तत् तु माल्यवतो वाक्यं हितम् उक्तं दशाननः । न मर्षयति दुष्टात्मा कालस्य वशम् आगतः ॥
स बद्ध्वा भ्रुकुटिं वक्त्रे क्रोधस्य वशम् आगतः । अमर्षात् परिवृत्ताक्षो माल्यवन्तम् अथाब्रवीत् ॥
हितबुद्ध्या यद् अहितं वचः परुषम् उच्यते । परपक्षं प्रविश्यैव नैतच् छ्रोत्रगतं मम ॥
मानुषं कृपणं रामम् एकं शाखामृगाश्रयम् । समर्थं मन्यसे केन त्यक्तं पित्रा वनालयम् ॥
रक्षसाम् ईश्वरं मां च देवतानां भयंकरम् । हीनं मां मन्यसे केन अहीनं सर्वविक्रमैः ॥
वीरद्वेषेण वा शङ्के पक्षपातेन वा रिपोः । त्वयाहं परुषाण्य् उक्तः परप्रोत्साहनेन वा ॥
प्रभवन्तं पदस्थं हि परुषं को ऽह्बिधास्यति । पण्डितः शास्त्रतत्त्वज्ञो विना प्रोत्साहनाद् रिपोः ॥
आनीय च वनात् सीतां पद्महीनाम् इव श्रियम् । किमर्थं प्रतिदास्यामि राघवस्य भयाद् अहम् ॥
वृतं वानरकोटीभिः ससुग्रीवं सलक्ष्मणम् । पश्य कैश् चिद् अहोभिस् त्वं राघवं निहतं मया ॥
द्वन्द्वे यस्य न तिष्ठन्ति दैवतान्य् अपि संयुगे । स कस्माद् रावणो युद्धे भयम् आहारयिष्यति ॥
द्विधा भज्येयम् अप्य् एवं न नमेयं तु कस्य चित् । एष मे सहजो दोषः स्वभावो दुरतिक्रमः ॥
यदि तावत् समुद्रे तु सेतुर् बद्धो यदृच्छया । रामेण विस्मयः को ऽत्र येन ते भयम् आगतम् ॥
स तु तीर्त्वार्णवं रामः सह वानरसेनया । प्रतिजानामि ते सत्यं न जीवन् प्रतियास्यति ॥
tat tu mālyavato vākyaṃ hitam uktaṃ daśānanaḥ | na marṣayati duṣṭātmā kālasya vaśam āgataḥ ||
sa baddhvā bhrukuṭiṃ vaktre krodhasya vaśam āgataḥ | amarṣāt parivṛttākṣo mālyavantam athābravīt ||
hitabuddhyā yad ahitaṃ vacaḥ paruṣam ucyate | parapakṣaṃ praviśyaiva naitac chrotragataṃ mama ||
mānuṣaṃ kṛpaṇaṃ rāmam ekaṃ śākhāmṛgāśrayam | samarthaṃ manyase kena tyaktaṃ pitrā vanālayam ||
rakṣasām īśvaraṃ māṃ ca devatānāṃ bhayaṃkaram | hīnaṃ māṃ manyase kena ahīnaṃ sarvavikramaiḥ ||
vīradveṣeṇa vā śaṅke pakṣapātena vā ripoḥ | tvayāhaṃ paruṣāṇy uktaḥ paraprotsāhanena vā ||
prabhavantaṃ padasthaṃ hi paruṣaṃ ko 'hbidhāsyati | paṇḍitaḥ śāstratattvajño vinā protsāhanād ripoḥ ||
ānīya ca vanāt sītāṃ padmahīnām iva śriyam | kimarthaṃ pratidāsyāmi rāghavasya bhayād aham ||
vṛtaṃ vānarakoṭībhiḥ sasugrīvaṃ salakṣmaṇam | paśya kaiś cid ahobhis tvaṃ rāghavaṃ nihataṃ mayā ||
dvandve yasya na tiṣṭhanti daivatāny api saṃyuge | sa kasmād rāvaṇo yuddhe bhayam āhārayiṣyati ||
dvidhā bhajyeyam apy evaṃ na nameyaṃ tu kasya cit | eṣa me sahajo doṣaḥ svabhāvo duratikramaḥ ||
yadi tāvat samudre tu setur baddho yadṛcchayā | rāmeṇa vismayaḥ ko 'tra yena te bhayam āgatam ||
sa tu tīrtvārṇavaṃ rāmaḥ saha vānarasenayā | pratijānāmi te satyaṃ na jīvan pratiyāsyati ||
Десятиглавый, дурной душой и уже попавший под власть смерти, не стерпел благой речи Мальявана, сказанной ему на пользу. Он нахмурил лицо, попал под власть гнева, и с глазами, вращающимися от негодования, сказал Мальявану: «То, что с мыслью о благе говорится как жёсткая речь, на самом деле вредно; будто войдя на сторону врага, ты сказал это, и оно не вошло в мои уши. Почему ты считаешь способным жалкого человека Раму — одного, опирающегося на обезьян, оставленного отцом и живущего в лесу? Почему ты считаешь меня, владыку ракшасов и наводящего страх на богов, слабым, хотя я не лишён никаких подвигов? Я подозреваю, что ты сказал мне эти жёсткие слова из ненависти к герою, из пристрастия к врагу или по побуждению врага. Какой мудрый, знающий суть шастр, станет жёстко говорить могущественному, стоящему в высоком положении, если только его не побуждает враг? Я привёл из леса Ситу, как Шри, лишённую лотоса; зачем же я отдам её назад из страха перед Рагхавой? Через несколько дней ты увидишь Рагхаву, окружённого котями ванар, вместе с Сугривой и Лакшманой, убитым мною. В поединке против меня не устоят даже божества; почему же Равана примет страх в битве? Я мог бы расколоться надвое, но не склонюсь ни перед кем. Это мой врождённый изъян, моя труднопреодолимая природа. Если Рама случайно построил мост в океане, что тут удивительного, из-за чего к тебе пришёл страх? Истинно обещаю тебе: перейдя океан вместе с ванарским войском, Рама не вернётся живым».
371ea319a48b · 发布于 2026年6月22日 00:00:00 UTC
可用语言RU用方向键翻颂
Ответ Раваны показывает, что совет Мальявана достиг цели, но не был принят. Он слышит угрозу там, где звучала забота, и называет свою неспособность склониться врождённой природой.