ततस् तां रजनीम् उष्य भरतः सपरिच्छदः । कृतातिथ्यो भरद्वाजं कामाद् अभिजगाम ह ॥
तम् ऋषिः पुरुषव्याघ्रं प्रेक्ष्य प्राञ्जलिम् आगतम् । हुताग्निहोत्रो भरतं भरद्वाजो ऽभ्यभाषत ॥
कच्चिद् अत्र सुखा रात्रिस् तवास्मद्विषये गता । समग्रस् ते जनः कच्चिद् आतिथ्ये शंस मे ऽनघ ॥
तम् उवाचाञ्जलिं कृत्वा भरतो ऽभिप्रणम्य च । आश्रमाद् अभिनिष्क्रन्तम् ऋषिम् उत्तम तेजसं ॥
सुखोषितो ऽस्मि भगवन् समग्रबलवाहनः । तर्पितः सर्वकामैश् च सामात्यो बलवत् त्वया ॥
अपेतक्लमसंतापाः सुभक्ष्याः सुप्रतिश्रयाः । अपि प्रेष्यान् उपादाय सर्वे स्म सुसुखोषिताः ॥
आमन्त्रये ऽहं भगवन् कामं त्वाम् ऋषिसत्तम । समीपं प्रस्थितं भ्रातुर् मैरेणेक्षस्व चक्षुषा ॥
आश्रमं तस्य धर्मज्ञ धार्मिकस्य महात्मनः । आचक्ष्व कतमो मार्गः कियान् इति च शंस मे ॥
tatas tāṃ rajanīm uṣya bharataḥ saparicchadaḥ | kṛtātithyo bharadvājaṃ kāmād abhijagāma ha ||
tam ṛṣiḥ puruṣavyāghraṃ prekṣya prāñjalim āgatam | hutāgnihotro bharataṃ bharadvājo 'bhyabhāṣata ||
kaccid atra sukhā rātris tavāsmadviṣaye gatā | samagras te janaḥ kaccid ātithye śaṃsa me 'nagha ||
tam uvācāñjaliṃ kṛtvā bharato 'bhipraṇamya ca | āśramād abhiniṣkrantam ṛṣim uttama tejasaṃ ||
sukhoṣito 'smi bhagavan samagrabalavāhanaḥ | tarpitaḥ sarvakāmaiś ca sāmātyo balavat tvayā ||
apetaklamasaṃtāpāḥ subhakṣyāḥ supratiśrayāḥ | api preṣyān upādāya sarve sma susukhoṣitāḥ ||
āmantraye 'haṃ bhagavan kāmaṃ tvām ṛṣisattama | samīpaṃ prasthitaṃ bhrātur maireṇekṣasva cakṣuṣā ||
āśramaṃ tasya dharmajña dhārmikasya mahātmanaḥ | ācakṣva katamo mārgaḥ kiyān iti ca śaṃsa me ||
Проведя ту ночь и получив гостеприимство, Бхарата со свитой подошёл к Бхарадвадже с просьбой. Мудрец, совершив агнихотру, увидел тигра среди людей, пришедшего со сложенными ладонями, и сказал: «Надеюсь, ночь на нашей земле прошла для тебя счастливо? Надеюсь, весь твой народ был доволен гостеприимством? Скажи мне, о безгрешный». Бхарата сложил ладони, поклонился риши, вышедшему из ашрама, и ответил: «О почтенный, я счастливо провёл ночь вместе со всем войском и обозом. Вы полностью удовлетворили меня, советников и всех нас всем желанным. Мы избавились от усталости и жара, были хорошо накормлены и удобно размещены, включая даже слуг. Теперь, о лучший из риши, я испрашиваю позволение: взгляните милостивым оком на меня, отправляющегося к моему брату. О знающий дхарму, укажите мне ашрам этого праведного великодушного и скажите, какой путь туда и насколько он далёк».
b1ec1a5cfc96 · 发布于 2026年6月22日 00:00:00 UTC
可用语言RU用方向键翻颂
Бхарата не принимает чудесный приём как повод забыть цель. Он благодарит мудреца, но сразу просит путь к Раме: истинное гостеприимство укрепило его решимость, а не отвлекло от служения.