तेन शङ्खविमिश्रेण भेरीशब्देन राघवः । उपयतो महाबाहू रामः परपुरंजयः ॥
तं निनादं निशम्याथ रावणो राक्षसेश्वरः । मुहूर्तं ध्यानम् आस्थाय सचिवान् अभ्युदैक्षत ॥
अथ तान् सचिवांस् तत्र सर्वान् आभाष्य रावणः । सभां संनादयन् सर्वाम् इत्य् उवाच महाबलः ॥
तरणं सागरस्यापि विक्रमं बलसंचयम् । यद् उक्तवन्तो रामस्य भवन्तस् तन् मया श्रुतम् । भवतश् चाप्य् अहं वेद्मि युद्धे सत्यपराक्रमान् ॥
ततस् तु सुमहाप्राज्ञो माल्यवान् नाम राक्षसः । रावणस्य वचः श्रुत्वा मातुः पैतामहो ऽब्रवीत् ॥
विद्यास्व् अभिविनीतो यो राजा राजन् नयानुगः । स शास्ति चिरम् ऐश्वर्यम् अरींश् च कुरुते वशे ॥
संदधानो हि कालेन विगृह्णंश् चारिभिः सह । स्वपक्षवर्धनं कुर्वन् महद् ऐश्वर्यम् अश्नुते ॥
हीयमानेन कर्तव्यो राज्ञा संधिः समेन च । न शत्रुम् अवमन्येत ज्यायान् कुर्वीत विग्रहम् ॥
तन् मह्यं रोचते संधिः सह रामेण रावण । यदर्थम् अभियुक्ताः स्म सीता तस्मै प्रदीयताम् ॥
तस्य देवर्षयः सर्वे गन्धर्वाश् च जयैषिणः । विरोधं मा गमस् तेन संधिस् ते तेन रोचताम् ॥
tena śaṅkhavimiśreṇa bherīśabdena rāghavaḥ | upayato mahābāhū rāmaḥ parapuraṃjayaḥ ||
taṃ ninādaṃ niśamyātha rāvaṇo rākṣaseśvaraḥ | muhūrtaṃ dhyānam āsthāya sacivān abhyudaikṣata ||
atha tān sacivāṃs tatra sarvān ābhāṣya rāvaṇaḥ | sabhāṃ saṃnādayan sarvām ity uvāca mahābalaḥ ||
taraṇaṃ sāgarasyāpi vikramaṃ balasaṃcayam | yad uktavanto rāmasya bhavantas tan mayā śrutam | bhavataś cāpy ahaṃ vedmi yuddhe satyaparākramān ||
tatas tu sumahāprājño mālyavān nāma rākṣasaḥ | rāvaṇasya vacaḥ śrutvā mātuḥ paitāmaho 'bravīt ||
vidyāsv abhivinīto yo rājā rājan nayānugaḥ | sa śāsti ciram aiśvaryam arīṃś ca kurute vaśe ||
saṃdadhāno hi kālena vigṛhṇaṃś cāribhiḥ saha | svapakṣavardhanaṃ kurvan mahad aiśvaryam aśnute ||
hīyamānena kartavyo rājñā saṃdhiḥ samena ca | na śatrum avamanyeta jyāyān kurvīta vigraham ||
tan mahyaṃ rocate saṃdhiḥ saha rāmeṇa rāvaṇa | yadartham abhiyuktāḥ sma sītā tasmai pradīyatām ||
tasya devarṣayaḥ sarve gandharvāś ca jayaiṣiṇaḥ | virodhaṃ mā gamas tena saṃdhis te tena rocatām ||
Под звук барабана, смешанный с раковинами, приблизился могучерукий Рама, Рагхава, покоритель вражеских городов. Услышав этот гул, Равана, владыка ракшасов, на мгновение погрузился в размышление и посмотрел на советников. Затем великосильный Равана обратился там ко всем советникам, заставляя звучать весь зал собрания: «Я слышал то, что вы говорили о Раме: о переходе даже через океан, о его подвиге и о собрании войска. И вас я тоже знаю истинно доблестными в битве». Тогда очень мудрый ракшас по имени Мальяван, дед Раваны по матери, услышав его слова, сказал: «О царь, тот царь, который хорошо обучен знаниям и следует политике, долго властвует и подчиняет врагов. Тот, кто вовремя заключает мир, вовремя воюет с врагами и усиливает свою сторону, достигает великого могущества. Царь должен заключать мир с более слабым и равным; нельзя презирать врага, а с превосходящим следует избегать войны. Поэтому, о Равана, мне кажется правильным заключить мир с Рамой. Сита, ради которой нас атаковали, пусть будет отдана ему. Все божественные риши и гандхарвы желают его победы. Не вступай с ним во вражду; пусть мир с ним будет принят тобой».
9d6d4d2257b3 · 发布于 2026年6月22日 00:00:00 UTC
可用语言RU用方向键翻颂
Мальяван говорит языком царской науки: сила царя проявляется не только в войне, но и в способности вовремя признать границы. Его совет исходит из трезвого видения Рамы.