जाबालेस् तु वचः श्रुत्वा रामः सत्यात्मनां वरः । उवाच परया युक्त्या स्वबुद्ध्या चाविपन्नया ॥
भवान् मे प्रियकामार्थं वचनं यद् इहोक्तवान् । अकार्यं कार्यसंकाशम् अपथ्यं पथ्यसंमितम् ॥
निर्मर्यादस् तु पुरुषः पापाचारसमन्वितः । मानं न लभते सत्सु भिन्नचारित्रदर्शनः ॥
कुलीनम् अकुलीनं वा वीरं पुरुषमानिनम् । चारित्रम् एव व्याख्याति शुचिं वा यदि वाशुचिम् ॥
अनारय्स् त्व् आर्य संकाशः शौचाद् धीनस् तथा शुचिः । लक्षण्यवद् अलक्षण्यो दुःशीलः शीलवान् इव ॥
अधर्मं धर्मवेषेण यदीमं लोकसंकरम् । अभिपत्स्ये शुभं हित्वा क्रियाविधिविवर्जितम् ॥
कश् चेतयानः पुरुषः कार्याकार्यविचक्षणः । बहु मंस्यति मां लोके दुर्वृत्तं लोकदूषणम् ॥
कस्य यास्याम्य् अहं वृत्तं केन वा स्वर्गम् आप्नुयाम् । अनया वर्तमानो ऽहं वृत्त्या हीनप्रतिज्ञया ॥
कामवृत्तस् त्व् अयं लोकः कृत्स्नः समुपवर्तते । यद्वृत्ताः सन्ति राजानस् तद्वृत्ताः सन्ति हि प्रजाः ॥
सत्यम् एवानृशंस्यं च राजवृत्तं सनातनम् । तस्मात् सत्यात्मकं राज्यं सत्ये लोकः प्रतिष्ठितः ॥
ऋषयश् चैव देवाश् च सत्यम् एव हि मेनिरे । सत्यवादी हि लोके ऽस्मिन् परमं गच्छति क्षयम् ॥
उद्विजन्ते यथा सर्पान् नराद् अनृतवादिनः । धर्मः सत्यं परो लोके मूलं स्वर्गस्य चोच्यते ॥
सत्यम् एवेश्वरो लोके सत्यं पद्मा समाश्रिता । सत्यमूलानि सर्वाणि सत्यान् नास्ति परं पदम् ॥
दत्तम् इष्टं हुतं चैव तप्तानि च तपांसि च । वेदाः सत्यप्रतिष्ठानास् तस्मात् सत्यपरो भवेत् ॥
एकः पालयते लोकम् एकः पालयते कुलम् । मज्जत्य् एको हि निरय एकः स्वर्गे महीयते ॥
सो ऽहं पितुर् निदेशं तु किमर्थं नानुपालये । सत्यप्रतिश्रवः सत्यं सत्येन समयीकृतः ॥
नैव लोभान् न मोहाद् वा न चाज्ञानात् तमोऽन्वितः । सेतुं सत्यस्य भेत्स्यामि गुरोः सत्यप्रतिश्रवः ॥
असत्यसंधस्य सतश् चलस्यास्थिरचेतसः । नैव देवा न पितरः प्रतीच्छन्तीति नः श्रुतम् ॥
jābāles tu vacaḥ śrutvā rāmaḥ satyātmanāṃ varaḥ | uvāca parayā yuktyā svabuddhyā cāvipannayā ||
bhavān me priyakāmārthaṃ vacanaṃ yad ihoktavān | akāryaṃ kāryasaṃkāśam apathyaṃ pathyasaṃmitam ||
nirmaryādas tu puruṣaḥ pāpācārasamanvitaḥ | mānaṃ na labhate satsu bhinnacāritradarśanaḥ ||
kulīnam akulīnaṃ vā vīraṃ puruṣamāninam | cāritram eva vyākhyāti śuciṃ vā yadi vāśucim ||
anārays tv ārya saṃkāśaḥ śaucād dhīnas tathā śuciḥ | lakṣaṇyavad alakṣaṇyo duḥśīlaḥ śīlavān iva ||
adharmaṃ dharmaveṣeṇa yadīmaṃ lokasaṃkaram | abhipatsye śubhaṃ hitvā kriyāvidhivivarjitam ||
kaś cetayānaḥ puruṣaḥ kāryākāryavicakṣaṇaḥ | bahu maṃsyati māṃ loke durvṛttaṃ lokadūṣaṇam ||
kasya yāsyāmy ahaṃ vṛttaṃ kena vā svargam āpnuyām | anayā vartamāno 'haṃ vṛttyā hīnapratijñayā ||
kāmavṛttas tv ayaṃ lokaḥ kṛtsnaḥ samupavartate | yadvṛttāḥ santi rājānas tadvṛttāḥ santi hi prajāḥ ||
satyam evānṛśaṃsyaṃ ca rājavṛttaṃ sanātanam | tasmāt satyātmakaṃ rājyaṃ satye lokaḥ pratiṣṭhitaḥ ||
ṛṣayaś caiva devāś ca satyam eva hi menire | satyavādī hi loke 'smin paramaṃ gacchati kṣayam ||
udvijante yathā sarpān narād anṛtavādinaḥ | dharmaḥ satyaṃ paro loke mūlaṃ svargasya cocyate ||
satyam eveśvaro loke satyaṃ padmā samāśritā | satyamūlāni sarvāṇi satyān nāsti paraṃ padam ||
dattam iṣṭaṃ hutaṃ caiva taptāni ca tapāṃsi ca | vedāḥ satyapratiṣṭhānās tasmāt satyaparo bhavet ||
ekaḥ pālayate lokam ekaḥ pālayate kulam | majjaty eko hi niraya ekaḥ svarge mahīyate ||
so 'haṃ pitur nideśaṃ tu kimarthaṃ nānupālaye | satyapratiśravaḥ satyaṃ satyena samayīkṛtaḥ ||
naiva lobhān na mohād vā na cājñānāt tamo'nvitaḥ | setuṃ satyasya bhetsyāmi guroḥ satyapratiśravaḥ ||
asatyasaṃdhasya sataś calasyāsthiracetasaḥ | naiva devā na pitaraḥ pratīcchantīti naḥ śrutam ||
Услышав речь Джабали, Рама, лучший среди правдивых душой, ответил высшей логикой и собственным неповреждённым разумом: «То, что ты сказал здесь, желая мне приятного и полезного, на самом деле недолжное, хотя похоже на должное, и вредное, хотя выглядит полезным. Человек, лишённый границ и связанный греховным поведением, обнаруживший разлад в характере, не получает уважения среди достойных. Именно поведение показывает, благороден человек или неблагороден, герой он или только считает себя таковым, чист он или нечист. Неблагородный может выглядеть благородным, лишённый чистоты — казаться чистым, недостойный — достойным, дурного нрава — нравственным. Если я приму эту адхарму под видом дхармы, это смешение порядка мира, лишённое установленного обряда, оставив благое, какой сознательный человек, различающий должное и недолжное, станет высоко чтить меня в мире — дурно ведущего себя и оскверняющего людей? Какого поведения я достигну и каким путём получу небо, если буду жить таким образом, с нарушенным обетом? Весь этот мир следует за тем, кто действует по своему желанию; как ведут себя цари, так ведут себя и подданные. Истина и незлобие — вечный царский образ жизни. Поэтому царство основано на истине, и мир стоит на истине. Риши и боги почитали именно истину; правдивый человек в этом мире достигает высшей обители. Люди содрогаются перед лжецом, как перед змеёй. Истина — высшая дхарма в мире, её называют корнем небес. Истина — владыка в мире, на истину опирается Падма, всё укоренено в истине, и нет состояния выше истины. Дар, жертва, возлияние, совершённые аскезы и Веды имеют основание в истине; поэтому человек должен быть предан истине. Один человек поддерживает мир, один поддерживает род, один тонет в аду, один возвышается в раю. Почему же мне не исполнить отцовское повеление, если я дал истинное обещание и связан истиной? Ни из жадности, ни из заблуждения, ни из неведения, объятый тьмой, я не разрушу границу истины, дав слово старшему. Нам известно: боги и предки не принимают человека, неверного обещанию, шаткого и с нетвёрдым сердцем».
96119b3dda84 · 发布于 2026年6月22日 00:00:00 UTC
可用语言RU用方向键翻颂
Рама показывает, что дхарма не держится на внешнем виде полезности. Если царь ради удобства нарушит истину, он станет примером разрушения для всего народа. Поэтому истина для него выше политической выгоды и даже выше немедленного утешения близких.