तां हेमवर्णां हेमाभां सीतां दर्शय पर्वत । यावत् सानूनि सर्वाणि न ते विध्वंसयाम्य् अहम् ॥
मम बाणाग्निनिर्दग्धो भस्मीभूतो भविष्यसि । असेव्यः सततं चैव निस्तृणद्रुमपल्लवः ॥
इमां वा सरितं चाद्य शोषयिष्यामि लक्ष्मण । यदि नाख्याति मे सीताम् अद्य चन्द्रनिभाननाम् ॥
एवं स रुषितो रामो दिधक्षन्न् इव चक्षुषा । ददर्श भूमौ निष्क्रान्तं राक्षसस्य पदं महत् ॥
स समीक्ष्य परिक्रान्तं सीताया राक्षसस्य च । संभ्रान्तहृदयो रामः शशंस भ्रातरं प्रियम् ॥
पश्य लक्ष्मण वैदेह्याः शीर्णाः कनकबिन्दवः । भूषणानां हि सौमित्रे माल्यानि विविधानि च ॥
तप्तबिन्दुनिकाशैश् च चित्रैः क्षतजबिन्दुभिः । आवृतं पश्य सौमित्रे सर्वतो धरणीतलम् ॥
मन्ये लक्ष्मण वैदेही राक्षसैः कामरूपिभिः । भित्त्वा भित्त्वा विभक्ता वा भक्षिता वा भविष्यति ॥
तस्य निमित्तं वैदेह्या द्वयोर् विवदमानयोः । बभूव युद्धं सौमित्रे घोरं राक्षसयोर् इह ॥
मुक्तामणिचितं चेदं तपनीयविभूषितम् । धरण्यां पतितं सौम्य कस्य भग्नं महद् धनुः ॥
तरुणादित्यसंकाशं वैदूर्यगुलिकाचितम् । विशीर्णं पतितं भूमौ कवचं कस्य काञ्चनम् ॥
छत्रं शतशलाकं च दिव्यमाल्योपशोभितम् । भग्नदण्डम् इदं कस्य भूमौ सौम्य निपातितम् ॥
काञ्चनोरश्छदाश् चेमे पिशाचवदनाः खराः । भीमरूपा महाकायाः कस्य वा निहता रणे ॥
दीप्तपावकसंकाशो द्युतिमान् समरध्वजः । अपविद्धश् च भग्नश् च कस्य सांग्रामिको रथः ॥
रथाक्षमात्रा विशिखास् तपनीयविभूषणाः । कस्येमे ऽभिहता बाणाः प्रकीर्णा घोरकर्मणः ॥
tāṃ hemavarṇāṃ hemābhāṃ sītāṃ darśaya parvata | yāvat sānūni sarvāṇi na te vidhvaṃsayāmy aham ||
mama bāṇāgninirdagdho bhasmībhūto bhaviṣyasi | asevyaḥ satataṃ caiva nistṛṇadrumapallavaḥ ||
imāṃ vā saritaṃ cādya śoṣayiṣyāmi lakṣmaṇa | yadi nākhyāti me sītām adya candranibhānanām ||
evaṃ sa ruṣito rāmo didhakṣann iva cakṣuṣā | dadarśa bhūmau niṣkrāntaṃ rākṣasasya padaṃ mahat ||
sa samīkṣya parikrāntaṃ sītāyā rākṣasasya ca | saṃbhrāntahṛdayo rāmaḥ śaśaṃsa bhrātaraṃ priyam ||
paśya lakṣmaṇa vaidehyāḥ śīrṇāḥ kanakabindavaḥ | bhūṣaṇānāṃ hi saumitre mālyāni vividhāni ca ||
taptabindunikāśaiś ca citraiḥ kṣatajabindubhiḥ | āvṛtaṃ paśya saumitre sarvato dharaṇītalam ||
manye lakṣmaṇa vaidehī rākṣasaiḥ kāmarūpibhiḥ | bhittvā bhittvā vibhaktā vā bhakṣitā vā bhaviṣyati ||
tasya nimittaṃ vaidehyā dvayor vivadamānayoḥ | babhūva yuddhaṃ saumitre ghoraṃ rākṣasayor iha ||
muktāmaṇicitaṃ cedaṃ tapanīyavibhūṣitam | dharaṇyāṃ patitaṃ saumya kasya bhagnaṃ mahad dhanuḥ ||
taruṇādityasaṃkāśaṃ vaidūryagulikācitam | viśīrṇaṃ patitaṃ bhūmau kavacaṃ kasya kāñcanam ||
chatraṃ śataśalākaṃ ca divyamālyopaśobhitam | bhagnadaṇḍam idaṃ kasya bhūmau saumya nipātitam ||
kāñcanoraśchadāś ceme piśācavadanāḥ kharāḥ | bhīmarūpā mahākāyāḥ kasya vā nihatā raṇe ||
dīptapāvakasaṃkāśo dyutimān samaradhvajaḥ | apaviddhaś ca bhagnaś ca kasya sāṃgrāmiko rathaḥ ||
rathākṣamātrā viśikhās tapanīyavibhūṣaṇāḥ | kasyeme 'bhihatā bāṇāḥ prakīrṇā ghorakarmaṇaḥ ||
«Покажи мне Ситу, золотистую и золотосияющую, гора, пока я не разрушил все твои склоны. Сожжённая огнём моих стрел, ты станешь пеплом, навсегда непригодной, без травы, деревьев и побегов. Или сегодня же, Лакшмана, я высушу эту реку, если она не расскажет мне о Сите с лицом, подобным луне». Так разгневанный Рама, словно желая сжечь всё взглядом, увидел на земле большой след ракшаса. Осмотрев следы движения Ситы и ракшаса, Рама со смятённым сердцем сказал дорогому брату: «Посмотри, Лакшмана: здесь рассыпались золотые капли украшений Вайдехи и разные гирлянды, Саумитри. Посмотри, поверхность земли со всех сторон покрыта пёстрыми каплями крови, похожими на раскалённые капли. Думаю, Лакшмана, Вайдехи была разорвана на части и разделена или съедена ракшасами, принимающими любой облик. Из-за Вайдехи здесь, Саумитри, произошла страшная битва двух спорящих ракшасов. Чей это большой сломанный лук, упавший на землю, кроткий, усыпанный жемчугом и драгоценными камнями, украшенный очищенным золотом? Чей это золотой панцирь, разбитый и упавший на землю, похожий на молодое солнце и усыпанный вайдурьевыми камнями? Чей это зонт с сотней спиц, украшенный божественными гирляндами, со сломанной ручкой, упавший на землю, кроткий? Чьи эти золотогрудые мулы с лицами пишачей, страшного облика, огромные телом, убиты в бою? Чья это боевая колесница, чей сияющий боевой стяг, подобный пылающему огню, брошены и разбиты? Чьи эти стрелы, размером с ось колесницы, украшенные очищенным золотом, разбросаны здесь после удара, принадлежавшие страшнодейственному?»
c7b2042b174b · 发布于 2026年6月22日 00:00:00 UTC
可用语言RU用方向键翻颂
Рама читает место похищения как поле боя: цветы, кровь, сломанный лук, колесница и убитые мулы становятся свидетельствами того, что Ситу унесли силой.