इन्द्रजित् त्व् आत्मनः कर्म तौ शयानौ समीक्ष्य च । उवाच परमप्रीतो हर्षयन् सर्वनैरृतान् ॥
दूषणस्य च हन्तारौ खरस्य च महाबलौ । सादितौ मामकैर् बाणैर् भ्रातरौ रामलक्ष्मणौ ॥
नेमौ मोक्षयितुं शक्याव् एतस्माद् इषुबन्धनात् । सर्वैर् अपि समागम्य सर्षिसङ्घैः सुरासुरैः ॥
यत्कृते चिन्तयानस्य शोकार्तस्य पितुर् मम । अस्पृष्ट्वा शयनं गात्रैस् त्रियामा याति शर्वती ॥
कृत्स्नेयं यत्कृते लङ्का नदी वर्षास्व् इवाकुला । सो ऽयं मूलहरो ऽनर्थः सर्वेषां निहतो मया ॥
रामस्य लक्ष्मणस्यैव सर्वेषां च वनौकसाम् । विक्रमा निष्फलाः सर्वे यथा शरदि तोयदाः ॥
एवम् उक्त्वा तु तान् सर्वान् राक्षसान् परिपार्श्वगान् । यूथपान् अपि तान् सर्वांस् ताडयाम् आस रावणिः ॥
तान् अर्दयित्वा बाणौघैस् त्रासयित्वा च वानरान् । प्रजहास महाबाहुर् वचनं चेदम् अब्रवीत् ॥
शरबन्धेन घोरेण मया बद्धौ चमूमुखे । सहितौ भ्रातराव् एतौ निशामयत राक्षसाः ॥
एवम् उक्तास् तु ते सर्वे राक्षसाः कूटयोधिनः । परं विस्मयम् आजग्मुः कर्मणा तेन तोषिताः ॥
विनेदुश् च महानादान् सर्वे ते जलदोपमाः । हतो राम इति ज्ञात्वा रावणिं समपूजयन् ॥
निष्पन्दौ तु तदा दृष्ट्वा ताव् उभौ रामलक्ष्मणौ । वसुधायां निरुच्छ्वासौ हताव् इत्य् अन्वमन्यत ॥
हर्षेण तु समाविष्ट इन्द्रजित् समितिंजयः । प्रविवेश पुरीं लङ्कां हर्षयन् सर्वनैरृतान् ॥
indrajit tv ātmanaḥ karma tau śayānau samīkṣya ca | uvāca paramaprīto harṣayan sarvanairṛtān ||
dūṣaṇasya ca hantārau kharasya ca mahābalau | sāditau māmakair bāṇair bhrātarau rāmalakṣmaṇau ||
nemau mokṣayituṃ śakyāv etasmād iṣubandhanāt | sarvair api samāgamya sarṣisaṅghaiḥ surāsuraiḥ ||
yatkṛte cintayānasya śokārtasya pitur mama | aspṛṣṭvā śayanaṃ gātrais triyāmā yāti śarvatī ||
kṛtsneyaṃ yatkṛte laṅkā nadī varṣāsv ivākulā | so 'yaṃ mūlaharo 'narthaḥ sarveṣāṃ nihato mayā ||
rāmasya lakṣmaṇasyaiva sarveṣāṃ ca vanaukasām | vikramā niṣphalāḥ sarve yathā śaradi toyadāḥ ||
evam uktvā tu tān sarvān rākṣasān paripārśvagān | yūthapān api tān sarvāṃs tāḍayām āsa rāvaṇiḥ ||
tān ardayitvā bāṇaughais trāsayitvā ca vānarān | prajahāsa mahābāhur vacanaṃ cedam abravīt ||
śarabandhena ghoreṇa mayā baddhau camūmukhe | sahitau bhrātarāv etau niśāmayata rākṣasāḥ ||
evam uktās tu te sarve rākṣasāḥ kūṭayodhinaḥ | paraṃ vismayam ājagmuḥ karmaṇā tena toṣitāḥ ||
vineduś ca mahānādān sarve te jaladopamāḥ | hato rāma iti jñātvā rāvaṇiṃ samapūjayan ||
niṣpandau tu tadā dṛṣṭvā tāv ubhau rāmalakṣmaṇau | vasudhāyāṃ nirucchvāsau hatāv ity anvamanyata ||
harṣeṇa tu samāviṣṭa indrajit samitiṃjayaḥ | praviveśa purīṃ laṅkāṃ harṣayan sarvanairṛtān ||
Индраджит, увидев своё дело и двух братьев лежащими, крайне довольный, сказал, радуя всех найрритов: «Два могучих брата, Рама и Лакшмана, убийцы Душаны и Кхары, повержены моими стрелами. Этих двоих невозможно освободить из уз стрел, даже если соберутся все боги и асуры вместе с сонмами риши. Тот, из-за кого мой отец, измученный скорбью и размышлениями, проводит всю ночь, не касаясь ложа телом; тот, из-за кого вся эта Ланка взволнована, словно река в сезон дождей; этот источник беды, вырывающий корень всего, убит мной. Подвиги Рамы, Лакшманы и всех лесных жителей стали бесплодны, как осенние облака». Сказав так, сын Раваны стал поражать всех ракшасов вокруг и всех предводителей отрядов. Измучив ванаров потоками стрел и устрашив их, длиннорукий рассмеялся и сказал: «О ракшасы, посмотрите: эти два брата вместе связаны мной перед войском страшными узами стрел». Услышав это, все ракшасы, сражающиеся обманом, пришли в крайнее изумление и, довольные этим делом, закричали великими криками, подобные облакам. Считая, что Рама убит, они почитали сына Раваны. Увидев тогда Раму и Лакшману неподвижными и без дыхания на земле, они сочли их убитыми. А Индраджит, победитель в бою, охваченный радостью, вошёл в город Ланку, радуя всех найрритов.
d0f04f6260c3 · 发布于 2026年6月22日 00:00:00 UTC
可用语言RU用方向键翻颂
Индраджит принимает временное падение за окончательную победу. Так действует гордыня: она спешит объявить конец там, где видит только внешний результат.