हनूमान् उवाच
कृतं नाम युगं तात यत्र धर्मः सनातनः ॥
कृतम् एव न कर्तव्यं तस्मिन् काले युगोत्तमे ॥
न तत्र धर्माः सीदन्ति न क्षीयन्ते च वै प्रजाः ॥
ततः कृतयुगं नाम कालेन गुणतां गतम् ॥
देवदानवगन्धर्वयक्षराक्षसपन्नगाः ॥
नासन् कृतयुगे तात तदा न क्रयविक्रयाः ॥
न सामयजुऋग्वर्णाः क्रिया नासीच् च मानवी ॥
अभिध्याय फलं तत्र धर्मः संन्यास एव च ॥
न तस्मिन् युगसंसर्गे व्याधयो नेन्द्रियक्षयः ॥
नासूया नापि रुदितं न दर्पो नापि पैशुनम् ॥
न विग्रहः कुतस् तन्द्री न द्वेषो नापि वैकृतम् ॥
न भयं न च संतापो न चेर्ष्या न च मत्सरः ॥
ततः परमकं ब्रह्म या गतिर् योगिनां परा ॥
आत्मा च सर्वभूतानां शुक्लो नारायणस् तदा ॥
ब्राह्मणाः क्षत्रिया वैश्याः शूद्राश् च कृतलक्षणाः ॥
कृते युगे समभवन् स्वकर्मनिरताः प्रजाः ॥
समाश्रमं समाचारं समज्ञानमतीबलम् ॥
तदा हि समकर्माणो वर्णा धर्मान् अवाप्नुवन् ॥
एकवेदसमायुक्ता एकमन्त्रविधिक्रियाः ॥
पृथग्धर्मास् त्व् एकवेदा धर्मम् एकम् अनुव्रताः ॥
चातुराश्रम्ययुक्तेन कर्मणा कालयोगिना ॥
अकामफलसंयोगात् प्राप्नुवन्ति परां गतिम् ॥
आत्मयोगसमायुक्तो धर्मो ऽयं कृतलक्षणः ॥
कृते युगे चतुष्पादश् चातुर्वर्ण्यस्य शाश्वतः ॥
एतत् कृतयुगं नाम त्रैगुण्यपरिवर्जितम् ॥
त्रेताम् अपि निबोध त्वं यस्मिन् सत्रं प्रवर्तते ॥
hanūmān uvāca
kṛtaṃ nāma yugaṃ tāta yatra dharmaḥ sanātanaḥ ||
kṛtam eva na kartavyaṃ tasmin kāle yugottame ||
na tatra dharmāḥ sīdanti na kṣīyante ca vai prajāḥ ||
tataḥ kṛtayugaṃ nāma kālena guṇatāṃ gatam ||
devadānavagandharvayakṣarākṣasapannagāḥ ||
nāsan kṛtayuge tāta tadā na krayavikrayāḥ ||
na sāmayajuṛgvarṇāḥ kriyā nāsīc ca mānavī ||
abhidhyāya phalaṃ tatra dharmaḥ saṃnyāsa eva ca ||
na tasmin yugasaṃsarge vyādhayo nendriyakṣayaḥ ||
nāsūyā nāpi ruditaṃ na darpo nāpi paiśunam ||
na vigrahaḥ kutas tandrī na dveṣo nāpi vaikṛtam ||
na bhayaṃ na ca saṃtāpo na cerṣyā na ca matsaraḥ ||
tataḥ paramakaṃ brahma yā gatir yogināṃ parā ||
ātmā ca sarvabhūtānāṃ śuklo nārāyaṇas tadā ||
brāhmaṇāḥ kṣatriyā vaiśyāḥ śūdrāś ca kṛtalakṣaṇāḥ ||
kṛte yuge samabhavan svakarmaniratāḥ prajāḥ ||
samāśramaṃ samācāraṃ samajñānamatībalam ||
tadā hi samakarmāṇo varṇā dharmān avāpnuvan ||
ekavedasamāyuktā ekamantravidhikriyāḥ ||
pṛthagdharmās tv ekavedā dharmam ekam anuvratāḥ ||
cāturāśramyayuktena karmaṇā kālayoginā ||
akāmaphalasaṃyogāt prāpnuvanti parāṃ gatim ||
ātmayogasamāyukto dharmo 'yaṃ kṛtalakṣaṇaḥ ||
kṛte yuge catuṣpādaś cāturvarṇyasya śāśvataḥ ||
etat kṛtayugaṃ nāma traiguṇyaparivarjitam ||
tretām api nibodha tvaṃ yasmin satraṃ pravartate ||
Hanuman said: "Child, there is a yuga called Krita, in which eternal dharma abides. In that best of times, what was done was already done; there remained nothing still to be done. There dharmas do not weaken, and beings do not diminish. Therefore this time, having attained the quality of fullness, is called the Krita Yuga. In the Krita Yuga, child, there were no gods, danavas, gandharvas, yakshas, rakshasas or serpents; nor was there then any buying or selling. There was no division into Sama, Yajus and Rik, and there was no human ritual. The fruit there was attained through contemplation, and dharma was renunciation. In contact with that yuga there was no disease and no decay of the senses; there was no envy, no weeping, no pride, no slander; there was no strife -- whence, then, laziness? There was no hatred, no perversion, no fear, no torment, no jealousy and no rivalry. Then the supreme Brahman, the highest goal of yogis, the soul of all beings, was the white Narayana. Brahmanas, kshatriyas, vaishyas and shudras, marked with the signs of the Krita Yuga, were each engaged in their own work. Then, with equal ashramas, equal conduct, equal knowledge and equal strength, the varnas attained dharma through equal deeds. They were joined to one Veda, to one mantric rule and action; having separate dharmas yet one Veda, they followed a single dharma. Through action bound to the four ashramas and in harmony with time, through freedom from attachment to the fruit of desire, they attained the highest goal. This dharma, joined with the yoga of the Self, bears the marks of the Krita Yuga; in the Krita Yuga it stands on four feet and is eternal for the four varnas. This is the Krita Yuga, free from the three gunas. Now learn also of Treta, in which the sacrificial rite begins."
b3f296d1a216 · published Jul 16, 2026, 5:12:44 PM UTC
Available inRUENPage between verses with
The Krita Yuga is described as a world where Narayana is manifest as the soul of all beings, so dharma is natural. The less this foundation is forgotten, the less external complexity is needed.