इति संजल्पमानां तां रामार्थे शोककर्शिताम् । अश्रुसंपूर्णवदनाम् उवाच हनुमान् कपिः ॥
श्रुत्वैव तु वचो मह्यं क्षिप्रम् एष्यति राघवः । चमूं प्रकर्षन् महतीं हर्यृक्षगणसंकुलाम् ॥
अथ वा मोचयिष्यामि ताम् अद्यैव हि राक्षसात् । अस्माद् दुःखाद् उपारोह मम पृष्ठम् अनिन्दिते ॥
त्वं हि पृष्ठगतां कृत्वा संतरिष्यामि सागरम् । शक्तिर् अस्ति हि मे वोढुं लङ्काम् अपि सरावणाम् ॥
अहं प्रस्रवणस्थाय राघवायाद्य मैथिलि । प्रापयिष्यामि शक्राय हव्यं हुतम् इवानलः ॥
द्रक्ष्यस्य् अद्यैव वैदेहि राघवं सहलक्ष्मणम् । व्यवसाय समायुक्तं विष्णुं दैत्यवधे यथा ॥
त्वद्दर्शनकृतोत्साहम् आश्रमस्थं महाबलम् । पुरंदरम् इवासीनं नागराजस्य मूर्धनि ॥
पृष्ठम् आरोह मे देवि मा विकाङ्क्षस्व शोभने । योगम् अन्विच्छ रामेण शशाङ्केनेव रोहिणी ॥
कथयन्तीव चन्द्रेण सूर्येणेव सुवर्चला । मत्पृष्ठम् अधिरुह्य त्वं तराकाशमहार्णवम् ॥
न हि मे संप्रयातस्य त्वाम् इतो नयतो ऽङ्गने । अनुगन्तुं गतिं शक्ताः सर्वे लङ्कानिवासिनः ॥
यथैवाहम् इह प्राप्तस् तथैवाहम् असंशयम् । यास्यामि पश्य वैदेहि त्वाम् उद्यम्य विहायसं ॥
iti saṃjalpamānāṃ tāṃ rāmārthe śokakarśitām | aśrusaṃpūrṇavadanām uvāca hanumān kapiḥ ||
śrutvaiva tu vaco mahyaṃ kṣipram eṣyati rāghavaḥ | camūṃ prakarṣan mahatīṃ haryṛkṣagaṇasaṃkulām ||
atha vā mocayiṣyāmi tām adyaiva hi rākṣasāt | asmād duḥkhād upāroha mama pṛṣṭham anindite ||
tvaṃ hi pṛṣṭhagatāṃ kṛtvā saṃtariṣyāmi sāgaram | śaktir asti hi me voḍhuṃ laṅkām api sarāvaṇām ||
ahaṃ prasravaṇasthāya rāghavāyādya maithili | prāpayiṣyāmi śakrāya havyaṃ hutam ivānalaḥ ||
drakṣyasy adyaiva vaidehi rāghavaṃ sahalakṣmaṇam | vyavasāya samāyuktaṃ viṣṇuṃ daityavadhe yathā ||
tvaddarśanakṛtotsāham āśramasthaṃ mahābalam | puraṃdaram ivāsīnaṃ nāgarājasya mūrdhani ||
pṛṣṭham āroha me devi mā vikāṅkṣasva śobhane | yogam anviccha rāmeṇa śaśāṅkeneva rohiṇī ||
kathayantīva candreṇa sūryeṇeva suvarcalā | matpṛṣṭham adhiruhya tvaṃ tarākāśamahārṇavam ||
na hi me saṃprayātasya tvām ito nayato 'ṅgane | anugantuṃ gatiṃ śaktāḥ sarve laṅkānivāsinaḥ ||
yathaivāham iha prāptas tathaivāham asaṃśayam | yāsyāmi paśya vaidehi tvām udyamya vihāyasaṃ ||
Когда Сита так говорила ради Рамы, истощённая скорбью, с лицом, полным слёз, капи Хануман сказал ей: «Как только Рагхава услышит моё слово, он быстро придёт, ведя великое войско, полное хари и рикшей. Или же я сам освобожу тебя сегодня от этого ракшаса. Безупречная, взойди на мою спину и выйди из этой скорби. Посадив тебя на спину, я переправлюсь через океан. У меня есть сила унести даже Ланку вместе с Раваной. Майтхили, я сегодня доставлю тебя Рагхаве, находящемуся на Прасраване, как огонь доставляет возлитую жертву Шакре. Вайдехи, сегодня же ты увидишь Рагхаву с Лакшманой, решительного, как Вишну при убийстве дайтьев; увидишь великосильного, находящегося в ашраме и воодушевлённого встречей с тобой, словно Пурандару, сидящего на голове царя нагов. Богиня, взойди на мою спину, не сомневайся, прекрасная. Ищи соединения с Рамой, как Рохини с луной. Взойдя на мою спину, словно Суварчала с солнцем или Рохини с луной, пересекай великий океан неба. Когда я отправлюсь, унося тебя отсюда, ни один житель Ланки не сможет следовать моему пути. Как я пришёл сюда, так же, без сомнения, я уйду: смотри, Вайдехи, я подниму тебя в небо».
8bdadc97c172 · 发布于 2026年6月22日 00:00:00 UTC
可用语言RU用方向键翻颂
Предложение Ханумана рождено любовью к Раме и состраданием к Сите. Он способен на невозможное, но Сита должна решить не только вопрос силы, а вопрос дхармы и славы Рамы.