खरं तु रामाभिमुखं प्रयान्तं वाहिनीपतिः । राक्षसस् त्रिशिरा नाम संनिपत्येदम् अब्रवीत् ॥
मां नियोजय विक्रान्त संनिवर्तस्व साहसात् । पश्य रामं महाबाहुं संयुगे विनिपातितम् ॥
प्रतिजानामि ते सत्यम् आयुधं चाहम् आलभे । यथा रामं वधिष्यामि वधार्हं सर्वरक्षसाम् ॥
अहं वास्य रणे मृत्युर् एष वा समरे मम । विनिवर्त्य रणोत्साहं मुहूर्तं प्राश्निको भव ॥
प्रहृष्टो वा हते रामे जनस्थानं प्रयास्यसि । मयि वा निहते रामं संयुगायोपयास्यसि ॥
खरस् त्रिशिरसा तेन मृत्युलोभात् प्रसादितः । गच्छ युध्येत्य् अनुज्ञातो राघवाभिमुखो ययौ ॥
त्रिशिराश् च रथेनैव वाजियुक्तेन भास्वता । अभ्यद्रवद् रणे रामं त्रिशृङ्ग इव पर्वतः ॥
शरधारा समूहान् स महामेघ इवोत्सृजन् । व्यसृजत् सदृशं नादं जलार्द्रस्येव दुन्दुभेः ॥
kharaṃ tu rāmābhimukhaṃ prayāntaṃ vāhinīpatiḥ | rākṣasas triśirā nāma saṃnipatyedam abravīt ||
māṃ niyojaya vikrānta saṃnivartasva sāhasāt | paśya rāmaṃ mahābāhuṃ saṃyuge vinipātitam ||
pratijānāmi te satyam āyudhaṃ cāham ālabhe | yathā rāmaṃ vadhiṣyāmi vadhārhaṃ sarvarakṣasām ||
ahaṃ vāsya raṇe mṛtyur eṣa vā samare mama | vinivartya raṇotsāhaṃ muhūrtaṃ prāśniko bhava ||
prahṛṣṭo vā hate rāme janasthānaṃ prayāsyasi | mayi vā nihate rāmaṃ saṃyugāyopayāsyasi ||
kharas triśirasā tena mṛtyulobhāt prasāditaḥ | gaccha yudhyety anujñāto rāghavābhimukho yayau ||
triśirāś ca rathenaiva vājiyuktena bhāsvatā | abhyadravad raṇe rāmaṃ triśṛṅga iva parvataḥ ||
śaradhārā samūhān sa mahāmegha ivotsṛjan | vyasṛjat sadṛśaṃ nādaṃ jalārdrasyeva dundubheḥ ||
Когда Кхара, предводитель войска, направлялся прямо к Раме, к нему подошёл ракшас по имени Тришира и сказал: «Доблестный, назначь меня. Воздержись от поспешности и увидь, как могучерукий Рама будет повержен в битве. Я обещаю тебе правду и касаюсь оружия: я убью Раму, достойного смерти для всех ракшасов. Или я стану его смертью в бою, или он станет моей. Удержи на мгновение боевой пыл и будь зрителем. Если Рама будет убит, ты с радостью пойдёшь в Джанастхану; если же я буду убит, тогда сам подойдёшь к Раме для битвы». Кхара, словно умилостивленный жаждой смерти, разрешил ему: «Иди, сражайся», и Тришира пошёл лицом к Рагхаве. На сияющей колеснице, запряжённой конями, он бросился в бою на Раму, как трёхвершинная гора. Изливая потоки стрел, словно великая туча, он издал звук, подобный барабану, намокшему от воды.
c62fc6316152 · 发布于 2026年6月22日 00:00:00 UTC
可用语言RU用方向键翻颂
Тришира просит выйти первым не из мудрой стратегии, а из той же гордой жажды смерти, которая уже ведёт всё войско. Его клятва звучит решительно, но в ней сразу заложен исход: либо он смерть Рамы, либо Рама его смерть. Перед Рамой такая самоуверенность быстро становится саморазоблачением.