ततः शूर्पणखा वाक्यं तच् छ्रुत्वा रोमहर्षणम् । सचिवान् अभ्यनुज्ञाय कार्यं बुद्ध्वा जगाम ह ॥
तत् कार्यम् अनुगम्याथ यथावद् उपलभ्य च । दोषाणां च गुणानां च संप्रधार्य बलाबलम् ॥
इति कर्तव्यम् इत्य् एव कृत्वा निश्चयम् आत्मनः । स्थिरबुद्धिस् ततो रम्यां यानशालां जगाम ह ॥
यानशालां ततो गत्वा प्रच्छन्नं राक्षसाधिपः । सूतं संचोदयाम् आस रथः संयुज्यताम् इति ॥
एवम् उक्तः क्षणेनैव सारथिर् लघुविक्रमः । रथं संयोजयाम् आस तस्याभिमतम् उत्तमम् ॥
काञ्चनं रथम् आस्थाय कामगं रत्नभूषितम् । पिशाचवदनैर् युक्तं खरैः कनकभूषणैः ॥
मेघप्रतिमनादेन स तेन धनदानुजः । राक्षसाधिपतिः श्रीमान् ययौ नदनदीपतिम् ॥
स श्वेतबालव्यसनः श्वेतच्छत्रो दशाननः । स्निग्धवैदूर्यसंकाशस् तप्तकाञ्चनभूषणः ॥
दशास्यो विंशतिभुजो दर्शनीय परिच्छदः । त्रिदशारिर् मुनीन्द्रघ्नो दशशीर्ष इवाद्रिराट् ॥
कामगं रथम् आस्थाय शुशुभे राक्षसाधिपः । विद्युन्मण्डलवान् मेघः सबलाक इवाम्बरे ॥
tataḥ śūrpaṇakhā vākyaṃ tac chrutvā romaharṣaṇam | sacivān abhyanujñāya kāryaṃ buddhvā jagāma ha ||
tat kāryam anugamyātha yathāvad upalabhya ca | doṣāṇāṃ ca guṇānāṃ ca saṃpradhārya balābalam ||
iti kartavyam ity eva kṛtvā niścayam ātmanaḥ | sthirabuddhis tato ramyāṃ yānaśālāṃ jagāma ha ||
yānaśālāṃ tato gatvā pracchannaṃ rākṣasādhipaḥ | sūtaṃ saṃcodayām āsa rathaḥ saṃyujyatām iti ||
evam uktaḥ kṣaṇenaiva sārathir laghuvikramaḥ | rathaṃ saṃyojayām āsa tasyābhimatam uttamam ||
kāñcanaṃ ratham āsthāya kāmagaṃ ratnabhūṣitam | piśācavadanair yuktaṃ kharaiḥ kanakabhūṣaṇaiḥ ||
meghapratimanādena sa tena dhanadānujaḥ | rākṣasādhipatiḥ śrīmān yayau nadanadīpatim ||
sa śvetabālavyasanaḥ śvetacchatro daśānanaḥ | snigdhavaidūryasaṃkāśas taptakāñcanabhūṣaṇaḥ ||
daśāsyo viṃśatibhujo darśanīya paricchadaḥ | tridaśārir munīndraghno daśaśīrṣa ivādrirāṭ ||
kāmagaṃ ratham āsthāya śuśubhe rākṣasādhipaḥ | vidyunmaṇḍalavān meghaḥ sabalāka ivāmbare ||
Услышав эту вызывающую дрожь речь Шурпанакхи, Равана отпустил советников, обдумал дело и ушёл. Рассмотрев его как следует, взвесив силу и слабость, достоинства и недостатки, он решил: «Так и нужно поступить». С твёрдым решением он направился в прекрасную колесничную залу. Придя туда, владыка ракшасов тайно велел вознице: «Пусть запрягут колесницу». Быстрый возница в одно мгновение запряг для него превосходную колесницу, какую тот желал. Взойдя на золотую колесницу, движущуюся по желанию, украшенную драгоценностями и запряжённую ослами с золотыми украшениями и мордами, подобными пишачам, прекрасный владыка ракшасов, младший брат Дханады, с грохотом, подобным туче, поехал к океану, владыке рек. Десятиликий Равана, под белым зонтом и с белым опахалом, сияющий как гладкий вайдурья и украшенный плавленым золотом, десятиротый и двадцатирукий, с великолепным убранством, враг богов и убийца великих муни, был подобен десятивершинному царю гор. Взойдя на колесницу, движущуюся по желанию, владыка ракшасов сиял в небе, как туча с кругом молний и белыми птицами.
a6144c37b43f · 发布于 2026年6月22日 00:00:00 UTC
可用语言RU用方向键翻颂
Равана действует не импульсивно внешне: он советуется с собой, взвешивает выгоду и риск, тайно готовит поездку. Но твёрдость решения не равна мудрости, когда сам предмет решения рождён похотью и местью.