अस्मिन्न् अरण्ये भगवन्न् अगस्त्यो मुनिसत्तमः । वसतीति मया नित्यं कथाः कथयतां श्रुतम् ॥
न तु जानामि तं देशं वनस्यास्य महत्तया । कुत्राश्रमपदं पुण्यं महर्षेस् तस्य धीमतः ॥
प्रसादात् तत्र भवतः सानुजः सह सीतया । अगस्त्यम् अभिगच्छेयम् अभिवादयितुं मुनिम् ॥
मनोरथो महान् एष हृदि संपरिवर्तते । यद् अहं तं मुनिवरं शुश्रूषेयम् अपि स्वयम् ॥
इति रामस्य स मुनिः श्रुत्वा धर्मात्मनो वचः । सुतीक्ष्णः प्रत्युवाचेदं प्रीतो दशरथात्मजम् ॥
अहम् अप्य् एतद् एव त्वां वक्तुकामः सलक्ष्मणम् । अगस्त्यम् अभिगच्छेति सीतया सह राघव ॥
दिष्ट्या त्व् इदानीम् अर्थे ऽस्मिन् स्वयम् एव ब्रवीषि माम् । अहम् आख्यासि ते वत्स यत्रागस्त्यो महामुनिः ॥
योजनान्य् आश्रमात् तात याहि चत्वारि वै ततः । दक्षिणेन महाञ् श्रीमान् अगस्त्यभ्रातुर् आश्रमः ॥
स्थलप्राये वनोद्देशे पिप्पलीवनशोभिते । बहुपुष्पफले रम्ये नानाशकुनिनादिते ॥
पद्मिन्यो विविधास् तत्र प्रसन्नसलिलाः शिवाः । हंसकारण्डवाकीर्णाश् चक्रवाकोपशोभिताः ॥
तत्रैकां रजनीम् उष्य प्रभाते राम गम्यताम् । दक्षिणां दिशम् आस्थाय वनखण्डस्य पार्श्वतः ॥
तत्रागस्त्याश्रमपदं गत्वा योजनम् अन्तरम् । रमणीये वनोद्देशे बहुपादप संवृते । रंस्यते तत्र वैदेही लक्ष्मणश् च त्वया सह ॥
स हि रम्यो वनोद्देशो बहुपादपसंकुलः । यदि बुद्धिः कृता द्रष्टुम् अगस्त्यं तं महामुनिम् । अद्यैव गमने बुद्धिं रोचयस्व महायशः ॥
asminn araṇye bhagavann agastyo munisattamaḥ | vasatīti mayā nityaṃ kathāḥ kathayatāṃ śrutam ||
na tu jānāmi taṃ deśaṃ vanasyāsya mahattayā | kutrāśramapadaṃ puṇyaṃ maharṣes tasya dhīmataḥ ||
prasādāt tatra bhavataḥ sānujaḥ saha sītayā | agastyam abhigaccheyam abhivādayituṃ munim ||
manoratho mahān eṣa hṛdi saṃparivartate | yad ahaṃ taṃ munivaraṃ śuśrūṣeyam api svayam ||
iti rāmasya sa muniḥ śrutvā dharmātmano vacaḥ | sutīkṣṇaḥ pratyuvācedaṃ prīto daśarathātmajam ||
aham apy etad eva tvāṃ vaktukāmaḥ salakṣmaṇam | agastyam abhigaccheti sītayā saha rāghava ||
diṣṭyā tv idānīm arthe 'smin svayam eva bravīṣi mām | aham ākhyāsi te vatsa yatrāgastyo mahāmuniḥ ||
yojanāny āśramāt tāta yāhi catvāri vai tataḥ | dakṣiṇena mahāñ śrīmān agastyabhrātur āśramaḥ ||
sthalaprāye vanoddeśe pippalīvanaśobhite | bahupuṣpaphale ramye nānāśakuninādite ||
padminyo vividhās tatra prasannasalilāḥ śivāḥ | haṃsakāraṇḍavākīrṇāś cakravākopaśobhitāḥ ||
tatraikāṃ rajanīm uṣya prabhāte rāma gamyatām | dakṣiṇāṃ diśam āsthāya vanakhaṇḍasya pārśvataḥ ||
tatrāgastyāśramapadaṃ gatvā yojanam antaram | ramaṇīye vanoddeśe bahupādapa saṃvṛte | raṃsyate tatra vaidehī lakṣmaṇaś ca tvayā saha ||
sa hi ramyo vanoddeśo bahupādapasaṃkulaḥ | yadi buddhiḥ kṛtā draṣṭum agastyaṃ taṃ mahāmunim | adyaiva gamane buddhiṃ rocayasva mahāyaśaḥ ||
Рама сказал: «О почтенный, я постоянно слышал от беседующих мудрецов, что в этом лесу живёт великий Агастья, лучший из муни. Но лес так велик, что я не знаю, где находится священная обитель этого мудрого великого риши. По твоей милости я хотел бы вместе с младшим братом и Ситой пойти к Агастье, чтобы поклониться этому мудрецу. В моём сердце давно живёт великое желание самому послужить лучшему из муни». Услышав слова праведного Рамы, Сутикшна, обрадованный сыну Дашаратхи, ответил: «О Рагхава, я сам хотел сказать тебе вместе с Лакшманой: иди к Агастье с Ситой. К счастью, ты сам заговорил со мной об этом. Я расскажу тебе, дитя, где находится великий мудрец Агастья. От этого ашрама пройди четыре йоджаны к югу: там находится великий и прекрасный ашрам брата Агастьи, в ровной лесной области, украшенной пиппали, множеством цветов и плодов, голосами разных птиц. Там есть чистые благие лотосные пруды, полные лебедей, карандав и чакравак. Переночуй там одну ночь, а утром, о Рама, иди дальше на юг вдоль лесного массива. Пройдя ещё йоджану, ты достигнешь обители Агастьи в прекрасной лесной местности, покрытой множеством деревьев. Там будут радоваться и Вайдехи, и Лакшмана вместе с тобой. Если ты решил увидеть великого мудреца Агастью, то уже сегодня утверди мысль об уходе».
8a20bbe915b0 · 发布于 2026年6月22日 00:00:00 UTC
可用语言RU用方向键翻颂
Желание Рамы увидеть Агастью рождается не из любопытства, а из стремления служить святому. Сутикшна распознаёт это желание как своевременное и благословенное. Путь к Агастье передаётся не сухо, а как паломническое направление: расстояние, ночёвка, южная сторона, красота леса — всё становится частью движения к встрече с великой духовной силой.