ततः कपिं तं प्रसमीक्ष्य गर्वितं; जितश्रमं शत्रुपराजयोर् जितम् । अवैक्षताक्षः समुदीर्णमानसः; सबाणपाणिः प्रगृहीतकार्मुकः ॥
स हेमनिष्काङ्गदचारुकुण्डलः; समाससादाशु पराक्रमः कपिम् । तयोर् बभूवाप्रतिमः समागमः; सुरासुराणाम् अपि संभ्रमप्रदः ॥
ररास भूमिर् न तताप भानुमान्; ववौ न वायुः प्रचचाल चाचलः । कपेः कुमारस्य च वीक्ष्य संयुगं; ननाद च द्यौर् उदधिश् च चुक्षुभे ॥
ततः स वीरः सुमुखान् पतत्रिणः; सुवर्णपुङ्खान् सविषान् इवोरगान् । समाधिसंयोगविमोक्षतत्त्वविच्; छरान् अथ त्रीन् कपिमूर्ध्न्य् अपातयत् ॥
स तैः शरैर् मूर्ध्नि समं निपातितैः; क्षरन्न् असृग्दिग्धविवृत्तलोचनः । नवोदितादित्यनिभः शरांशुमान्; व्यराजतादित्य इवांशुमालिकः ॥
ततः स पिङ्गाधिपमन्त्रिसत्तमः; समीक्ष्य तं राजवरात्मजं रणे । उदग्रचित्रायुधचित्रकार्मुकं; जहर्ष चापूर्यत चाहवोन्मुखः ॥
स मन्दराग्रस्थ इवांशुमाली; विवृद्धकोपो बलवीर्यसंयुतः । कुमारम् अक्षं सबलं सवाहनं; ददाह नेत्राग्निमरीचिभिस् तदा ॥
ततः स बाणासनशक्रकार्मुकः; शरप्रवर्षो युधि राक्षसाम्बुदः । शरान् मुमोचाशु हरीश्वराचले; बलाहको वृष्टिम् इवाचलोत्तमे ॥
ततः कपिस् तं रणचण्डविक्रमं; विवृद्धतेजोबलवीर्यसायकम् । कुमारम् अक्षं प्रसमीक्ष्य संयुगे; ननाद हर्षाद् घनतुल्यविक्रमः ॥
स बालभावाद् युधि वीर्यदर्पितः; प्रवृद्धमन्युः क्षतजोपमेक्षणः । समाससादाप्रतिमं रणे कपिं; गजो महाकूपम् इवावृतं तृणैः ॥
स तेन बाणैः प्रसभं निपातितैश्; चकार नादं घननादनिःस्वनः । समुत्पपाताशु नभः स मारुतिर्; भुजोरुविक्षेपण घोरदर्शनः ॥
समुत्पतन्तं समभिद्रवद् बली; स राक्षसानां प्रवरः प्रतापवान् । रथी रथश्रेष्ठतमः किरञ् शरैः; पयोधरः शैलम् इवाश्मवृष्टिभिः ॥
स ताञ् शरांस् तस्य विमोक्षयन् कपिश्; चचार वीरः पथि वायुसेविते । शरान्तरे मारुतवद् विनिष्पतन्; मनोजवः संयति चण्डविक्रमः ॥
तम् आत्तबाणासनम् आहवोन्मुखं; खम् आस्तृणन्तं विविधैः शरोत्तमैः । अवैक्षताक्षं बहुमानचक्षुषा; जगाम चिन्तां च स मारुतात्मजः ॥
tataḥ kapiṃ taṃ prasamīkṣya garvitaṃ; jitaśramaṃ śatruparājayor jitam | avaikṣatākṣaḥ samudīrṇamānasaḥ; sabāṇapāṇiḥ pragṛhītakārmukaḥ ||
sa hemaniṣkāṅgadacārukuṇḍalaḥ; samāsasādāśu parākramaḥ kapim | tayor babhūvāpratimaḥ samāgamaḥ; surāsurāṇām api saṃbhramapradaḥ ||
rarāsa bhūmir na tatāpa bhānumān; vavau na vāyuḥ pracacāla cācalaḥ | kapeḥ kumārasya ca vīkṣya saṃyugaṃ; nanāda ca dyaur udadhiś ca cukṣubhe ||
tataḥ sa vīraḥ sumukhān patatriṇaḥ; suvarṇapuṅkhān saviṣān ivoragān | samādhisaṃyogavimokṣatattvavic; charān atha trīn kapimūrdhny apātayat ||
sa taiḥ śarair mūrdhni samaṃ nipātitaiḥ; kṣarann asṛgdigdhavivṛttalocanaḥ | navoditādityanibhaḥ śarāṃśumān; vyarājatāditya ivāṃśumālikaḥ ||
tataḥ sa piṅgādhipamantrisattamaḥ; samīkṣya taṃ rājavarātmajaṃ raṇe | udagracitrāyudhacitrakārmukaṃ; jaharṣa cāpūryata cāhavonmukhaḥ ||
sa mandarāgrastha ivāṃśumālī; vivṛddhakopo balavīryasaṃyutaḥ | kumāram akṣaṃ sabalaṃ savāhanaṃ; dadāha netrāgnimarīcibhis tadā ||
tataḥ sa bāṇāsanaśakrakārmukaḥ; śarapravarṣo yudhi rākṣasāmbudaḥ | śarān mumocāśu harīśvarācale; balāhako vṛṣṭim ivācalottame ||
tataḥ kapis taṃ raṇacaṇḍavikramaṃ; vivṛddhatejobalavīryasāyakam | kumāram akṣaṃ prasamīkṣya saṃyuge; nanāda harṣād ghanatulyavikramaḥ ||
sa bālabhāvād yudhi vīryadarpitaḥ; pravṛddhamanyuḥ kṣatajopamekṣaṇaḥ | samāsasādāpratimaṃ raṇe kapiṃ; gajo mahākūpam ivāvṛtaṃ tṛṇaiḥ ||
sa tena bāṇaiḥ prasabhaṃ nipātitaiś; cakāra nādaṃ ghananādaniḥsvanaḥ | samutpapātāśu nabhaḥ sa mārutir; bhujoruvikṣepaṇa ghoradarśanaḥ ||
samutpatantaṃ samabhidravad balī; sa rākṣasānāṃ pravaraḥ pratāpavān | rathī rathaśreṣṭhatamaḥ kirañ śaraiḥ; payodharaḥ śailam ivāśmavṛṣṭibhiḥ ||
sa tāñ śarāṃs tasya vimokṣayan kapiś; cacāra vīraḥ pathi vāyusevite | śarāntare mārutavad viniṣpatan; manojavaḥ saṃyati caṇḍavikramaḥ ||
tam āttabāṇāsanam āhavonmukhaṃ; kham āstṛṇantaṃ vividhaiḥ śarottamaiḥ | avaikṣatākṣaṃ bahumānacakṣuṣā; jagāma cintāṃ ca sa mārutātmajaḥ ||
Затем Акша с возвышенным умом, держа стрелу в руке и схватив лук, посмотрел на гордого капи, победившего усталость и поражение врагов. Украшенный золотым ожерельем, браслетами и прекрасными серьгами, доблестный царевич быстро приблизился к капи. Их встреча была несравненной и приводила в смятение даже богов и асуров. Земля зарычала, солнце перестало греть, ветер не дул, горы зашатались; увидев битву капи и царевича, небо заревело, а океан взволновался. Тогда герой, знающий суть сосредоточения, натяжения и выпуска стрел, опустил на голову капи три прекраснолицые стрелы с золотым оперением, подобные ядовитым змеям. С этими тремя стрелами, разом упавшими на голову, Хануман засиял как нововосходящее солнце, истекая кровью, с раскрытыми глазами, окрашенными кровью, и со стрелами как лучами. Тогда лучший министр владыки ванар увидел в бою этого царского сына с высоким пёстрым оружием и пёстрым луком, возрадовался и, обратившись к битве, наполнился силой. С возросшим гневом, наделённый силой и доблестью, он, словно солнце на вершине Мандары, сжигал лучами огня глаз царевича Акшу вместе с войском и повозками. Тогда ракшас-облако с луком, подобным луку Шакры, стал быстро лить стрелы в бою на гору-владыку хари, как туча проливает дождь на лучшую гору. Увидев в сражении царевича Акшу, свиреподоблестного, с возросшим сиянием, силой, доблестью и стрелами, капи, равный облаку в мощи, заревел от радости. Юный, но гордый доблестью в бою, с возросшим гневом и глазами, подобными крови, Акша приблизился к несравненному капи, как слон к великому колодцу, скрытому травой. Когда его стрелы силой обрушились на Ханумана, сын Ветра, страшный видом от взмахов рук и бёдер, издал рёв, звучавший как гул тучи, и быстро взлетел в небо. Сильный, могучесияющий лучший из ракшасов, колесничий на превосходной колеснице, атаковал его в полёте, осыпая стрелами, как облако осыпает гору каменным дождём. Но герой-капи, отклоняя его стрелы, двигался по пути, где ходит ветер; мысленно-быстрый и свиреподоблестный в бою, он вылетал между стрелами, словно ветер. Сын Ветра смотрел с почтением на Акшу, взявшего лук, обращённого к битве и покрывающего небо разными лучшими стрелами, и погрузился в размышление.
db6b097da830 · 发布于 2026年6月22日 00:00:00 UTC
可用语言RU用方向键翻颂
Хануман уважает доблесть Акши. Он не спешит уничтожить юного царевича, потому что видит в нём собранность, силу и подлинное воинское качество.