे न ते राम भविष्येते नरोत्तम । बलाम् अतिबलां चैव पठतः पथि राघव । विद्याद्वयम् अधीयाने यशश् चाप्य् अतुलं भुवि ॥
पितामहसुते ह्य् एते विद्ये तेजःसमन्विते । प्रदातुं तव काकुत्स्थ सदृशस् त्वं हि धार्मिक ॥
कामं बहुगुणाः सर्वे त्वय्य् एते नात्र संशयः । तपसा संभृते चैते बहुरूपे भविष्यतः ॥
adhyardhayojanaṃ gatvā sarayvā dakṣiṇe taṭe | rāmeti madhurā vāṇīṃ viśvāmitro 'bhyabhāṣata ||
gṛhāṇa vatsa salilaṃ mā bhūt kālasya paryayaḥ | mantragrāmaṃ gṛhāṇa tvaṃ balām atibalāṃ tathā ||
na śramo na jvaro vā te na rūpasya viparyayaḥ | na ca suptaṃ pramattaṃ vā dharṣayiṣyanti nairṛtāḥ ||
na bāhvoḥ sadṛśo vīrye pṛthivyām asti kaś cana | triṣu lokeṣu vā rāma na bhavet sadṛśas tava ||
na saubhāgye na dākṣiṇye na jñāne buddhiniścaye | nottare pratipattavyo samo loke tavānagha ||
etadvidyādvaye labdhe bhavitā nāsti te samaḥ | balā cātibalā caiva sarvajñānasya mātarau ||
kṣutpipāse na te rāma bhaviṣyete narottama | balām atibalāṃ caiva paṭhataḥ pathi rāghava | vidyādvayam adhīyāne yaśaś cāpy atulaṃ bhuvi ||
pitāmahasute hy ete vidye tejaḥsamanvite | pradātuṃ tava kākutstha sadṛśas tvaṃ hi dhārmika ||
kāmaṃ bahuguṇāḥ sarve tvayy ete nātra saṃśayaḥ | tapasā saṃbhṛte caite bahurūpe bhaviṣyataḥ ||
Пройдя полторы йоджаны по южному берегу Сараю, Вишвамитра сладкой речью обратился: «О Рама, дитя, возьми воды, чтобы не было упущено время. Прими это собрание мантр — Балу и Атибалу. Тогда у тебя не будет ни усталости, ни болезни, ни изменения красоты. Ракшасы не нападут на тебя, будь ты спящим или беспечным. В силе рук на земле не будет никого, равного тебе; даже в трёх мирах, о Рама, не найдётся подобного тебе. О безгрешный, в благой удаче, учтивости, знании, твёрдости разума и способности отвечать в мире не будет признан равный тебе. Когда ты получишь эти две видьи, у тебя не будет равного: Бала и Атибала — две матери полного знания. О лучший из людей, у тебя не будет голода и жажды, когда ты, о Рагхава, будешь повторять Балу и Атибалу в пути. Изучая эти две видьи, ты обретёшь и несравненную славу на земле. Эти две сияющие видьи — дочери Питамахи; о Какутстха, ты достоин принять их, ведь ты праведен. Конечно, все эти многочисленные качества уже есть в тебе, в этом нет сомнения; но эти видьи, накопленные тапасом, станут многообразными».
96f5febdf2c6 · 发布于 2026年6月22日 00:00:00 UTC
可用语言RU用方向键翻颂
Вишвамитра начинает обучение Рамы сразу после выхода из Айодхьи. Бала и Атибала не создают величие Рамы из ничего; мудрец прямо говорит, что качества уже присутствуют в нём. Vidyā раскрывает и охраняет то, что в Раме есть изначально, и готовит его к дальнейшему служению.