स विसृज्य ततो रामः पुष्पकं हेमभूषितम् । प्रविवेश महाबाहुर् अशोकवनिकां तदा ॥
चन्दनागरु चूतैश् च तुङ्ग कालेयकैर् अपि । देवदारुवनैश् चापि समन्ताद् उपशोभिताम् ॥
प्रियङ्गुभिः कदम्बैश् च तथा कुरबकैर् अपि । जम्बूभिः पाटलीभिश् च कोविदारैश् च संवृताम् ॥
सर्वदा कुसुमै रम्यैः फलवद्भिर् मनोरमैः । चारुपल्लवपुष्पाढ्यैर् मत्तभ्रमरसंकुलैः ॥
कोकिलैर् भृङ्गराजैश् च नानावर्णैश् च पक्षिभिः । शोभितां शतशश् चित्रैश् चूतवृक्षावतंसकैः ॥
शातकुम्भनिभाः के चित् के चिद् अग्निशिखोपमाः । नीलाञ्जननिभाश् चान्ये भान्ति तत्र स्म पादपाः ॥
दीर्घिका विविधाकाराः पूर्णाः परमवारिणा । महार्हमणिसोपानस्फटिकान्तरकुट्टिमाः ॥
फुल्लपद्मोत्पलवनाश् चक्रवाकोपशोभिताः । प्राकारैर् विविधाकारैः शोभिताश् च शिलातलैः ॥
तत्र तत्र वनोद्देशे वैदूर्यमणिसंनिभैः । शाद्वलैः परमोपेताः पुष्पितद्रुमसंयुताः ॥
नन्दनं हि यथेन्द्रस्य ब्राह्मं चैत्ररथं यथा । तथारूपं हि रामस्य काननं तन् निवेशितम् ॥
बह्वासनगृहोपेतां लतागृहसमावृताम् । अशोकवनिकां स्फीतां प्रविश्य रघुनन्दनः ॥
आसने तु शुभाकारे पुष्पस्तबकभूषिते । कुथास्तरणसंवीते रामः संनिषसाद ह ॥
sa visṛjya tato rāmaḥ puṣpakaṃ hemabhūṣitam | praviveśa mahābāhur aśokavanikāṃ tadā ||
candanāgaru cūtaiś ca tuṅga kāleyakair api | devadāruvanaiś cāpi samantād upaśobhitām ||
priyaṅgubhiḥ kadambaiś ca tathā kurabakair api | jambūbhiḥ pāṭalībhiś ca kovidāraiś ca saṃvṛtām ||
sarvadā kusumai ramyaiḥ phalavadbhir manoramaiḥ | cārupallavapuṣpāḍhyair mattabhramarasaṃkulaiḥ ||
kokilair bhṛṅgarājaiś ca nānāvarṇaiś ca pakṣibhiḥ | śobhitāṃ śataśaś citraiś cūtavṛkṣāvataṃsakaiḥ ||
śātakumbhanibhāḥ ke cit ke cid agniśikhopamāḥ | nīlāñjananibhāś cānye bhānti tatra sma pādapāḥ ||
dīrghikā vividhākārāḥ pūrṇāḥ paramavāriṇā | mahārhamaṇisopānasphaṭikāntarakuṭṭimāḥ ||
phullapadmotpalavanāś cakravākopaśobhitāḥ | prākārair vividhākāraiḥ śobhitāś ca śilātalaiḥ ||
tatra tatra vanoddeśe vaidūryamaṇisaṃnibhaiḥ | śādvalaiḥ paramopetāḥ puṣpitadrumasaṃyutāḥ ||
nandanaṃ hi yathendrasya brāhmaṃ caitrarathaṃ yathā | tathārūpaṃ hi rāmasya kānanaṃ tan niveśitam ||
bahvāsanagṛhopetāṃ latāgṛhasamāvṛtām | aśokavanikāṃ sphītāṃ praviśya raghunandanaḥ ||
āsane tu śubhākāre puṣpastabakabhūṣite | kuthāstaraṇasaṃvīte rāmaḥ saṃniṣasāda ha ||
Отпустив украшенную золотом Пушпаку, могучерукий Рама тогда вошёл в Ашоковую рощу. Она была со всех сторон украшена сандаловыми деревьями, агару, манго, высокими калеяками и рощами девадару; окружена приянгу, кадамбами, курабаками, джамбу, патали и ковидарами. Всегда она была полна красивых цветов, плодоносящих и очаровательных деревьев, богатых прекрасными побегами и цветами и шумящих опьянёнными пчёлами. Её украшали кукушки, бхрингараджи и разноцветные птицы, а также сотни пёстрых украшений из манговых деревьев. Одни деревья там сияли как золото, другие были подобны языкам огня, а иные — синей анджане. Были там пруды различной формы, полные превосходной воды, с лестницами из драгоценных камней и хрустальными настилами; они были украшены зарослями цветущих лотосов и утпал, чакраваками, стенами разной формы и каменными площадками. Там и там в участках рощи лежали лужайки, подобные камням вайдурья, превосходные и окружённые цветущими деревьями. Эта роща Рамы была устроена такой, как Нандана Индры и брахманская Чайтраратха. Войдя в пышную Ашоковую рощу, полную домов с сиденьями и окружённую домиками из лиан, радость Рагху уселся на сиденье прекрасной формы, украшенное гроздьями цветов и покрытое ковром.
07c39d4c32bc · 发布于 2026年6月22日 00:00:00 UTC
可用语言RU用方向键翻颂
Ашоковая роща здесь уже не место пленения, а пространство восстановленной радости. Красота природы подчёркивает покой Рамы после войны, но эта тишина скоро станет фоном для нового испытания.