यत्र च कृष्णं पश्य रामं पश्य श्रीदामानं पश्येत्य् अमी पश्यन्तः कोलाहलं बंहयाम् आसुः ।यत्र च तदीयवृन्दानि गोविन्दीयसुन्दरतामरन्दविनिस्यन्दम् अमन्दं नयनरसनया रसयन्ति । मोहातिशयवन्ति विहितहितसर्वस्वात्मनिवेदनं सास्रनम्रकम्रवदनं सदनसदनाद् असीदन्ति च संजिताञ्जलितया तस्थुः ।श्रीकृष्णस् तु तद् अङ्गीकृत्यापि शीलवृत्त्या तदीयस्नेहं साङ्गीकुर्वन् मदीया एव भवद्भवदीयार्था मत्प्रत्यर्पणतः प्रतिस्वं यथानिष्ठम् अवतिष्ठन्ताम् इति सन्तोषयन् क्रमशो निजाश्रमम् एवाश्रमम् आजगाम ।
yatra ca kṛṣṇaṁ paśya rāmaṁ paśya śrīdāmānaṁ paśyety amī paśyantaḥ kolāhalaṁ baṁhayām āsuḥ |yatra ca tadīya-vṛndāni govindīya-sundaratā-maranda-vinisyandam amandaṁ nayana-rasanayā rasayanti | mohātiśayavanti vihita-hita-sarvasvātma-nivedanaṁ sāsra-namra-kamra-vadanaṁ sadana-sadanād asīdanti ca saṁjitāñjalitayā tasthuḥ |śrī-kṛṣṇas tu tad aṅgīkṛtyāpi śīla-vṛttyā tadīya-snehaṁ sāṅgīkurvan madīyā eva bhavad-bhavadīyārthā mat-pratyarpaṇataḥ pratisvaṁ yathā-niṣṭham avatiṣṭhantām iti santoṣayan kramaśo nijāśramam evāśramam ājagāma |
metre not identified
И там люди, глядя, твердили: «Смотри — Кришна, смотри — Рама, смотри — Шридама!» — и шум нарастал. И там толпы их языком глаз неустанно вкушали струящийся мёд красоты Говинды; в чрезмерном восторге они отдавали Ему всё, что имели, и себя самих и, в слезах, склонив прекрасные лица, стояли со сложенными ладонями, не уходя к своим стоянкам. А Шри Кришна, приняв это, по своей кротости принял и их любовь и утешил их: «Вы — Мои, а ваше Я возвращаю вам — пусть каждый пребывает в своём обычном месте». И мало-помалу Он вернулся к своей стоянке, как к пристанищу.
876ffa052842 · published Sep 24, 2026, 10:32:13 PM UTC
Available inRUPage between verses with
Перевод приблизителен.