युधिष्ठिर उवाच
अरणीसहितं यस्य मृग आदाय गच्छति ॥
तस्याग्नयो न लुप्येरन् प्रथमो ऽस्तु वरो मम ॥
धर्म उवाच
अरणीसहितं तस्य ब्राह्मणस्य हृतं मया ॥
मृगवेषेण कौन्तेय जिज्ञासार्थं तव प्रभो ॥
वैशंपायन उवाच
ददानीत्य् एव भगवान् उत्तरं प्रत्यपद्यत ॥
अन्यं वरय भद्रं ते वरं त्वम् अमरोपम ॥
युधिष्ठिर उवाच
वर्षाणि द्वादशारण्ये त्रयोदशम् उपस्थितम् ॥
तत्र नो नाभिजानीयुर् वसतो मनुजाः क्व चित् ॥
वैशंपायन उवाच
ददानीत्य् एव भगवान् उत्तरं प्रत्यपद्यत ॥
भूयश् चाश्वासयाम् आस कौन्तेयं सत्यविक्रमम् ॥
यद्य् अपि स्वेन रूपेण चरिष्यथ महीम् इमाम् ॥
न वो विज्ञास्यते कश् चित् त्रिषु लोकेषु भारत ॥
वर्षं त्रयोदशं चेदं मत्प्रसादात् कुरूद्वहाः ॥
विराटनगरे गूढा अविज्ञाताश् चरिष्यथ ॥
यद् वः संकल्पितं रूपं मनसा यस्य यादृशम् ॥
तादृशं तादृशं सर्वे छन्दतो धारयिष्यथ ॥
अरणीसहितं चेदं ब्राह्मणाय प्रयच्छत ॥
जिज्ञासार्थं मया ह्य् एतद् आहृतं मृगरूपिणा ॥
तृतीयं गृह्यतां पुत्र वरम् अप्रतिमं महत् ॥
त्वं हि मत्प्रभवो राजन् विदुरश् च ममांशभाक् ॥
युधिष्ठिर उवाच
देवदेवो मया दृष्टो भवान् साक्षात् सनातनः ॥
यं ददासि वरं तुष्टस् तं ग्रहीष्याम्य् अहं पितः ॥
जयेयं लोभमोहौ च क्रोधं चाहं सदा विभो ॥
दाने तपसि सत्ये च मनो मे सततं भवेत् ॥
धर्म उवाच
उपपन्नो गुणैः सर्वैः स्वभावेनासि पाण्डव ॥
भवान् धर्मः पुनश् चैव यथोक्तं ते भविष्यति ॥
yudhiṣṭhira uvāca
araṇīsahitaṃ yasya mṛga ādāya gacchati ||
tasyāgnayo na lupyeran prathamo 'stu varo mama ||
dharma uvāca
araṇīsahitaṃ tasya brāhmaṇasya hṛtaṃ mayā ||
mṛgaveṣeṇa kaunteya jijñāsārthaṃ tava prabho ||
vaiśaṃpāyana uvāca
dadānīty eva bhagavān uttaraṃ pratyapadyata ||
anyaṃ varaya bhadraṃ te varaṃ tvam amaropama ||
yudhiṣṭhira uvāca
varṣāṇi dvādaśāraṇye trayodaśam upasthitam ||
tatra no nābhijānīyur vasato manujāḥ kva cit ||
vaiśaṃpāyana uvāca
dadānīty eva bhagavān uttaraṃ pratyapadyata ||
bhūyaś cāśvāsayām āsa kaunteyaṃ satyavikramam ||
yady api svena rūpeṇa cariṣyatha mahīm imām ||
na vo vijñāsyate kaś cit triṣu lokeṣu bhārata ||
varṣaṃ trayodaśaṃ cedaṃ matprasādāt kurūdvahāḥ ||
virāṭanagare gūḍhā avijñātāś cariṣyatha ||
yad vaḥ saṃkalpitaṃ rūpaṃ manasā yasya yādṛśam ||
tādṛśaṃ tādṛśaṃ sarve chandato dhārayiṣyatha ||
araṇīsahitaṃ cedaṃ brāhmaṇāya prayacchata ||
jijñāsārthaṃ mayā hy etad āhṛtaṃ mṛgarūpiṇā ||
tṛtīyaṃ gṛhyatāṃ putra varam apratimaṃ mahat ||
tvaṃ hi matprabhavo rājan viduraś ca mamāṃśabhāk ||
yudhiṣṭhira uvāca
devadevo mayā dṛṣṭo bhavān sākṣāt sanātanaḥ ||
yaṃ dadāsi varaṃ tuṣṭas taṃ grahīṣyāmy ahaṃ pitaḥ ||
jayeyaṃ lobhamohau ca krodhaṃ cāhaṃ sadā vibho ||
dāne tapasi satye ca mano me satataṃ bhavet ||
dharma uvāca
upapanno guṇaiḥ sarvaiḥ svabhāvenāsi pāṇḍava ||
bhavān dharmaḥ punaś caiva yathoktaṃ te bhaviṣyati ||
Yudhishthira said: "Let the fires of the brahmin whose fire-sticks the deer carried off not go out. This is my first boon." Dharma answered: "It was I, son of Kunti, who in the form of the deer carried off that brahmin's fire-sticks, in order to test you." He granted this and offered another boon. Yudhishthira said: "Twelve years we have lived in the forest, and now the thirteenth has come. Let no one, wherever we may live, recognize us." Dharma granted this and again reassured the son of Kunti: "Even if you walk the earth in your own forms, no one in the three worlds will recognize you. By my grace you will spend this thirteenth year hidden and unrecognized in the city of Virata. Whatever form each of you conceives in mind, that form you shall all assume at will. Return these fire-sticks to the brahmin: I carried them off in the form of a deer only to test you. Accept a third boon, great and unmatched, my son. You are born of me, O king, and Vidura shares in my portion." Yudhishthira said: "I have beheld the eternal god of gods himself. Since you are pleased and grant a boon, father, I shall accept it: may I always conquer greed, delusion, and anger, and may my mind ever dwell in giving, austerity, and truth." Dharma said: "You are by nature endowed with all virtues, Pandava. You yourself are once again dharma; all will be as you have said."
6274f31b8824 · published Jul 16, 2026, 5:37:35 PM UTC
Available inRUENPage between verses with
Even before his divine father, Yudhishthira asks first for the brahmin's sacred fire, then for the protection of their shared duty, and only after that for inner victory over greed and anger.