मृगाणां महिषाणां च वराहाणां च भागशः । तत्र न्यस्तानि मांसानि पानभूमौ ददर्श सः ॥
रौक्मेषु च विशलेषु भाजनेष्व् अर्धभक्षितान् । ददर्श कपिशार्दूल मयूरान् कुक्कुटांस् तथा ॥
वराहवार्ध्राणसकान् दधिसौवर्चलायुतान् । शल्यान् मृगमयूरांश् च हनूमान् अन्ववैक्षत ॥
कृकरान् विविधान् सिद्धांश् चकोरान् अर्धभक्षितान् । महिषान् एकशल्यांश् च छागांश् च कृतनिष्ठितान् । लेख्यम् उच्चावचं पेयं भोज्यानि विविधानि च ॥
तथाम्ललवणोत्तंसैर् विविधै रागषाडवैः । हार नूपुरकेयूरैर् अपविद्धैर् महाधनैः ॥
पानभाजनविक्षिप्तैः फलैश् च विविधैर् अपि । कृतपुष्पोपहारा भूर् अधिकं पुष्यति श्रियम् ॥
तत्र तत्र च विन्यस्तैः सुश्लिष्टैः शयनासनैः । पानभूमिर् विना वह्निं प्रदीप्तेवोपलक्ष्यते ॥
बहुप्रकारैर् विविधैर् वरसंस्कारसंस्कृतैः । मांसैः कुशलसंयुक्तैः पानभूमिगतैः पृथक् ॥
दिव्याः प्रसन्ना विविधाः सुराः कृतसुरा अपि । शर्करासवमाध्वीकाः पुष्पासवफलासवाः । वासचूर्णैश् च विविधैर् मृष्टास् तैस् तैः पृथक्पृथक् ॥
संतता शुशुभे भूमिर् माल्यैश् च बहुसंस्थितैः । हिरण्मयैश् च करकैर् भाजनैः स्फाटिकैर् अपि । जाम्बूनदमयैश् चान्यैः करकैर् अभिसंवृता ॥
राजतेषु च कुम्भेषु जाम्बूनदमयेषु च । पानश्रेष्ठं तदा भूरि कपिस् तत्र ददर्श ह ॥
सो ऽपश्यच् छातकुम्भानि शीधोर् मणिमयानि च । राजतानि च पूर्णानि भाजनानि महाकपिः ॥
क्व चिद् अर्धावशेषाणि क्व चित् पीतानि सर्वशः । क्व चिन् नैव प्रपीतानि पानानि स ददर्श ह ॥
क्व चिद् भक्ष्यांश् च विविधान् क्व चित् पानानि भागशः । क्व चिद् अन्नावशेषाणि पश्यन् वै विचचार ह ॥
क्व चित् प्रभिन्नैः करकैः क्व चिद् आलोडितैर् घटैः । क्व चित् संपृक्तमाल्यानि जलानि च फलानि च ॥
mṛgāṇāṃ mahiṣāṇāṃ ca varāhāṇāṃ ca bhāgaśaḥ | tatra nyastāni māṃsāni pānabhūmau dadarśa saḥ ||
raukmeṣu ca viśaleṣu bhājaneṣv ardhabhakṣitān | dadarśa kapiśārdūla mayūrān kukkuṭāṃs tathā ||
varāhavārdhrāṇasakān dadhisauvarcalāyutān | śalyān mṛgamayūrāṃś ca hanūmān anvavaikṣata ||
kṛkarān vividhān siddhāṃś cakorān ardhabhakṣitān | mahiṣān ekaśalyāṃś ca chāgāṃś ca kṛtaniṣṭhitān | lekhyam uccāvacaṃ peyaṃ bhojyāni vividhāni ca ||
tathāmlalavaṇottaṃsair vividhai rāgaṣāḍavaiḥ | hāra nūpurakeyūrair apaviddhair mahādhanaiḥ ||
pānabhājanavikṣiptaiḥ phalaiś ca vividhair api | kṛtapuṣpopahārā bhūr adhikaṃ puṣyati śriyam ||
tatra tatra ca vinyastaiḥ suśliṣṭaiḥ śayanāsanaiḥ | pānabhūmir vinā vahniṃ pradīptevopalakṣyate ||
bahuprakārair vividhair varasaṃskārasaṃskṛtaiḥ | māṃsaiḥ kuśalasaṃyuktaiḥ pānabhūmigataiḥ pṛthak ||
divyāḥ prasannā vividhāḥ surāḥ kṛtasurā api | śarkarāsavamādhvīkāḥ puṣpāsavaphalāsavāḥ | vāsacūrṇaiś ca vividhair mṛṣṭās tais taiḥ pṛthakpṛthak ||
saṃtatā śuśubhe bhūmir mālyaiś ca bahusaṃsthitaiḥ | hiraṇmayaiś ca karakair bhājanaiḥ sphāṭikair api | jāmbūnadamayaiś cānyaiḥ karakair abhisaṃvṛtā ||
rājateṣu ca kumbheṣu jāmbūnadamayeṣu ca | pānaśreṣṭhaṃ tadā bhūri kapis tatra dadarśa ha ||
so 'paśyac chātakumbhāni śīdhor maṇimayāni ca | rājatāni ca pūrṇāni bhājanāni mahākapiḥ ||
kva cid ardhāvaśeṣāṇi kva cit pītāni sarvaśaḥ | kva cin naiva prapītāni pānāni sa dadarśa ha ||
kva cid bhakṣyāṃś ca vividhān kva cit pānāni bhāgaśaḥ | kva cid annāvaśeṣāṇi paśyan vai vicacāra ha ||
kva cit prabhinnaiḥ karakaiḥ kva cid āloḍitair ghaṭaiḥ | kva cit saṃpṛktamālyāni jalāni ca phalāni ca ||
В пиршественном зале он увидел разложенные куски мяса оленей, буйволов и кабанов. Тигр обезьян увидел в широких золотых сосудах полусъеденных павлинов и петухов. Хануман осмотрел кабанов и вардхранасов с йогуртом и чёрной солью, дикобразов, оленей и павлинов, разные приготовленные куропатки, полусъеденных чакор, буйволов, целых дикобразов и хорошо приготовленных козлов, а также разные кушанья, напитки и лакомства. Земля, украшенная цветочными подношениями, ещё больше умножала красоту: там были кислые и солёные добавки, разные соусы и приправы, отброшенные дорогие ожерелья, ножные браслеты и кейюры, разбросанные сосуды для питья и различные плоды. Расставленные здесь и там хорошо устроенные ложа и сиденья делали пиршественную залу похожей на пылающую, хотя огня там не было. Отдельно лежали разные виды мяса, искусно приготовленные лучшей обработкой; стояли божественные, прозрачные и разные вина: обычные и крепкие, сахарные, медовые, цветочные и плодовые, каждое отдельно улучшенное разными ароматными порошками. Земля сплошь сияла от множества гирлянд, золотых кубков, хрустальных сосудов и других кубков из джамбунада-золота. В серебряных и золотых кувшинах обезьяна увидел множество лучшего питья. Великий обезьяна видел золотые, драгоценные и серебряные сосуды, полные вина; где-то напитки были наполовину оставлены, где-то выпиты полностью, а где-то совсем не тронуты. Он ходил, видя разные закуски, частично выпитые напитки, остатки пищи, разбитые кубки, опрокинутые кувшины, воду и плоды, смешанные с гирляндами.
3c47c997096a · 发布于 2026年6月22日 00:00:00 UTC
可用语言RU用方向键翻颂
Пиршественная зала показывает богатство как след беспорядочного наслаждения: всё дорогое, обильное и уже брошенное. В таком месте особенно ясно, что Сита не может быть найдена среди вещей, которые насыщают тело и оставляют сердце пустым.