स्कन्धवन्तम् उपासीनाः परिवार्य वनस्पतिम् । तस्याधस्ताच् च तां देवीं राजपुत्रीम् अनिन्दिताम् ॥
लक्षयाम् आस लक्ष्मीवान् हनूमाञ् जनकात्मजाम् । निष्प्रभां शोकसंतप्तां मलसंकुलमूर्धजाम् ॥
क्षीणपुण्यां च्युतां भूमौ तारां निपतिताम् इव । चारित्र्य व्यपदेशाढ्यां भर्तृदर्शनदुर्गताम् ॥
भूषणैर् उत्तमैर् हीनां भर्तृवात्सल्यभूषिताम् । राक्षसाधिपसंरुद्धां बन्धुभिश् च विनाकृताम् ॥
वियूथां सिंहसंरुद्धां बद्धां गजवधूम् इव । चन्द्रलेखां पयोदान्ते शारदाभ्रैर् इवावृताम् ॥
क्लिष्टरूपाम् असंस्पर्शाद् अयुक्ताम् इव वल्लकीम् । सीतां भर्तृहिते युक्ताम् अयुक्तां रक्षसां वशे ॥
अशोकवनिकामध्ये शोकसागरम् आप्लुताम् । ताभिः परिवृतां तत्र सग्रहाम् इव रोहिणीम् ॥
ददर्श हनुमान् देवीं लताम् अकुसुमाम् इव । सा मलेन च दिग्धाङ्गी वपुषा चाप्य् अलंकृता ॥
मृणाली पङ्कदिघ्देव विभाति च न भाति च । मलिनेन तु वस्त्रेण परिक्लिष्टेन भामिनीम् ॥
संवृतां मृगशावाक्षीं ददर्श हनुमान् कपिः । तां देवीं दीनवदनाम् अदीनां भर्तृतेजसा ॥
रक्षितां स्वेन शीलेन सीताम् असितलोचनाम् । तां दृष्ट्वा हनुमान् सीतां मृगशावनिभेक्षणाम् ॥
मृगकन्याम् इव त्रस्तां वीक्षमाणां समन्ततः । दहन्तीम् इव निःश्वासैर् वृक्षान् पल्लवधारिणः ॥
संघातम् इव शोकानां दुःखस्योर्मिम् इवोत्थिताम् । तां क्षामां सुविभक्ताङ्गीं विनाभरणशोभिनीम् ॥
प्रहर्षम् अतुलं लेभे मारुतिः प्रेक्ष्य मैथिलीम् । हर्षजानि च सो ऽश्रूणि तां दृष्ट्वा मदिरेक्षणाम् ॥
मुमोच हनुमांस् तत्र नमश् चक्रे च राघवम् । नमस्कृत्वा च रामाय लक्ष्मणाय च वीर्यवान् ॥
सीतादर्शनसंहृष्टो हनूमान् संवृतो ऽभवत् ॥
skandhavantam upāsīnāḥ parivārya vanaspatim | tasyādhastāc ca tāṃ devīṃ rājaputrīm aninditām ||
lakṣayām āsa lakṣmīvān hanūmāñ janakātmajām | niṣprabhāṃ śokasaṃtaptāṃ malasaṃkulamūrdhajām ||
kṣīṇapuṇyāṃ cyutāṃ bhūmau tārāṃ nipatitām iva | cāritrya vyapadeśāḍhyāṃ bhartṛdarśanadurgatām ||
bhūṣaṇair uttamair hīnāṃ bhartṛvātsalyabhūṣitām | rākṣasādhipasaṃruddhāṃ bandhubhiś ca vinākṛtām ||
viyūthāṃ siṃhasaṃruddhāṃ baddhāṃ gajavadhūm iva | candralekhāṃ payodānte śāradābhrair ivāvṛtām ||
kliṣṭarūpām asaṃsparśād ayuktām iva vallakīm | sītāṃ bhartṛhite yuktām ayuktāṃ rakṣasāṃ vaśe ||
aśokavanikāmadhye śokasāgaram āplutām | tābhiḥ parivṛtāṃ tatra sagrahām iva rohiṇīm ||
dadarśa hanumān devīṃ latām akusumām iva | sā malena ca digdhāṅgī vapuṣā cāpy alaṃkṛtā ||
mṛṇālī paṅkadighdeva vibhāti ca na bhāti ca | malinena tu vastreṇa parikliṣṭena bhāminīm ||
saṃvṛtāṃ mṛgaśāvākṣīṃ dadarśa hanumān kapiḥ | tāṃ devīṃ dīnavadanām adīnāṃ bhartṛtejasā ||
rakṣitāṃ svena śīlena sītām asitalocanām | tāṃ dṛṣṭvā hanumān sītāṃ mṛgaśāvanibhekṣaṇām ||
mṛgakanyām iva trastāṃ vīkṣamāṇāṃ samantataḥ | dahantīm iva niḥśvāsair vṛkṣān pallavadhāriṇaḥ ||
saṃghātam iva śokānāṃ duḥkhasyormim ivotthitām | tāṃ kṣāmāṃ suvibhaktāṅgīṃ vinābharaṇaśobhinīm ||
praharṣam atulaṃ lebhe mārutiḥ prekṣya maithilīm | harṣajāni ca so 'śrūṇi tāṃ dṛṣṭvā madirekṣaṇām ||
mumoca hanumāṃs tatra namaś cakre ca rāghavam | namaskṛtvā ca rāmāya lakṣmaṇāya ca vīryavān ||
sītādarśanasaṃhṛṣṭo hanūmān saṃvṛto 'bhavat ||
У ствола дерева сидели ракшаси, окружившие его; под ним благословенный Хануман различил богиню, безупречную царевну, дочь Джанаки. Она была без сияния, сожжённая скорбью, с волосами, полными грязи, словно звезда с истощённой заслугой, упавшая на землю. Она была богата славой целомудрия, но несчастна оттого, что не видела мужа; лишена лучших украшений, но украшена любовью к мужу; заключена владыкой ракшасов и лишена родных. Она была как слониха, отделённая от стада, остановленная львом и связанная; как серп луны на краю туч, закрытый осенними облаками. Её облик был измучен отсутствием заботы, как не настроенная лютня; Сита была предана благу мужа, но неуместно оказалась во власти ракшасов. Среди рощи Ашока, погружённая в океан скорби, окружённая этими стражницами, она была как Рохини, окружённая зловредными планетами. Хануман увидел богиню, подобную лиане без цветов. Её тело было измазано грязью, но само тело всё ещё украшало её; как лотосовый стебель, покрытый илом, она и сияла, и не сияла. Обезьяна Хануман увидел ланеглазую красавицу, покрытую грязной, измученной одеждой: богиню с жалким лицом, но не жалкую благодаря сиянию своего мужа; Ситу, черноокую, защищённую собственным нравом. Увидев Ситу с глазами как у ланёнка, испуганную как юная лань, оглядывающуюся со всех сторон, словно сжигающую своими вздохами деревья с молодыми побегами, как скопление скорбей и поднявшуюся волну страдания, истощённую, но с прекрасно сложенными членами и сияющую даже без украшений, Марути испытал несравненную радость. Увидев эту хмельноокую Майтхили, Хануман пролил слёзы радости, поклонился Рагхаве, затем Раме и доблестному Лакшмане, и, обрадованный видением Ситы, остался скрытым.
1138478baa88 · 发布于 2026年6月22日 00:00:00 UTC
可用语言RU用方向键翻颂
Сита внешне лишена всего: украшений, родных, свободы и покоя. Но текст сразу показывает, что главное не отнято: её защищает собственный нрав и сияние её связи с Рамой. Поэтому Хануман плачет не только от жалости, но и от радости: цель служения наконец найдена.