अहो ऽयं मानुषो भावो व्यक्तम् एवानुगृह्यते यस् त्वं जगन्मयं गुह्यं गुह्याद् गुह्यतरं गतः ॥
स्मरार्य तनुम् आत्मानम् लोकानां त्वं विपर्यये अवगच्छात्मनात्मानम् समुद्राणां समागमे ॥
पुरातनानां देवानां ब्रह्मणः सलिलस्य च आत्मवृत्तप्रवृत्तानि संस्मराद्यं च वै वपुः ॥
शिरः खं ते जलं मूर्तिः क्षमा भूर् दहनो मुखम् वायुर् लोकायुर् उच्छ्वासो मनःस्रष्टा मनुस् तव ॥
सहस्रास्यः सहस्राङ्गः सहस्रचरणेक्षणः सहस्रपत्रनाभस् त्वं सहस्रांशुधरो ऽरिहा ॥
यत् त्वया दर्शितं लोके तत् पश्यन्ति दिवौकसः यत् त्वया नोक्तपूर्वं हि कस् तद् अन्वेष्टुम् अर्हति ॥
यद् वेदितव्यं लोके ऽस्मिंस् तत् त्वया समुदाहृतम् विदितं यत् तवैकस्य देवा अपि न तद् विदुः ॥
आत्मजं ते वपुर् व्योम्नि न पश्यन्त्य् आत्मसंभवम् यत् तु ते कृत्रिमं रूपं तद् अर्चन्ति दिवौकसः ॥
दवैर् न दृष्टश् चान्तस् ते तेनानन्त इति स्मृत त्वं हि सूक्ष्मो महान् एकः सूक्ष्मैर् अपि दुरासदः ॥
त्वय्य् एव पर्वतस्तम्भा शाश्वती जगती स्थिता अचला प्राणिनां योनिर् धारयत्य् अखिलं जगत् ॥
चतुःसागरभोगस् त्वं चातुर्वर्ण्यविभागवित् चतुर्युगेशो लोकानां चातुर्होत्रफलाशनः ॥
यथा त्वम् असि लोकानां तथाहं तच् च मे मतम् उभाव् एकशरीरौ स्वो जगदर्थे द्विधा कृतौ ॥
लोकानां शाश्वतो देवस् त्वं हि शेषः सनातनः आवयोर् देहमात्रेण द्विधेदं धार्यते जगत् ॥
अहं यः स भवान् एव यस् त्वं सो ऽहं सनातनः द्वाव् एव विहितौ ह्य् आवाम् एकदेहौ महाबलौ ॥
तदास्से मूढवत् किं त्वं प्राग् एनं जहि दानवम् मूर्ध्नि देवरिपुं देव वज्रकल्पेन मुष्टिना ॥
aho 'yaṃ mānuṣo bhāvo vyaktam evānugṛhyate yas tvaṃ jaganmayaṃ guhyaṃ guhyād guhyataraṃ gataḥ ||
smarārya tanum ātmānam lokānāṃ tvaṃ viparyaye avagacchātmanātmānam samudrāṇāṃ samāgame ||
purātanānāṃ devānāṃ brahmaṇaḥ salilasya ca ātmavṛttapravṛttāni saṃsmarādyaṃ ca vai vapuḥ ||
śiraḥ khaṃ te jalaṃ mūrtiḥ kṣamā bhūr dahano mukham vāyur lokāyur ucchvāso manaḥsraṣṭā manus tava ||
sahasrāsyaḥ sahasrāṅgaḥ sahasracaraṇekṣaṇaḥ sahasrapatranābhas tvaṃ sahasrāṃśudharo 'rihā ||
yat tvayā darśitaṃ loke tat paśyanti divaukasaḥ yat tvayā noktapūrvaṃ hi kas tad anveṣṭum arhati ||
yad veditavyaṃ loke 'smiṃs tat tvayā samudāhṛtam viditaṃ yat tavaikasya devā api na tad viduḥ ||
ātmajaṃ te vapur vyomni na paśyanty ātmasaṃbhavam yat tu te kṛtrimaṃ rūpaṃ tad arcanti divaukasaḥ ||
davair na dṛṣṭaś cāntas te tenānanta iti smṛta tvaṃ hi sūkṣmo mahān ekaḥ sūkṣmair api durāsadaḥ ||
tvayy eva parvatastambhā śāśvatī jagatī sthitā acalā prāṇināṃ yonir dhārayaty akhilaṃ jagat ||
catuḥsāgarabhogas tvaṃ cāturvarṇyavibhāgavit caturyugeśo lokānāṃ cāturhotraphalāśanaḥ ||
yathā tvam asi lokānāṃ tathāhaṃ tac ca me matam ubhāv ekaśarīrau svo jagadarthe dvidhā kṛtau ||
lokānāṃ śāśvato devas tvaṃ hi śeṣaḥ sanātanaḥ āvayor dehamātreṇa dvidhedaṃ dhāryate jagat ||
ahaṃ yaḥ sa bhavān eva yas tvaṃ so 'haṃ sanātanaḥ dvāv eva vihitau hy āvām ekadehau mahābalau ||
tadāsse mūḍhavat kiṃ tvaṃ prāg enaṃ jahi dānavam mūrdhni devaripuṃ deva vajrakalpena muṣṭinā ||
Кришна сказал: «О, как явно ты принимаешь это человеческое состояние, раз ты, вселенский и тайный, ушёл в тайну, более скрытую, чем сама тайна. Вспомни, благородный, своё тело и самого себя при перевороте миров; познай себя самим собой, когда сливаются океаны. Вспомни события древних богов, Брахмы и вод, и своё изначальное тело. Твоя голова — небо, твой образ — воды, твоё терпение — земля, твой рот — огонь, ветер — жизненное дыхание миров и твой выдох, а твой ум — творец Ману. Ты тысячеликий, тысячечленный, с тысячью ног и глаз, с пупом в тысячу лепестков, несущий тысячу лучей и губитель врагов. Что ты показываешь в мире, то видят небожители; но если ты прежде чего-то не открыл, кто способен это исследовать? Что должно быть познано в этом мире, то возвещено тобой; а того, что известно тебе одному, не знают даже боги. Твоё саморождённое тело в небе они не видят; они почитают лишь твою проявленную форму. Боги не видели твоего конца, поэтому ты известен как Ананта. Ты тонкий, великий и единый, труднодостижимый даже для тонких существ. В тебе самом, где горы словно опоры, стоит вечная земля, неподвижная мать живых существ, поддерживающая весь мир. Ты носишь четыре океана как свои кольца, знаешь разделение четырёх варн, владыка четырёх юг для миров и вкушающий плод четырёх жреческих служений. Каков ты для миров, таков и я: таково моё понимание. Мы оба — одно тело, ради мира проявленное в двух формах. Ты вечный бог миров, вечный Шеша; лишь через различие наших тел этот мир поддерживается двояко. Кто я, тот именно ты; кто ты, тот я, вечный. Мы установлены как двое великосильных, но с одним телом. Почему же ты сидишь как смущённый? Убей этого данава, врага богов, о бог, кулаком, подобным молнии, ударив его в голову».
569ae4844923 · published Jun 22, 2026, 3:44:10 AM UTC
Available inRUPage between verses with
Кришна раскрывает Санкаршану как Ананту-Шешу, опору миров, и одновременно утверждает единство их божественной природы. Это не отвлечённая доктрина, а напоминание внутри опасности: чтобы действовать в лиле, Баларама вспоминает, кто он.