अथ तं निश्चयं तस्य बुद्ध्वा दैतेयदानवाः ॥
पातालवासिनो रौद्राः पूर्वं देवैर् विनिर्जिताः ॥
ते स्वपक्षक्षयं तं तु ज्ञात्वा दुर्योधनस्य वै ॥
आह्वानाय तदा चक्रुः कर्म वैतानसंभवम् ॥
बृहस्पत्युशनोक्तैश् च मन्त्रैर् मन्त्रविशारदाः ॥
अथर्ववेदप्रोक्तैश् च याश् चोपनिषदि क्रियाः ॥
मन्त्रजप्यसमायुक्तास् तास् तदा समवर्तयन् ॥
जुह्वत्य् अग्नौ हविः क्षीरं मन्त्रवत् सुसमाहिताः ॥
ब्राह्मणा वेदवेदाङ्गपारगाः सुदृढव्रताः ॥
कर्मसिद्धौ तदा तत्र जृम्भमाणा महाद्भुता ॥
कृत्या समुत्थिता राजन् किं करोमीति चाब्रवीत् ॥
आहुर् दैत्याश् च तां तत्र सुप्रीतेनान्तरात्मना ॥
प्रायोपविष्टं राजानं धार्तराष्ट्रम् इहानय ॥
तथेति च प्रतिश्रुत्य सा कृत्या प्रययौ तदा ॥
निमेषाद् अगमच् चापि यत्र राजा सुयोधनः ॥
समादाय च राजानं प्रविवेश रसातलम् ॥
दानवानां मुहूर्ताच् च तम् आनीतं न्यवेदयत् ॥
तम् आनीतं नृपं दृष्ट्वा रात्रौ संहत्य दानवाः ॥
प्रहृष्टमनसः सर्वे किं चिद् उत्फुल्ललोचनाः ॥
साभिमानम् इदं वाक्यं दुर्योधनम् अथाब्रुवन् ॥
atha taṃ niścayaṃ tasya buddhvā daiteyadānavāḥ ||
pātālavāsino raudrāḥ pūrvaṃ devair vinirjitāḥ ||
te svapakṣakṣayaṃ taṃ tu jñātvā duryodhanasya vai ||
āhvānāya tadā cakruḥ karma vaitānasaṃbhavam ||
bṛhaspatyuśanoktaiś ca mantrair mantraviśāradāḥ ||
atharvavedaproktaiś ca yāś copaniṣadi kriyāḥ ||
mantrajapyasamāyuktās tās tadā samavartayan ||
juhvaty agnau haviḥ kṣīraṃ mantravat susamāhitāḥ ||
brāhmaṇā vedavedāṅgapāragāḥ sudṛḍhavratāḥ ||
karmasiddhau tadā tatra jṛmbhamāṇā mahādbhutā ||
kṛtyā samutthitā rājan kiṃ karomīti cābravīt ||
āhur daityāś ca tāṃ tatra suprītenāntarātmanā ||
prāyopaviṣṭaṃ rājānaṃ dhārtarāṣṭram ihānaya ||
tatheti ca pratiśrutya sā kṛtyā prayayau tadā ||
nimeṣād agamac cāpi yatra rājā suyodhanaḥ ||
samādāya ca rājānaṃ praviveśa rasātalam ||
dānavānāṃ muhūrtāc ca tam ānītaṃ nyavedayat ||
tam ānītaṃ nṛpaṃ dṛṣṭvā rātrau saṃhatya dānavāḥ ||
prahṛṣṭamanasaḥ sarve kiṃ cid utphullalocanāḥ ||
sābhimānam idaṃ vākyaṃ duryodhanam athābruvan ||
When the fierce daityas and danavas, the inhabitants of Patala, once defeated by the gods, learned of this resolve of his and understood that their own side was perishing together with Duryodhana, they then performed the rite deriving from the vaitana, in order to summon him. Those versed in the mantras applied the mantras spoken by Brihaspati and Ushanas, the mantras of the Atharvaveda, and the rites known in the Upanishads, together with the muttered recitation of mantras. Brahmanas who had mastered the Veda and the Vedangas, firm in their vows, offered milk oblations into the fire with concentrated minds, reciting the mantras. When the rite reached success, there arose a great and wondrous kritya, yawning, and she said: 'What am I to do?' The daityas, their hearts well pleased, said to her: 'Bring here the king, the son of Dhritarashtra, who sits in prayopavesha.' She answered, 'So be it,' and set forth. In an instant she came to where King Suyodhana was. Taking the king, she entered Rasatala, and soon informed the danavas that he had been brought. Seeing the king thus brought before them, the danavas gathered together that night, all with joyful minds and eyes somewhat widened with delight, and with pride spoke these words to Duryodhana.
5a692f94c9c4 · published Jul 16, 2026, 5:27:10 PM UTC
Available inRUENPage between verses with
The subterranean powers step in at the very moment Duryodhana is nearly ready to withdraw from the struggle. The epic shows his enmity not merely as psychology, but as something in which dark forces themselves take part.