अर्जुनो ऽथ सुशर्मादीन् राज्ञस् तान् सपदानुगान् ॥
विजित्य पृतनामध्ये ययौ स्वशिबिरं प्रति ॥
युधिष्ठिरो ऽपि कौरव्यो भ्रातृभ्यां सहितस् तदा ॥
ययौ स्वशिबिरं राजा निशायां सेनया वृतः ॥
भीमसेनो ऽपि राजेन्द्र दुर्योधनमुखान् रथान् ॥
अवजित्य ततः संख्ये ययौ स्वशिबिरं प्रति ॥
दुर्योधनो ऽपि नृपतिः परिवार्य महारणे ॥
भीष्मं शांतनवं तूर्णं प्रयातः शिबिरं प्रति ॥
द्रोणो द्रौणिः कृपः शल्यः कृतवर्मा च सात्वतः ॥
परिवार्य चमूं सर्वां प्रययुः शिबिरं प्रति ॥
तथैव सात्यकी राजन् धृष्टद्युम्नश् च पार्षतः ॥
परिवार्य रणे योधान् ययतुः शिबिरं प्रति ॥
एवम् एते महाराज तावकाः पाण्डवैः सह ॥
पर्यवर्तन्त सहिता निशाकाले परंतपाः ॥
ततः स्वशिबिरं गत्वा पाण्डवाः कुरवस् तथा ॥
न्यविशन्त महाराज पूजयन्तः परस्परम् ॥
रक्षां कृत्वात्मनः शूरा न्यस्य गुल्मान् यथाविधि ॥
अपनीय च शल्यांस् ते स्नात्वा च विविधैर् जलैः ॥
कृतस्वस्त्ययनाः सर्वे संस्तूयन्तश् च बन्दिभिः ॥
गीतवादित्रशब्देन व्यक्रीडन्त यशस्विनः ॥
मुहूर्तम् इव तत् सर्वम् अभवत् स्वर्गसंनिभम् ॥
न हि युद्धकथां कां चित् तत्र चक्रुर् महारथाः ॥
ते प्रसुप्ते बले तत्र परिश्रान्तजने नृप ॥
हस्त्यश्वबहुले राजन् प्रेक्षणीये बभूवतुः ॥
arjuno 'tha suśarmādīn rājñas tān sapadānugān ||
vijitya pṛtanāmadhye yayau svaśibiraṃ prati ||
yudhiṣṭhiro 'pi kauravyo bhrātṛbhyāṃ sahitas tadā ||
yayau svaśibiraṃ rājā niśāyāṃ senayā vṛtaḥ ||
bhīmaseno 'pi rājendra duryodhanamukhān rathān ||
avajitya tataḥ saṃkhye yayau svaśibiraṃ prati ||
duryodhano 'pi nṛpatiḥ parivārya mahāraṇe ||
bhīṣmaṃ śāṃtanavaṃ tūrṇaṃ prayātaḥ śibiraṃ prati ||
droṇo drauṇiḥ kṛpaḥ śalyaḥ kṛtavarmā ca sātvataḥ ||
parivārya camūṃ sarvāṃ prayayuḥ śibiraṃ prati ||
tathaiva sātyakī rājan dhṛṣṭadyumnaś ca pārṣataḥ ||
parivārya raṇe yodhān yayatuḥ śibiraṃ prati ||
evam ete mahārāja tāvakāḥ pāṇḍavaiḥ saha ||
paryavartanta sahitā niśākāle paraṃtapāḥ ||
tataḥ svaśibiraṃ gatvā pāṇḍavāḥ kuravas tathā ||
nyaviśanta mahārāja pūjayantaḥ parasparam ||
rakṣāṃ kṛtvātmanaḥ śūrā nyasya gulmān yathāvidhi ||
apanīya ca śalyāṃs te snātvā ca vividhair jalaiḥ ||
kṛtasvastyayanāḥ sarve saṃstūyantaś ca bandibhiḥ ||
gītavāditraśabdena vyakrīḍanta yaśasvinaḥ ||
muhūrtam iva tat sarvam abhavat svargasaṃnibham ||
na hi yuddhakathāṃ kāṃ cit tatra cakrur mahārathāḥ ||
te prasupte bale tatra pariśrāntajane nṛpa ||
hastyaśvabahule rājan prekṣaṇīye babhūvatuḥ ||
Then Arjuna, having conquered Sushrama and the other kings together with their followers amid the host, went toward his own camp. Yudhishthira the Kaurava, too, together with his two brothers, went by night to his own camp, surrounded by his army. Bhimasena, O lord of kings, having conquered in the battle the chariot-warriors led by Duryodhana, likewise went toward his own camp. And King Duryodhana, having been surrounded by Bhishma, son of Shantanu, in the great battle, swiftly set out for the camp. Drona, Drauni, Kripa, Shalya, and Kritavarman of the Satvatas, having gathered the whole army about them, went toward the camp. So too Satyaki, O king, and Dhrishtadyumna, son of Prishata, having gathered the warriors together in the battle, went toward the camp. Thus, O great king, your men, together with the Pandavas, those scorchers of foes, turned back together as night fell. Then, having gone to their own camps, the Pandavas and the Kurus alike settled themselves, O great king, honoring one another. The heroes, having secured their own protection and posted their guards as was proper, having drawn out the arrow-shafts and bathed in various waters, having performed the rites of well-being, and being praised by bards, took their ease to the sound of song and instrument, those glorious men. For a brief while all this became like heaven; the great warriors held no talk whatsoever of war there. When that army had fallen asleep, O king, its people wearied, both camps, rich in elephants and horses, O king, became a sight worth beholding."
078855a63789 · published Jul 17, 2026, 9:46:24 PM UTC
Available inRUENPage between verses with
After the river of blood and the creatures of the night comes an almost paradisal pause: bathing, music, mutual respect, a ban on talk of war. This stillness does not erase the day's horror, but it shows that even amid destruction the warriors seek out what remains of order and human dignity.