ववर्ष रुधिरं देवो रावणस्य रथोपरि । वाता मण्डलिनस् तीव्रा अपसव्यं प्रचक्रमुः ॥
महद् गृध्रकुलं चास्य भ्रममाणं नभस्तले । येन येन रथो याति तेन तेन प्रधावति ॥
संध्यया चावृता लङ्का जपापुष्पनिकाशया । दृश्यते संप्रदीतेव दिवसे ऽपि वसुंधरा ॥
सनिर्घाता महोल्काश् च संप्रचेतुर् महास्वनाः । विषादयन्त्यो रक्षांसि रावणस्य तदाहिताः ॥
रावणश् च यतस् तत्र प्रचचाल वसुंधरा । रक्षसां च प्रहरतां गृहीता इव बाहवः ॥
ताम्राः पीताः सिताः श्वेताः पतिताः सूर्यरश्मयः । दृश्यन्ते रावणस्याङ्गे पर्वतस्येव धातवः ॥
गृध्रैर् अनुगताश् चास्य वमन्त्यो ज्वलनं मुखैः । प्रणेदुर् मुखम् ईक्षन्त्यः संरब्धम् अशिवं शिवाः ॥
प्रतिकूलं ववौ वायू रणे पांसून् समुत्किरन् । तस्य राक्षसराजस्य कुर्वन् दृष्टिविलोपनम् ॥
निपेतुर् इन्द्राशनयः सैन्ये चास्य समन्ततः । दुर्विषह्य स्वना घोरा विना जलधरस्वनम् ॥
दिशश् च प्रदिशः सर्वा बभूवुस् तिमिरावृताः । पांसुवर्षेण महता दुर्दर्शं च नभो ऽभवत् ॥
vavarṣa rudhiraṃ devo rāvaṇasya rathopari | vātā maṇḍalinas tīvrā apasavyaṃ pracakramuḥ ||
mahad gṛdhrakulaṃ cāsya bhramamāṇaṃ nabhastale | yena yena ratho yāti tena tena pradhāvati ||
saṃdhyayā cāvṛtā laṅkā japāpuṣpanikāśayā | dṛśyate saṃpradīteva divase 'pi vasuṃdharā ||
sanirghātā maholkāś ca saṃpracetur mahāsvanāḥ | viṣādayantyo rakṣāṃsi rāvaṇasya tadāhitāḥ ||
rāvaṇaś ca yatas tatra pracacāla vasuṃdharā | rakṣasāṃ ca praharatāṃ gṛhītā iva bāhavaḥ ||
tāmrāḥ pītāḥ sitāḥ śvetāḥ patitāḥ sūryaraśmayaḥ | dṛśyante rāvaṇasyāṅge parvatasyeva dhātavaḥ ||
gṛdhrair anugatāś cāsya vamantyo jvalanaṃ mukhaiḥ | praṇedur mukham īkṣantyaḥ saṃrabdham aśivaṃ śivāḥ ||
pratikūlaṃ vavau vāyū raṇe pāṃsūn samutkiran | tasya rākṣasarājasya kurvan dṛṣṭivilopanam ||
nipetur indrāśanayaḥ sainye cāsya samantataḥ | durviṣahya svanā ghorā vinā jaladharasvanam ||
diśaś ca pradiśaḥ sarvā babhūvus timirāvṛtāḥ | pāṃsuvarṣeṇa mahatā durdarśaṃ ca nabho 'bhavat ||
Над колесницей Раваны бог дождя пролил кровь. Сильные круговые ветры закружили противосолнечно. Большая стая грифов, кружившая в небе, мчалась туда, куда двигалась его колесница. Ланка, покрытая сумерками, подобными цветку гибискуса, казалась пылающей, и даже днём вся земля выглядела так. Великие метеоры с громом и страшным звуком полетели, враждебные Раване и приводящие ракшасов в уныние. Где бы ни был Равана, там дрожала земля, а у сражающихся ракшасов руки были словно схвачены. Медные, жёлтые, светлые и белые солнечные лучи падали на тело Раваны и выглядели как минералы на горе. Шакалы, сопровождаемые грифами, изрыгая огонь из пастей, выли, глядя на его яростное и неблагое лицо. Противный ветер подул в бою, поднимая пыль и лишая царя ракшасов зрения. Молнии Индры, страшные и с невыносимым звуком, падали без грома туч во все стороны его войска. Все стороны и промежуточные стороны покрылись тьмой, и от великого дождя пыли небо стало трудно различить.
985d930d9de0 · 发布于 2026年6月22日 00:00:00 UTC
可用语言RU用方向键翻颂
Знамения вокруг Раваны несут не просто страх, а утрату направления: тьма, пыль, дрожь земли и спутанные ветры лишают его мира опоры. Когда адхарма подходит к концу, даже пространство становится для неё враждебным.