इत्य् उक्तास् ते प्रहस्तेन बलाध्यक्षाः कृतत्वराः । बलम् उद्योजयाम् आसुस् तस्मिन् राक्षसमन्दिरे ॥
सा बभूव मुहूर्तेन तिग्मनानाविधायुधैः । लङ्का राक्षसवीरैस् तैर् गजैर् इव समाकुला ॥
हुताशनं तर्पयतां ब्राह्मणांश् च नमस्यताम् । आज्यगन्धप्रतिवहः सुरभिर् मारुतो ववौ ॥
स्रजश् च विविधाकारा जगृहुस् त्व् अभिमन्त्रिताः । संग्रामसज्जाः संहृष्टा धारयन् राक्षसास् तदा ॥
सधनुष्काः कवचिनो वेगाद् आप्लुत्य राक्षसाः । रावणं प्रेक्ष्य राजानं प्रहस्तं पर्यवारयन् ॥
अथामन्त्र्य च राजानं भेरीम् आहत्य भैरवाम् । आरुरोह रथं दिव्यं प्रहस्तः सज्जकल्पितम् ॥
हयैर् महाजवैर् युक्तं सम्यक् सूतसुसंयुतम् । महाजलदनिर्घोषं साक्षाच् चन्द्रार्कभास्वरम् ॥
उरगध्वजदुर्धर्षं सुवरूथं स्वपस्करम् । सुवर्णजालसंयुक्तं प्रहसन्तम् इव श्रिया ॥
ततस् तं रथम् आस्थाय रावणार्पितशासनः । लङ्काया निर्ययौ तूर्णं बलेन महता वृतः ॥
ततो दुंदुभिनिर्घोषः पर्जन्यनिनदोपमः । शुश्रुवे शङ्खशब्दश् च प्रयाते वाहिनीपतौ ॥
निनदन्तः स्वरान् घोरान् राक्षसा जग्मुर् अग्रतः । भीमरूपा महाकायाः प्रहस्तस्य पुरःसराः ॥
व्यूढेनैव सुघोरेण पूर्वद्वारात् स निर्ययौ । गजयूथनिकाशेन बलेन महता वृतः ॥
सागरप्रतिमौघेन वृतस् तेन बलेन सः । प्रहस्तो निर्ययौ तूर्णं क्रुद्धः कालान्तकोपमः ॥
ity uktās te prahastena balādhyakṣāḥ kṛtatvarāḥ | balam udyojayām āsus tasmin rākṣasamandire ||
sā babhūva muhūrtena tigmanānāvidhāyudhaiḥ | laṅkā rākṣasavīrais tair gajair iva samākulā ||
hutāśanaṃ tarpayatāṃ brāhmaṇāṃś ca namasyatām | ājyagandhaprativahaḥ surabhir māruto vavau ||
srajaś ca vividhākārā jagṛhus tv abhimantritāḥ | saṃgrāmasajjāḥ saṃhṛṣṭā dhārayan rākṣasās tadā ||
sadhanuṣkāḥ kavacino vegād āplutya rākṣasāḥ | rāvaṇaṃ prekṣya rājānaṃ prahastaṃ paryavārayan ||
athāmantrya ca rājānaṃ bherīm āhatya bhairavām | āruroha rathaṃ divyaṃ prahastaḥ sajjakalpitam ||
hayair mahājavair yuktaṃ samyak sūtasusaṃyutam | mahājaladanirghoṣaṃ sākṣāc candrārkabhāsvaram ||
uragadhvajadurdharṣaṃ suvarūthaṃ svapaskaram | suvarṇajālasaṃyuktaṃ prahasantam iva śriyā ||
tatas taṃ ratham āsthāya rāvaṇārpitaśāsanaḥ | laṅkāyā niryayau tūrṇaṃ balena mahatā vṛtaḥ ||
tato duṃdubhinirghoṣaḥ parjanyaninadopamaḥ | śuśruve śaṅkhaśabdaś ca prayāte vāhinīpatau ||
ninadantaḥ svarān ghorān rākṣasā jagmur agrataḥ | bhīmarūpā mahākāyāḥ prahastasya puraḥsarāḥ ||
vyūḍhenaiva sughoreṇa pūrvadvārāt sa niryayau | gajayūthanikāśena balena mahatā vṛtaḥ ||
sāgarapratimaughena vṛtas tena balena saḥ | prahasto niryayau tūrṇaṃ kruddhaḥ kālāntakopamaḥ ||
Когда Прахаста так сказал, начальники войска поспешно привели войско в движение в жилище ракшасов. За мгновение Ланка наполнилась героями-ракшасами с острым разнообразным оружием, словно слонами. Подул благоуханный ветер, несущий запах топлёного масла, от тех, кто удовлетворял огонь и почитал брахманов. Готовые к битве и радостные ракшасы взяли освящённые мантрами гирлянды разного вида и надели их. Вооружённые луками и облачённые в доспехи, они стремительно подскочили и, увидев царя Равану, окружили Прахасту. Затем Прахаста обратился к царю, ударил в страшный барабан и взошёл на дивную, полностью снаряжённую колесницу: она была запряжена очень быстрыми конями, хорошо снабжена возницей, грохотала как великая туча, сияла как сама луна и солнце, была неодолима со змеиным знаменем, с хорошей защитой, прекрасными частями и золотой сеткой, словно смеясь своей красотой. Затем, взойдя на эту колесницу и неся приказ Раваны, Прахаста быстро вышел из Ланки, окружённый великим войском. Когда повелитель войска выступил, послышался грохот барабанов, подобный рокоту дождевого облака, и звук раковин. Впереди Прахасты шли огромнотелые ракшасы страшного вида, издавая грозные голоса. Он вышел через восточные ворота, окружённый великим и очень страшным выстроенным войском, похожим на стадо слонов. Окружённый этим войском, потоком, подобным океану, разгневанный Прахаста быстро выступил, подобный смерти в конце времени.
980589281f44 · 发布于 2026年6月22日 00:00:00 UTC
可用语言RU用方向键翻颂
Внешне выход Прахасты выглядит величественно: ритуалы, знамёна, колесница, гром войска. Но это великолепие служит неправому приказу, поэтому оно уже несёт в себе тень разрушения.