विनष्टे वा प्रनष्टे वा शोकः सर्वार्थनाशनः । त्वं तु बुद्धिमतां श्रेष्ठः सर्वशास्त्रार्थकोविदः ॥
मद्विधैः सचिवैः सार्थम् अरिं जेतुम् इहार्हसि । न हि पश्याम्य् अहं कं चित् त्रिषु लोकेषु राघव ॥
गृहीतधनुषो यस् ते तिष्ठेद् अभिमुखो रणे । वानरेषु समासक्तं न ते कार्यं विपत्स्यते ॥
अचिराद् द्रक्ष्यसे सीतां तीर्त्वा सागरम् अक्षयम् । तद् अलं शोकम् आलम्ब्य क्रोधम् आलम्ब भूपते ॥
निश्चेष्टाः क्षत्रिया मन्दाः सर्वे चण्डस्य बिभ्यति । लङ्गनार्थं च घोरस्य समुद्रस्य नदीपतेः ॥
सहास्माभिर् इहोपेतः सूक्ष्मबुद्धिर् विचारय । इमे हि समरे शूरा हरयः कामरूपिणः ॥
तान् अरीन् विधमिष्यन्ति शिलापादपवृष्टिभिः । कथं चित् परिपश्यामस् ते वयं वरुणालयम् ॥
किम् उक्त्वा बहुधा चापि सर्वथा विजयी भवान् ॥
vinaṣṭe vā pranaṣṭe vā śokaḥ sarvārthanāśanaḥ | tvaṃ tu buddhimatāṃ śreṣṭhaḥ sarvaśāstrārthakovidaḥ ||
madvidhaiḥ sacivaiḥ sārtham ariṃ jetum ihārhasi | na hi paśyāmy ahaṃ kaṃ cit triṣu lokeṣu rāghava ||
gṛhītadhanuṣo yas te tiṣṭhed abhimukho raṇe | vānareṣu samāsaktaṃ na te kāryaṃ vipatsyate ||
acirād drakṣyase sītāṃ tīrtvā sāgaram akṣayam | tad alaṃ śokam ālambya krodham ālamba bhūpate ||
niśceṣṭāḥ kṣatriyā mandāḥ sarve caṇḍasya bibhyati | laṅganārthaṃ ca ghorasya samudrasya nadīpateḥ ||
sahāsmābhir ihopetaḥ sūkṣmabuddhir vicāraya | ime hi samare śūrā harayaḥ kāmarūpiṇaḥ ||
tān arīn vidhamiṣyanti śilāpādapavṛṣṭibhiḥ | kathaṃ cit paripaśyāmas te vayaṃ varuṇālayam ||
kim uktvā bahudhā cāpi sarvathā vijayī bhavān ||
«При утрате или пропаже скорбь разрушает все цели. Но ты — лучший из разумных, знающий смысл всех шастр; тебе подобает вместе с такими советниками, как я, победить здесь врага. О Рагхава, я не вижу в трёх мирах никого, кто мог бы в бою стать лицом к лицу перед тобой, когда ты взял лук. Когда дело возложено на ванаров, твоя задача не потерпит неудачи. Вскоре, переправившись через неисчерпаемый океан, ты увидишь Ситу. Поэтому довольно держаться за скорбь: прими гнев, о владыка земли. Бездеятельные и слабые кшатрии боятся всякого яростного; а ты, тонкоразумный, вместе с нами обдумай здесь переправу через страшный океан, владыку рек. Эти хари — герои в бою, способные принимать облик по желанию; они разметают врагов ливнями камней и деревьев. Так или иначе мы найдём для тебя путь через океан, обитель Варуны. Зачем говорить много? Во всех отношениях ты будешь победителем».
562883cc883e · 发布于 2026年6月22日 00:00:00 UTC
可用语言RU用方向键翻颂
Сугрива не призывает к слепой ярости: он просит заменить бесплодную скорбь праведным гневом и рассуждением. Так решимость, совет и совместное служение становятся началом будущего моста.