अभिमन्त्र्य ततो रामस् तं महेषुं महाबलः । वेदप्रोक्तेन विधिना संदधे कार्मुके बली ॥
स रावणाय संक्रुद्धो भृशम् आयम्य कार्मुकम् । चिक्षेप परम् आयत्तस् तं शरं मर्मघातिनम् ॥
स वज्र इव दुर्धर्षो वज्रबाहुविसर्जितः । कृतान्त इव चावार्यो न्यपतद् रावणोरसि ॥
स विसृष्टो महावेगः शरीरान्तकरः शरः । बिभेद हृदयं तस्य रावणस्य दुरात्मनः ॥
रुधिराक्तः स वेगेन जीवितान्तकरः शरः । रावणस्य हरन् प्राणान् विवेश धरणीतलम् ॥
स शरो रावणं हत्वा रुधिरार्द्रकृतच्छविः । कृतकर्मा निभृतवत् स्वतूणीं पुनर् आविशत् ॥
तस्य हस्ताद् धतस्याशु कार्मुकं तत् ससायकम् । निपपात सह प्राणैर् भ्रश्यमानस्य जीवितात् ॥
गतासुर् भीमवेगस् तु नैरृतेन्द्रो महाद्युतिः । पपात स्यन्दनाद् भूमौ वृत्रो वज्रहतो यथा ॥
abhimantrya tato rāmas taṃ maheṣuṃ mahābalaḥ | vedaproktena vidhinā saṃdadhe kārmuke balī ||
sa rāvaṇāya saṃkruddho bhṛśam āyamya kārmukam | cikṣepa param āyattas taṃ śaraṃ marmaghātinam ||
sa vajra iva durdharṣo vajrabāhuvisarjitaḥ | kṛtānta iva cāvāryo nyapatad rāvaṇorasi ||
sa visṛṣṭo mahāvegaḥ śarīrāntakaraḥ śaraḥ | bibheda hṛdayaṃ tasya rāvaṇasya durātmanaḥ ||
rudhirāktaḥ sa vegena jīvitāntakaraḥ śaraḥ | rāvaṇasya haran prāṇān viveśa dharaṇītalam ||
sa śaro rāvaṇaṃ hatvā rudhirārdrakṛtacchaviḥ | kṛtakarmā nibhṛtavat svatūṇīṃ punar āviśat ||
tasya hastād dhatasyāśu kārmukaṃ tat sasāyakam | nipapāta saha prāṇair bhraśyamānasya jīvitāt ||
gatāsur bhīmavegas tu nairṛtendro mahādyutiḥ | papāta syandanād bhūmau vṛtro vajrahato yathā ||
Затем могучий Рама освятил мантрой эту великую стрелу по правилу, предписанному Ведой, и наложил её на лук. Разгневанный, сильно натянув лук и полностью сосредоточившись, он метнул в Равану эту стрелу, поражающую жизненное место. Неодолимая как молния, словно выпущенная рукой Индры, неудержимая как смерть, она упала на грудь Раваны. Выпущенная с великой скоростью, эта стрела, кладущая конец телу, пробила сердце злодушного Раваны. Окровавленная, несущая конец жизни, она с силой унесла жизни Раваны, вошла в землю и, убив Равану, с кровью на своём блеске, словно смиренно исполнив дело, снова вошла в свой колчан. Из руки убитого, когда жизнь покидала его, быстро упал лук со стрелой. Великоблестящий владыка найрритов, страшный в натиске, лишившись жизни, упал с колесницы на землю, как Вритра, поражённый молнией.
54cae7e2de4f · 发布于 2026年6月22日 00:00:00 UTC
可用语言RU用方向键翻颂
Решающая стрела действует как послушное орудие дхармы: она поражает сердце, завершает дело и возвращается в колчан. Победа Рамы здесь не хаотична, а точна, предписана и освящена.