अथ लोकेश्वरोत्सृष्टा तत्र कालेन केन चित् । निद्रा समभवत् तीव्रा कुम्भकर्णस्य रूपिणी ॥
ततो भ्रातरम् आसीनं कुम्भकर्णो ऽब्रवीद् वचः । निद्रा मां बाधते राजन् कारयस्व ममालयम् ॥
विनियुक्तास् ततो राज्ञा शिल्पिनो विश्वकर्मवत् । अकुर्वन् कुम्भकर्णस्य कैलाससमम् आलयम् ॥
विस्तीर्णं योजनं शुभ्रं ततो द्विगुणम् आयतम् । दर्शनीयं निराबाधं कुम्भकर्णस्य चक्रिरे ॥
स्फाटिकैः काञ्चनैश् चित्रैः स्तम्भैः सर्वत्र शोभितम् । वैदूर्यकृतशोभं च किङ्किणीजालकं तथा ॥
दन्ततोरणविन्यस्तं वज्रस्फटिकवेदिकम् । सर्वर्तुसुखदं नित्यं मेरोः पुण्यां गुहाम् इव ॥
तत्र निद्रां समाविष्टः कुम्भकर्णो निशाचरः । बहून्य् अब्दसहस्राणि शयानो नावबुध्यते ॥
निद्राभिभूते तु तदा कुम्भकर्णे दशाननः । देवर्षियक्षगन्धर्वान् बाधते स्म स नित्यशः ॥
उद्यानानि विचित्राणि नन्दनादीनि यानि च । तानि गत्वा सुसंक्रुद्धो भिनत्ति स्म दशाननः ॥
नदीं गज इव क्रीडन् वृक्षान् वायुर् इव क्षिपन् । नगान् वज्र इव सृष्टो विध्वंसयति नित्यशः ॥
atha lokeśvarotsṛṣṭā tatra kālena kena cit | nidrā samabhavat tīvrā kumbhakarṇasya rūpiṇī ||
tato bhrātaram āsīnaṃ kumbhakarṇo 'bravīd vacaḥ | nidrā māṃ bādhate rājan kārayasva mamālayam ||
viniyuktās tato rājñā śilpino viśvakarmavat | akurvan kumbhakarṇasya kailāsasamam ālayam ||
vistīrṇaṃ yojanaṃ śubhraṃ tato dviguṇam āyatam | darśanīyaṃ nirābādhaṃ kumbhakarṇasya cakrire ||
sphāṭikaiḥ kāñcanaiś citraiḥ stambhaiḥ sarvatra śobhitam | vaidūryakṛtaśobhaṃ ca kiṅkiṇījālakaṃ tathā ||
dantatoraṇavinyastaṃ vajrasphaṭikavedikam | sarvartusukhadaṃ nityaṃ meroḥ puṇyāṃ guhām iva ||
tatra nidrāṃ samāviṣṭaḥ kumbhakarṇo niśācaraḥ | bahūny abdasahasrāṇi śayāno nāvabudhyate ||
nidrābhibhūte tu tadā kumbhakarṇe daśānanaḥ | devarṣiyakṣagandharvān bādhate sma sa nityaśaḥ ||
udyānāni vicitrāṇi nandanādīni yāni ca | tāni gatvā susaṃkruddho bhinatti sma daśānanaḥ ||
nadīṃ gaja iva krīḍan vṛkṣān vāyur iva kṣipan | nagān vajra iva sṛṣṭo vidhvaṃsayati nityaśaḥ ||
Через некоторое время сон, отпущенный владыкой мира, воплотился и сильно овладел Кумбхакарной. Тогда Кумбхакарна сказал сидящему брату: «О царь, сон мучит меня; прикажи сделать мне обитель». Назначенные царём мастера, подобные Вишвакарману, построили Кумбхакарне обитель, равную Кайласу: белую, шириной в йоджану и вдвое больше длиной, прекрасную на вид и свободную от помех. Она была всюду украшена хрустальными, золотыми и пёстрыми столбами, сияла вайдурьями и сетками колокольчиков, имела ворота из кости, алмазно-хрустальную площадку и всегда давала удобство во все времена года, словно священная пещера Меру. Там ночной странник Кумбхакарна, охваченный сном, лежал и не пробуждался многие тысячи лет. Когда Кумбхакарна был подавлен сном, Дашанана стал постоянно притеснять деварши, якшей и гандхарвов. Сильно разгневанный, он приходил в прекрасные сады, Нандану и другие, и разрушал их; играя, он тревожил реки как слон, бросал деревья как ветер и постоянно разбивал горы как выпущенная молния.
3936c4f58bbb · 发布于 2026年6月22日 00:00:00 UTC
可用语言RU用方向键翻颂
Сон Кумбхакарны ограничивает одну разрушительную силу, но оставляет Равану без сдерживающего брата. Освободившись от этого внутреннего противовеса, Дашанана направляет силу наружу — на сады, реки, горы и небесных существ.