तं तु शुश्राव धर्मिष्ठं मुद्गलं संशितव्रतम् ॥
दुर्वासा नृप दिग्वासास् तम् अथाभ्याजगाम ह ॥
बिभ्रच् चानियतं वेषम् उन्मत्त इव पाण्डव ॥
विकचः परुषा वाचो व्याहरन् विविधा मुनिः ॥
अभिगम्याथ तं विप्रम् उवाच मुनिसत्तमः ॥
अन्नार्थिनम् अनुप्राप्तं विद्धि मां मुनिसत्तम ॥
स्वागतं ते ऽस्त्व् इति मुनिं मुद्गलः प्रत्यभाषत ॥
पाद्यम् आचमनीयं च प्रतिवेद्यान्नम् उत्तमम् ॥
प्रादात् स तपसोपात्तं क्षुधितायातिथिव्रती ॥
उन्मत्ताय परां श्रद्धाम् आस्थाय स धृतव्रतः ॥
ततस् तदन्नं रसवत् स एव क्षुधयान्वितः ॥
बुभुजे कृत्स्नम् उन्मत्तः प्रादात् तस्मै च मुद्गलः ॥
भुक्त्वा चान्नं ततः सर्वम् उच्छिष्टेनात्मनस् ततः ॥
अथानुलिलिपे ऽङ्गानि जगाम च यथागतम् ॥
एवं द्वितीये संप्राप्ते पर्वकाले मनीषिणः ॥
आगम्य बुभुजे सर्वम् अन्नम् उञ्छोपजीविनः ॥
निराहारस् तु स मुनिर् उञ्छम् आर्जयते पुनः ॥
न चैनं विक्रियां नेतुम् अशकन् मुद्गलं क्षुधा ॥
न क्रोधो न च मात्सर्यं नावमानो न संभ्रमः ॥
सपुत्रदारम् उञ्छन्तम् आविवेश द्विजोत्तमम् ॥
तथा तम् उञ्छधर्माणं दुर्वासा मुनिसत्तमम् ॥
उपतस्थे यथाकालं षट्कृत्वः कृतनिश्चयः ॥
न चास्य मानसं किं चिद् विकारं ददृशे मुनिः ॥
शुद्धसत्त्वस्य शुद्धं स ददृशे निर्मलं मनः ॥
taṃ tu śuśrāva dharmiṣṭhaṃ mudgalaṃ saṃśitavratam ||
durvāsā nṛpa digvāsās tam athābhyājagāma ha ||
bibhrac cāniyataṃ veṣam unmatta iva pāṇḍava ||
vikacaḥ paruṣā vāco vyāharan vividhā muniḥ ||
abhigamyātha taṃ vipram uvāca munisattamaḥ ||
annārthinam anuprāptaṃ viddhi māṃ munisattama ||
svāgataṃ te 'stv iti muniṃ mudgalaḥ pratyabhāṣata ||
pādyam ācamanīyaṃ ca prativedyānnam uttamam ||
prādāt sa tapasopāttaṃ kṣudhitāyātithivratī ||
unmattāya parāṃ śraddhām āsthāya sa dhṛtavrataḥ ||
tatas tadannaṃ rasavat sa eva kṣudhayānvitaḥ ||
bubhuje kṛtsnam unmattaḥ prādāt tasmai ca mudgalaḥ ||
bhuktvā cānnaṃ tataḥ sarvam ucchiṣṭenātmanas tataḥ ||
athānulilipe 'ṅgāni jagāma ca yathāgatam ||
evaṃ dvitīye saṃprāpte parvakāle manīṣiṇaḥ ||
āgamya bubhuje sarvam annam uñchopajīvinaḥ ||
nirāhāras tu sa munir uñcham ārjayate punaḥ ||
na cainaṃ vikriyāṃ netum aśakan mudgalaṃ kṣudhā ||
na krodho na ca mātsaryaṃ nāvamāno na saṃbhramaḥ ||
saputradāram uñchantam āviveśa dvijottamam ||
tathā tam uñchadharmāṇaṃ durvāsā munisattamam ||
upatasthe yathākālaṃ ṣaṭkṛtvaḥ kṛtaniścayaḥ ||
na cāsya mānasaṃ kiṃ cid vikāraṃ dadṛśe muniḥ ||
śuddhasattvasya śuddhaṃ sa dadṛśe nirmalaṃ manaḥ ||
About the most righteous Mudgala, firm in his vow, Durvasas heard, O king — naked, he came to him. He bore an unsettled appearance, as if mad, O son of Pandu, with disheveled hair, uttering various harsh words. Approaching the brahmin, the best of sages said: 'Best of sages, know that I have come seeking food.' Mudgala answered him: 'Welcome' — and, offering water for the feet and for sipping, gave the finest food. This keeper of the vow of hospitality, firm in his observance, gave to the hungry and mad guest what had been earned by austerity, holding the highest faith. That hungry, mad guest ate all the tasty food that Mudgala gave him. Having eaten all the food, he then smeared his body with the leftovers and departed as he had come. When the sage's second festival day arrived, Durvasas came again and ate all the food of the one who lived by gleaning. Mudgala was left without food, but again set about gathering grain. Hunger could not bring about any change in him. Neither anger, nor miserliness, nor a sense of insult, nor agitation entered this best of the twice-born, who gleaned grain together with his sons and wife. So Durvasas, having resolved to test this best of sages who lived by the dharma of gleaning, came to him at the appointed time six times. And the sage saw no change whatsoever in his mind: in one of pure being he saw a pure and untainted mind.
8dc0da32efd0 · published Jul 16, 2026, 5:28:43 PM UTC
Available inRUENPage between verses with
Mudgala's trial lies not in poverty but in the repetition of loss. Again and again he gives everything away, and his mind does not waver from its purity.