एतस्मिन्न् अन्तरे तत्र दिव्यपुष्पविभूषिता । सर्वाप्सरोवरा रम्भा पूर्णचन्द्रनिभानना ॥
कृतैर् विशेषकैर् आर्द्रैः षडर्तुकुसुमोत्सवैः । नीलं सतोयमेघाभं वस्त्रं समवगुण्ठिता ॥
यस्य वक्त्रं शशिनिभं भ्रुवौ चापनिभे शुभे । ऊरू करिकराकारौ करौ पल्लवकोमलौ । सैन्यमध्येन गच्छन्ती रावणेनोपलक्षिता ॥
तां समुत्थाय रक्षेन्द्रः कामबाणबलार्दितः । करे गृहीत्वा गच्छन्तीं स्मयमानो ऽभ्यभाषत ॥
क्व गच्छसि वरारोहे कां सिद्धिं भजसे स्वयम् । कस्याभ्युदयकालो ऽयं यस् त्वां समुपभोक्ष्यते ॥
तवाननरसस्याद्य पद्मोत्पलसुगन्धिनः । सुधामृतरसस्येव को ऽद्य तृप्तिं गमिष्यति ॥
स्वर्णकुम्भनिभौ पीनौ शुभौ भीरु निरन्तरौ । कस्योरस्थलसंस्पर्शं दास्यतस् ते कुचाव् इमौ ॥
सुवर्णचक्रप्रतिमं स्वर्णदामचितं पृथु । अध्यारोक्ष्यति कस् ते ऽद्य स्वर्गं जघनरूपिणम् ॥
मद्विशिष्टः पुमान् को ऽन्यः शक्रो विष्णुर् अथाश्विनौ । माम् अतीत्य हि यस्य त्वं यासि भीरु न शोभनम् ॥
विश्रम त्वं पृथुश्रोणि शिलातलम् इदं शुभम् । त्रैलोक्ये यः प्रभुश् चैव तुल्यो मम न विद्यते ॥
तद् एष प्राञ्जलिः प्रह्वो याचते त्वां दशाननः । यः प्रभुश् चापि भर्ता च त्रैलोक्यस्य भजस्व माम् ॥
etasminn antare tatra divyapuṣpavibhūṣitā | sarvāpsarovarā rambhā pūrṇacandranibhānanā ||
kṛtair viśeṣakair ārdraiḥ ṣaḍartukusumotsavaiḥ | nīlaṃ satoyameghābhaṃ vastraṃ samavaguṇṭhitā ||
yasya vaktraṃ śaśinibhaṃ bhruvau cāpanibhe śubhe | ūrū karikarākārau karau pallavakomalau | sainyamadhyena gacchantī rāvaṇenopalakṣitā ||
tāṃ samutthāya rakṣendraḥ kāmabāṇabalārditaḥ | kare gṛhītvā gacchantīṃ smayamāno 'bhyabhāṣata ||
kva gacchasi varārohe kāṃ siddhiṃ bhajase svayam | kasyābhyudayakālo 'yaṃ yas tvāṃ samupabhokṣyate ||
tavānanarasasyādya padmotpalasugandhinaḥ | sudhāmṛtarasasyeva ko 'dya tṛptiṃ gamiṣyati ||
svarṇakumbhanibhau pīnau śubhau bhīru nirantarau | kasyorasthalasaṃsparśaṃ dāsyatas te kucāv imau ||
suvarṇacakrapratimaṃ svarṇadāmacitaṃ pṛthu | adhyārokṣyati kas te 'dya svargaṃ jaghanarūpiṇam ||
madviśiṣṭaḥ pumān ko 'nyaḥ śakro viṣṇur athāśvinau | mām atītya hi yasya tvaṃ yāsi bhīru na śobhanam ||
viśrama tvaṃ pṛthuśroṇi śilātalam idaṃ śubham | trailokye yaḥ prabhuś caiva tulyo mama na vidyate ||
tad eṣa prāñjaliḥ prahvo yācate tvāṃ daśānanaḥ | yaḥ prabhuś cāpi bhartā ca trailokyasya bhajasva mām ||
В это время там появилась Рамбха, лучшая из всех апсар, украшенная божественными цветами, с лицом, подобным полной луне. На ней были свежие украшения из цветов всех шести времён года и синяя одежда, подобная водяной туче. Её лицо было подобно луне, прекрасные брови — луку, бёдра — хоботам слонов, а руки были мягки как побеги. Когда она проходила через середину войска, Равана заметил её. Владыка ракшасов, измученный силой стрел желания, поднялся, схватил идущую за руку и, улыбаясь, сказал: «Куда ты идёшь, прекраснобёдрая? Какого успеха ищешь? Чьё время счастья настало, кто будет наслаждаться тобой? Кто сегодня насытится соком твоего лица, пахнущего лотосом и утпалой, словно нектаром бессмертия? Чьей груди коснутся эти твои прекрасные полные груди, робкая, подобные золотым сосудам? Кто сегодня взойдёт на твой широкий рай в образе бёдер, подобный золотому диску и украшенный золотой гирляндой? Кто, превосходимый мной, будь то Шакра, Вишну или Ашвины, достоин того, чтобы ты, робкая, шла к нему, минуя меня? Это нехорошо. Отдохни, широкобёдрая: эта каменная площадка прекрасна. В трёх мирах нет владыки, равного мне. Поэтому Десятиликий, сложив ладони и склонившись, просит тебя: прими меня, владыку и господина трёх миров».
d62240718cac · 发布于 2026年6月22日 00:00:00 UTC
可用语言RU用方向键翻颂
Речь Раваны показывает, как желание соединяется с самовозвеличиванием. Он говорит языком просьбы, но уже держит Рамбху силой; внешняя учтивость не скрывает внутреннего насилия.