ते प्रयाता महात्मानः पार्थिवाः सर्वतो दिशम् । कम्पयन्तो महीं वीराः स्वपुराणि प्रहृष्टवत् ॥
अक्षौहिणी सहस्रैस् ते समवेतास् त्व् अनेकशः । हृष्टाः प्रतिगताः सर्वे राघवार्थे समागताः ॥
ऊचुश् चैव महीपाला बलदर्पसमन्विताः । न नाम रावणं युद्धे पश्यामः पुरतः स्थितम् ॥
भरतेन वयं पश्चात् समानीता निरर्थकम् । हता हि राक्षसास् तत्र पार्थिवैः स्युर् न संशयः ॥
रामस्य बाहुवीर्येण पालिता लक्ष्मणस्य च । सुखं पारे समुद्रस्य युध्येम विगतज्वराः ॥
एताश् चान्याश् च राजानः कथास् तत्र सहस्रशः । कथयन्तः स्वराष्ट्राणि विविशुस् ते महारथाः ॥
यथापुराणि ते गत्वा रत्नानि विविधानि च । रामाय प्रियकामार्थम् उपहारान् नृपा ददुः ॥
अश्वान् रत्नानि वस्त्राणि हस्तिनश् च मदोत्कटान् । चन्दनानि च दिव्यानि दिव्यान्य् आभरणानि च ॥
भरतो लक्ष्मणश् चैव शत्रुघ्नश् च महारथः । आदाय तानि रत्नानि अयोध्याम् अगमन् पुनः ॥
आगताश् च पुरीं रम्याम् अयोध्यां पुरुषर्षभाः । ददुः सर्वाणि रत्नानि राघवाय महात्मने ॥
te prayātā mahātmānaḥ pārthivāḥ sarvato diśam | kampayanto mahīṃ vīrāḥ svapurāṇi prahṛṣṭavat ||
akṣauhiṇī sahasrais te samavetās tv anekaśaḥ | hṛṣṭāḥ pratigatāḥ sarve rāghavārthe samāgatāḥ ||
ūcuś caiva mahīpālā baladarpasamanvitāḥ | na nāma rāvaṇaṃ yuddhe paśyāmaḥ purataḥ sthitam ||
bharatena vayaṃ paścāt samānītā nirarthakam | hatā hi rākṣasās tatra pārthivaiḥ syur na saṃśayaḥ ||
rāmasya bāhuvīryeṇa pālitā lakṣmaṇasya ca | sukhaṃ pāre samudrasya yudhyema vigatajvarāḥ ||
etāś cānyāś ca rājānaḥ kathās tatra sahasraśaḥ | kathayantaḥ svarāṣṭrāṇi viviśus te mahārathāḥ ||
yathāpurāṇi te gatvā ratnāni vividhāni ca | rāmāya priyakāmārtham upahārān nṛpā daduḥ ||
aśvān ratnāni vastrāṇi hastinaś ca madotkaṭān | candanāni ca divyāni divyāny ābharaṇāni ca ||
bharato lakṣmaṇaś caiva śatrughnaś ca mahārathaḥ | ādāya tāni ratnāni ayodhyām agaman punaḥ ||
āgatāś ca purīṃ ramyām ayodhyāṃ puruṣarṣabhāḥ | daduḥ sarvāṇi ratnāni rāghavāya mahātmane ||
Те великие души, земные цари, герои, отправились во все стороны, радостно сотрясая землю по пути к своим городам. Они собрались во множестве с тысячами акшаухини ради Рагхавы, и все радостно вернулись. Защитники земли, исполненные гордостью силы, говорили: «Мы ведь не увидели Равану, стоящим перед нами в битве. Бхарата собрал нас слишком поздно и напрасно: без сомнения, ракшасы были бы там убиты царями. Защищённые силой рук Рамы и Лакшманы, мы без тревоги легко сражались бы на другом берегу океана». Эти и другие рассказы цари, великие колесничные воины, рассказывали тысячами и входили в свои царства. Придя в свои прежние города, цари, желая сделать Раме приятное, дали ему дары и разные драгоценности: коней, драгоценности, одежды, мощных опьянением слонов, божественные сандалы и божественные украшения. Бхарата, Лакшмана и великий колесничный воин Шатругхна взяли эти драгоценности и снова пошли в Айодхью. Придя в прекрасный город Айодхью, эти быки среди людей передали все драгоценности великодушному Рагхаве.
f7aa039591bd · 发布于 2026年6月22日 00:00:00 UTC
可用语言RU用方向键翻颂
Цари расходятся с воинской уверенностью, но их сила теперь выражается не в битве, а в даре. Победа Рамы превращает военную готовность союзников в мирное служение и благодарность.