दृष्ट्वा कृतं निःसलिलं महार्णवं; सुराः समस्ताः परमप्रहृष्टाः ॥
प्रगृह्य दिव्यानि वरायुधानि; तान् दानवाञ् जघ्नुर् अदीनसत्त्वाः ॥
ते वध्यमानास् त्रिदशैर् महात्मभिर्; महाबलैर् वेगिभिर् उन्नदद्भिः ॥
न सेहिरे वेगवतां महात्मनां; वेगं तदा धारयितुं दिवौकसाम् ॥
ते वध्यमानास् त्रिदशैर् दानवा भीमनिस्वनाः ॥
चक्रुः सुतुमुलं युद्धं मुहूर्तम् इव भारत ॥
ते पूर्वं तपसा दग्धा मुनिभिर् भावितात्मभिः ॥
यतमानाः परं शक्त्या त्रिदशैर् विनिषूदिताः ॥
ते हेमनिष्काभरणाः कुण्डलाङ्गदधारिणः ॥
निहत्य बह्व् अशोभन्त पुष्पिता इव किंशुकाः ॥
हतशेषास् ततः के चित् कालेया मनुजोत्तम ॥
विदार्य वसुधां देवीं पातालतलम् आश्रिताः ॥
निहतान् दानवान् दृष्ट्वा त्रिदशा मुनिपुंगवम् ॥
तुष्टुवुर् विविधैर् वाक्यैर् इदं चैवाब्रुवन् वचः ॥
त्वत्प्रसादान् महाभाग लोकैः प्राप्तं महत् सुखम् ॥
त्वत्तेजसा च निहताः कालेयाः क्रूरविक्रमाः ॥
dṛṣṭvā kṛtaṃ niḥsalilaṃ mahārṇavaṃ; surāḥ samastāḥ paramaprahṛṣṭāḥ ||
pragṛhya divyāni varāyudhāni; tān dānavāñ jaghnur adīnasattvāḥ ||
te vadhyamānās tridaśair mahātmabhir; mahābalair vegibhir unnadadbhiḥ ||
na sehire vegavatāṃ mahātmanāṃ; vegaṃ tadā dhārayituṃ divaukasām ||
te vadhyamānās tridaśair dānavā bhīmanisvanāḥ ||
cakruḥ sutumulaṃ yuddhaṃ muhūrtam iva bhārata ||
te pūrvaṃ tapasā dagdhā munibhir bhāvitātmabhiḥ ||
yatamānāḥ paraṃ śaktyā tridaśair viniṣūditāḥ ||
te hemaniṣkābharaṇāḥ kuṇḍalāṅgadadhāriṇaḥ ||
nihatya bahv aśobhanta puṣpitā iva kiṃśukāḥ ||
hataśeṣās tataḥ ke cit kāleyā manujottama ||
vidārya vasudhāṃ devīṃ pātālatalam āśritāḥ ||
nihatān dānavān dṛṣṭvā tridaśā munipuṃgavam ||
tuṣṭuvur vividhair vākyair idaṃ caivābruvan vacaḥ ||
tvatprasādān mahābhāga lokaiḥ prāptaṃ mahat sukham ||
tvattejasā ca nihatāḥ kāleyāḥ krūravikramāḥ ||
Seeing that the great ocean had become waterless, all the gods rejoiced exceedingly; taking up their splendid divine weapons, undaunted in spirit, they struck down the danavas. Those danavas, battered by the great and mighty celestials, could not withstand the onslaught of the swift-moving gods. Roaring fearsomely, the danavas, assailed by the thirty gods, waged a fierce battle for but a moment. But having already been consumed before by the austerity of the enlightened sages, however hard they strove with all their strength, they were destroyed by the gods. Slain, adorned with golden necklaces, earrings, and bracelets, they lay beautifully, like blossoming kimshuka trees. Some surviving Kaleyas, best of men, tore open the goddess Earth and took refuge in the netherworld. Seeing the danavas slain, the thirty gods began to praise the best of sages with various words and said: "By your grace, O illustrious one, the worlds have attained great happiness; by your splendor the Kaleyas, cruel in their might, have been slain."
3f433d9d1ded · published Jul 16, 2026, 5:02:54 PM UTC
Available inRUENPage between verses with
The gods' victory turns out to be the completion of spiritual work already accomplished. The asuras were first undermined by the sages' austerity, and only then struck down by the weapons of the gods.