प्रविष्टायाअं हुताशं तु वेदवत्यां स रावणः । पुष्पकं तत् समारुह्य परिचक्राम मेदिनीम् ॥
ततो मरुत्तं नृपतिं यजन्तं सह दैवतैः । उशीरबीजम् आसाद्य ददर्श स तु राक्षसः ॥
संवर्तो नाम ब्रह्मर्षिर् भ्राता साक्षाद् बृहस्पतेः । याजयाम् आस धर्मज्ञः सर्वैर् ब्रह्मगणैर् वृतः ॥
दृष्ट्वा देवास् तु तद् रक्षो वरदानेन दुर्जयम् । तां तां योनिं समापन्नास् तस्य धर्षणभीरवः ॥
इन्द्रो मयूरः संवृत्तो धर्मराजस् तु वायसः । कृकलासो धनाध्यक्षो हंसो वै वरुणो ऽभवत् ॥
तं च राजानम् आसाद्य रावणो राक्षसाधिपः । प्राह युद्धं प्रयच्चेति निर्जितो ऽस्मीति वा वद ॥
ततो मरुत्तो नृपतिः को भवान् इत्य् उवाच तम् । अवहासं ततो मुक्त्वा राक्षसो वाक्यम् अब्रवीत् ॥
अकुतूहलभावेन प्रीतो ऽस्मि तव पार्थिव । धनदस्यानुजं यो मां नावगच्छसि रावणम् ॥
praviṣṭāyāaṃ hutāśaṃ tu vedavatyāṃ sa rāvaṇaḥ | puṣpakaṃ tat samāruhya paricakrāma medinīm ||
tato maruttaṃ nṛpatiṃ yajantaṃ saha daivataiḥ | uśīrabījam āsādya dadarśa sa tu rākṣasaḥ ||
saṃvarto nāma brahmarṣir bhrātā sākṣād bṛhaspateḥ | yājayām āsa dharmajñaḥ sarvair brahmagaṇair vṛtaḥ ||
dṛṣṭvā devās tu tad rakṣo varadānena durjayam | tāṃ tāṃ yoniṃ samāpannās tasya dharṣaṇabhīravaḥ ||
indro mayūraḥ saṃvṛtto dharmarājas tu vāyasaḥ | kṛkalāso dhanādhyakṣo haṃso vai varuṇo 'bhavat ||
taṃ ca rājānam āsādya rāvaṇo rākṣasādhipaḥ | prāha yuddhaṃ prayacceti nirjito 'smīti vā vada ||
tato marutto nṛpatiḥ ko bhavān ity uvāca tam | avahāsaṃ tato muktvā rākṣaso vākyam abravīt ||
akutūhalabhāvena prīto 'smi tava pārthiva | dhanadasyānujaṃ yo māṃ nāvagacchasi rāvaṇam ||
Когда Ведавати вошла в огонь, Равана взошёл на Пушпаку и стал обходить землю. Затем этот ракшас достиг Уширабиджи и увидел царя Марутту, совершавшего жертвоприношение вместе с богами. Брахмарши по имени Самварта, родной брат Брихаспати, знаток дхармы, проводил для него жертву, окружённый всеми сонмами брахманов. Увидев этого ракшаса, трудноодолимого из-за полученного дара, боги испугались его нападения и приняли разные облики: Индра стал павлином, Дхармараджа — вороной, владыка богатств — хамелеоном, а Варуна стал лебедем. Подойдя к царю, владыка ракшасов Равана сказал: «Дай мне битву или скажи: “Я побеждён”». Тогда царь Марутта спросил его: «Кто ты?» Ракшас насмешливо ответил: «О царь, я доволен твоим отсутствием любопытства: ты не узнаёшь меня, Равану, младшего брата Дханады».
013fead3e43a · 发布于 2026年6月22日 00:00:00 UTC
可用语言RU用方向键翻颂
Равана приходит даже к жертве как завоеватель: для него священное собрание становится ещё одним местом самоутверждения. Боги скрываются не от слабости, а потому что дар сделал его нападение временно трудноодолимым.