अथ तत्र समासीनास् तदा दशरथं नृपम् । प्राच्योदीच्याः प्रतीच्याश् च दाक्षिणात्याश् च भूमिपाः ॥
म्लेच्छाश् चार्याश् च ये चान्ये वनशैलान्तवासिनः । उपासां चक्रिरे सर्वे तं देवा इव वासवम् ॥
तेषां मध्ये स राजर्षिर् मरुताम् इव वासवः । प्रासादस्थो रथगतं ददर्शायान्तम् आत्मजम् ॥
गन्धर्वराजप्रतिमं लोके विख्यातपौरुषम् । दीर्घबाहुं महासत्त्वं मत्तमातङ्गगामिनम् ॥
चन्द्रकान्ताननं रामम् अतीव प्रियदर्शनम् । रूपौदार्यगुणैः पुंसां दृष्टिचित्तापहारिणम् ॥
घर्माभितप्ताः पर्जन्यं ह्लादयन्तम् इव प्रजाः । न ततर्प समायान्तं पश्यमानो नराधिपः ॥
अवतार्य सुमन्त्रस् तं राघवं स्यन्दनोत्तमात् । पितुः समीपं गच्छन्तं प्राञ्जलिः पृष्ठतो ऽन्वगात् ॥
स तं कैलासशृङ्गाभं प्रासादं नरपुंगवः । आरुरोह नृपं द्रष्टुं सह सूतेन राघवः ॥
स प्राञ्जलिर् अभिप्रेत्य प्रणतः पितुर् अन्तिके । नाम स्वं श्रावयन् रामो ववन्दे चरणौ पितुः ॥
तं दृष्ट्वा प्रणतं पार्श्वे कृताञ्जलिपुटं नृपः । गृह्याञ्जलौ समाकृष्य सस्वजे प्रियम् आत्मजम् ॥
तस्मै चाभ्युद्यतं श्रीमान् मणिकाञ्चनभूषितम् । दिदेश राजा रुचिरं रामाय परमासनम् ॥
तद् आसनवरं प्राप्य व्यदीपयत राघवः । स्वयेव प्रभया मेरुम् उदये विमलो रविः ॥
तेन विभ्राजिता तत्र सा सभाभिव्यरोचत । विमलग्रहनक्षत्रा शारदी द्यौर् इवेन्दुना ॥
तं पश्यमानो नृपतिस् तुतोष प्रियम् आत्मजम् । अलंकृतम् इवात्मानम् आदर्शतलसंस्थितम् ॥
atha tatra samāsīnās tadā daśarathaṃ nṛpam | prācyodīcyāḥ pratīcyāś ca dākṣiṇātyāś ca bhūmipāḥ ||
mlecchāś cāryāś ca ye cānye vanaśailāntavāsinaḥ | upāsāṃ cakrire sarve taṃ devā iva vāsavam ||
teṣāṃ madhye sa rājarṣir marutām iva vāsavaḥ | prāsādastho rathagataṃ dadarśāyāntam ātmajam ||
gandharvarājapratimaṃ loke vikhyātapauruṣam | dīrghabāhuṃ mahāsattvaṃ mattamātaṅgagāminam ||
candrakāntānanaṃ rāmam atīva priyadarśanam | rūpaudāryaguṇaiḥ puṃsāṃ dṛṣṭicittāpahāriṇam ||
gharmābhitaptāḥ parjanyaṃ hlādayantam iva prajāḥ | na tatarpa samāyāntaṃ paśyamāno narādhipaḥ ||
avatārya sumantras taṃ rāghavaṃ syandanottamāt | pituḥ samīpaṃ gacchantaṃ prāñjaliḥ pṛṣṭhato 'nvagāt ||
sa taṃ kailāsaśṛṅgābhaṃ prāsādaṃ narapuṃgavaḥ | āruroha nṛpaṃ draṣṭuṃ saha sūtena rāghavaḥ ||
sa prāñjalir abhipretya praṇataḥ pitur antike | nāma svaṃ śrāvayan rāmo vavande caraṇau pituḥ ||
taṃ dṛṣṭvā praṇataṃ pārśve kṛtāñjalipuṭaṃ nṛpaḥ | gṛhyāñjalau samākṛṣya sasvaje priyam ātmajam ||
tasmai cābhyudyataṃ śrīmān maṇikāñcanabhūṣitam | dideśa rājā ruciraṃ rāmāya paramāsanam ||
tad āsanavaraṃ prāpya vyadīpayata rāghavaḥ | svayeva prabhayā merum udaye vimalo raviḥ ||
tena vibhrājitā tatra sā sabhābhivyarocata | vimalagrahanakṣatrā śāradī dyaur ivendunā ||
taṃ paśyamāno nṛpatis tutoṣa priyam ātmajam | alaṃkṛtam ivātmānam ādarśatalasaṃsthitam ||
Тогда восточные, северные, западные и южные цари, сидевшие там, а также млеччхи, арьи и другие обитатели окраин лесов и гор — все почтительно окружали царя Дашаратху, словно боги окружают Васаву. Среди них царственный мудрец был подобен Индре среди Марутов. Находясь во дворце, он увидел своего сына, приближающегося на колеснице: Раму, подобного царю гандхарвов, прославленного в мире мужеством, длиннорукого, великого духом, с походкой могучего слона, лунноликого, чрезвычайно прекрасного на вид, похищающего взор и сердце людей красотой, благородством и добродетелями. Глядя, как он приближается и радует подданных, словно дождевая туча освежает измученных зноем, владыка людей никак не мог насмотреться на него. Сумантра помог Рагхаве сойти с лучшей колесницы и, сложив ладони, пошёл следом за ним, когда тот направился к отцу. Лучший из людей Рагхава вместе с возничим поднялся во дворец, сиявший как вершина Кайласы, чтобы увидеть царя. Подойдя со сложенными ладонями, Рама склонился перед отцом, назвал своё имя и поклонился его стопам. Увидев рядом дорогого сына, склонившегося со сложенными ладонями, царь взял его за ладони, притянул к себе и обнял. Затем благородный царь указал Раме прекрасное высшее сиденье, украшенное драгоценностями и золотом. Заняв это лучшее место, Рагхава озарил его собственным сиянием, как чистое солнце при восходе озаряет Меру. И вся зала, озарённая им, засияла, словно ясное осеннее небо с чистыми светилами сияет луной. Созерцая дорогого сына, царь радовался так, словно видел самого себя, украшенного и отражённого в зеркале.
9657503eecd5 · 发布于 2026年6月22日 00:00:00 UTC
可用语言RU用方向键翻颂
Приход Рамы показан как явление света. Его красота не отделена от качеств: именно добродетель делает его присутствие освежающим для народа и сияющим для собрания, а почтение к отцу показывает внутреннюю основу этого величия.