अर्जुन उवाच
कर्ण यत् ते सभामध्ये बहु वाचा विकत्थितम् ॥
न मे युधि समो ऽस्तीति तद् इदं प्रत्युपस्थितम् ॥
अवोचः परुषा वाचो धर्मम् उत्सृज्य केवलम् ॥
इदं तु दुष्करं मन्ये यद् इदं ते चिकीर्षितम् ॥
यत् त्वया कथितं पूर्वं माम् अनासाद्य किं चन ॥
तद् अद्य कुरु राधेय कुरुमध्ये मया सह ॥
यत् सभायां स्म पाञ्चालीं क्लिश्यमानां दुरात्मभिः ॥
दृष्टवान् असि तस्याद्य फलम् आप्नुहि केवलम् ॥
धर्मपाशनिबद्धेन यन् मया मर्षितं पुरा ॥
तस्य राधेय कोपस्य विजयं पश्य मे मृधे ॥
एहि कर्ण मया सार्धं प्रतिपद्यस्व संगरम् ॥
प्रेक्षकाः कुरवः सर्वे भवन्तु सहसैनिकाः ॥
arjuna uvāca
karṇa yat te sabhāmadhye bahu vācā vikatthitam ||
na me yudhi samo 'stīti tad idaṃ pratyupasthitam ||
avocaḥ paruṣā vāco dharmam utsṛjya kevalam ||
idaṃ tu duṣkaraṃ manye yad idaṃ te cikīrṣitam ||
yat tvayā kathitaṃ pūrvaṃ mām anāsādya kiṃ cana ||
tad adya kuru rādheya kurumadhye mayā saha ||
yat sabhāyāṃ sma pāñcālīṃ kliśyamānāṃ durātmabhiḥ ||
dṛṣṭavān asi tasyādya phalam āpnuhi kevalam ||
dharmapāśanibaddhena yan mayā marṣitaṃ purā ||
tasya rādheya kopasya vijayaṃ paśya me mṛdhe ||
ehi karṇa mayā sārdhaṃ pratipadyasva saṃgaram ||
prekṣakāḥ kuravaḥ sarve bhavantu sahasainikāḥ ||
Arjuna said: 'You boasted in the assembly that none is your equal in battle; now prove it by deed. You spoke cruel words, abandoning dharma. You watched wicked men torment Panchali; today reap the fruit of that. Before, I endured it because I was bound by dharma. Now behold the victory of my wrath. Rise and fight with me; let the Kurus and the whole army be witnesses.'
7ce7d1b5442b · published Jul 16, 2026, 6:42:56 PM UTC
Available inRUENPage between verses with
Arjuna reminds Karna not of a personal grudge but of a moral debt merely deferred in time. The patience demanded by dharma does not mean that evil is forgotten.