नृशब्दानुसरः क्रुद्धः स कदाचिद् दिनागमे जगाम घोषसंवासं चोदितः कालधर्मणा ॥
तं दृष्ट्वा दुद्रुवुर् गोपाः स्त्रियश् च शिशुभिः सह क्रन्दमाना जगन्नाथम् कृष्णं नाथम् उपाश्रिताः ॥
तासां रुदितशब्देन गोपानां क्रन्दितेन च दत्त्वाभयं तु कृष्णो वै केशिनं सो ऽभिदुद्रुवे ॥
केशी चाभ्युद्यत ग्रीवः प्रकाशदशनेक्षणः हेषमाणो जवोदग्रो गोविन्दाभिमुखो ययौ ॥
तम् आपतन्तं संप्रेक्ष्य केशिनं हयदानवम् प्रत्युज्जगाम गोविन्दस् तोयदः शशिनं यथा ॥
केशिनस् तु तम् अभ्याशे दृष्ट्वा कृष्णम् अवस्थितम् मनुष्यबुद्धयो गोपाः कृष्णम् ऊचुर् हितौषिणः ॥
कृष्ण तात न खल्व् एष सहसा ते हयाधमः उपसर्प्यो भवान् बालः पापश् चैष दुरासदः ॥
एष कंसस्य सहजः प्राणस् तात बहिश्चरः उत्तमश् च हयेन्द्राणां दानवो ऽप्रतिमो युधि ॥
त्रासनः परसैन्यानां तुरगाणां महाबलः स्वध्यः सर्वसत्त्वानां प्रथमः पापकर्मणाम् ॥
गोपानां तद्वचः श्रुत्वा वदतां मधुसूदनः केशिना सह युद्धाय मतिं चक्रे ऽरिसूदनः ॥
nṛśabdānusaraḥ kruddhaḥ sa kadācid dināgame jagāma ghoṣasaṃvāsaṃ coditaḥ kāladharmaṇā ||
taṃ dṛṣṭvā dudruvur gopāḥ striyaś ca śiśubhiḥ saha krandamānā jagannātham kṛṣṇaṃ nātham upāśritāḥ ||
tāsāṃ ruditaśabdena gopānāṃ kranditena ca dattvābhayaṃ tu kṛṣṇo vai keśinaṃ so 'bhidudruve ||
keśī cābhyudyata grīvaḥ prakāśadaśanekṣaṇaḥ heṣamāṇo javodagro govindābhimukho yayau ||
tam āpatantaṃ saṃprekṣya keśinaṃ hayadānavam pratyujjagāma govindas toyadaḥ śaśinaṃ yathā ||
keśinas tu tam abhyāśe dṛṣṭvā kṛṣṇam avasthitam manuṣyabuddhayo gopāḥ kṛṣṇam ūcur hitauṣiṇaḥ ||
kṛṣṇa tāta na khalv eṣa sahasā te hayādhamaḥ upasarpyo bhavān bālaḥ pāpaś caiṣa durāsadaḥ ||
eṣa kaṃsasya sahajaḥ prāṇas tāta bahiścaraḥ uttamaś ca hayendrāṇāṃ dānavo 'pratimo yudhi ||
trāsanaḥ parasainyānāṃ turagāṇāṃ mahābalaḥ svadhyaḥ sarvasattvānāṃ prathamaḥ pāpakarmaṇām ||
gopānāṃ tadvacaḥ śrutvā vadatāṃ madhusūdanaḥ keśinā saha yuddhāya matiṃ cakre 'risūdanaḥ ||
Однажды на рассвете Кеши, разгневанный и следующий человеческим голосам, подгоняемый законом времени, пришёл к пастушьему поселению. Увидев его, пастухи, женщины и дети побежали, плача, и прибегли к Кришне, Господу мира и своему защитнику. Услышав плач женщин и крики пастухов, Кришна дал им бесстрашие и побежал на Кеши. А Кеши с поднятой шеей, сияющими зубами и глазами, громко ржа, стремительно пошёл навстречу Говинде. Увидев нападающего конского данава Кеши, Говинда вышел ему навстречу, как облако выходит к луне. Когда пастухи, с человеческим пониманием, увидели Кеши рядом и Кришну стоящим перед ним, они, желая блага, сказали: «Кришна, дитя, не приближайся поспешно к этому низкому коню. Ты ещё мальчик, а этот злой и труднодоступный. Он врождённая жизнь Камсы, ходящая снаружи, лучший из владык коней, данав, несравненный в бою. Он устрашает чужие войска, великосилен среди коней, убийца всех существ и первый среди злодеев». Услышав слова пастухов, Мадхусудана, губитель врагов, решил вступить в бой с Кеши.
e81e657f5e9a · published Jun 22, 2026, 3:44:14 AM UTC
Available inRUPage between verses with
Пастухи любят Кришну как своего мальчика и потому боятся за него. Их страх естественен, но именно на фоне этой человеческой заботы раскрывается решимость Кришны защитить Врадж.