हा हतास्मि महाबाहो वीरव्रतम् अनुव्रता । इमां ते पश्चिमावस्थां गतास्मि विधवा कृता ॥
प्रथमं मरणं नार्या भर्तुर् वैगुण्यम् उच्यते । सुवृत्तः साधुवृत्तायाः संवृत्तस् त्वं ममाग्रतः ॥
दुःखाद् दुःखं प्रपन्नाया मग्नायाः शोकसागरे । यो हि माम् उद्यतस् त्रातुं सो ऽपि त्वं विनिपातितः ॥
सा श्वश्रूर् मम कौसल्या त्वया पुत्रेण राघव । वत्सेनेव यथा धेनुर् विवत्सा वत्सला कृता ॥
आदिष्टं दीर्घम् आयुस् ते यैर् अचिन्त्यपराक्रम । अनृतं वचनं तेषाम् अल्पायुर् असि राघव ॥
अथ वा नश्यति प्रज्ञा प्राज्ञस्यापि सतस् तव । पचत्य् एनं तथा कालो भूतानां प्रभवो ह्य् अयम् ॥
अदृष्टं मृत्युम् आपन्नः कस्मात् त्वं नयशास्त्रवित् । व्यसनानाम् उपायज्ञः कुशलो ह्य् असि वर्जने ॥
तथा त्वं संपरिष्वज्य रौद्रयातिनृशंसया । कालरात्र्या मयाच्छिद्य हृतः कमललोचनः ॥
उपशेषे महाबाहो मां विहाय तपस्विनीम् । प्रियाम् इव शुभां नारीं पृथिवीं पुरुषर्षभ ॥
अर्चितं सततं यत्नाद् गन्धमाल्यैर् मया तव । इदं ते मत्प्रियं वीर धनुः काञ्चनभूषितम् ॥
पित्रा दशरथेन त्वं श्वशुरेण ममानघ । पूर्वैश् च पितृभिः सार्धं नूनं स्वर्गे समागतः ॥
hā hatāsmi mahābāho vīravratam anuvratā | imāṃ te paścimāvasthāṃ gatāsmi vidhavā kṛtā ||
prathamaṃ maraṇaṃ nāryā bhartur vaiguṇyam ucyate | suvṛttaḥ sādhuvṛttāyāḥ saṃvṛttas tvaṃ mamāgrataḥ ||
duḥkhād duḥkhaṃ prapannāyā magnāyāḥ śokasāgare | yo hi mām udyatas trātuṃ so 'pi tvaṃ vinipātitaḥ ||
sā śvaśrūr mama kausalyā tvayā putreṇa rāghava | vatseneva yathā dhenur vivatsā vatsalā kṛtā ||
ādiṣṭaṃ dīrgham āyus te yair acintyaparākrama | anṛtaṃ vacanaṃ teṣām alpāyur asi rāghava ||
atha vā naśyati prajñā prājñasyāpi satas tava | pacaty enaṃ tathā kālo bhūtānāṃ prabhavo hy ayam ||
adṛṣṭaṃ mṛtyum āpannaḥ kasmāt tvaṃ nayaśāstravit | vyasanānām upāyajñaḥ kuśalo hy asi varjane ||
tathā tvaṃ saṃpariṣvajya raudrayātinṛśaṃsayā | kālarātryā mayācchidya hṛtaḥ kamalalocanaḥ ||
upaśeṣe mahābāho māṃ vihāya tapasvinīm | priyām iva śubhāṃ nārīṃ pṛthivīṃ puruṣarṣabha ||
arcitaṃ satataṃ yatnād gandhamālyair mayā tava | idaṃ te matpriyaṃ vīra dhanuḥ kāñcanabhūṣitam ||
pitrā daśarathena tvaṃ śvaśureṇa mamānagha | pūrvaiś ca pitṛbhiḥ sārdhaṃ nūnaṃ svarge samāgataḥ ||
«Увы, я погибла, о могучерукий! Я, следовавшая обету героя, увидела это твоё последнее состояние и стала вдовой. Первой смертью женщины называют бедствие мужа; ты, праведный, стал этим передо мной, добродетельной. Я переходила из страдания в страдание и тонула в океане скорби, а тот, кто был готов меня спасти, — даже ты — низвергнут. О Рагхава, моя свекровь Каушалья, любящая тебя, твоим уходом сделана без сына, как корова, любящая телёнка, становится без телёнка. О непостижимой доблести, те, кто предсказывал тебе долгую жизнь, сказали ложь: ты короткоживущий, о Рагхава. Или же мудрость гибнет даже у мудрого: время пожирает каждого, ведь оно владыка существ. Почему ты, знаток науки политики, знающий средства против бедствий и искусный в их избегании, попал в незамеченную смерть? Лотосоокий, тебя обняла страшная и крайне жестокая ночь смерти, оторвала от меня и унесла. О могучерукий, о бык среди людей, ты лежишь, оставив меня, страдалицу, и приняв прекрасную землю, словно любимую женщину. О герой, вот твой лук, дорогой мне, украшенный золотом, который я постоянно усердно почитала благовониями и гирляндами. О безгрешный, несомненно, ты встретился на небе с отцом Дашаратхой, моим свёкром, и с прежними предками».
6402f9d55344 · 发布于 2026年6月22日 00:00:00 UTC
可用语言RU用方向键翻颂
Плач Ситы движется от личной утраты к космическому вопросу о времени и смерти. Даже в обмане её слова раскрывают, кем для неё является Рама: мужем, защитником, носителем дхармы и надеждой всех близких.