धृतराष्ट्र उवाच
तस्मिन् विनिहते वीरे सैन्धवे सव्यसाचिना ॥
मामका यद् अकुर्वन्त तन् ममाचक्ष्व संजय ॥
संजय उवाच
सैन्धवं निहतं दृष्ट्वा रणे पार्थेन मारिष ॥
अमर्षवशम् आपन्नः कृपः शारद्वतस् तदा ॥
महता शरवर्षेण पाण्डवं समवाकिरत् ॥
द्रौणिश् चाभ्यद्रवत् पार्थं रथम् आस्थाय फल्गुनम् ॥
ताव् एनं रथिनां श्रेष्ठौ रथाभ्यां रथसत्तमम् ॥
उभाव् उभयतस् तीक्ष्णैर् विशिखैर् अभ्यवर्षताम् ॥
स तथा शरवर्षाभ्यां सुमहद्भ्यां महाभुजः ॥
पीड्यमानः पराम् आर्तिम् अगमद् रथिनां वरः ॥
dhṛtarāṣṭra uvāca
tasmin vinihate vīre saindhave savyasācinā ||
māmakā yad akurvanta tan mamācakṣva saṃjaya ||
saṃjaya uvāca
saindhavaṃ nihataṃ dṛṣṭvā raṇe pārthena māriṣa ||
amarṣavaśam āpannaḥ kṛpaḥ śāradvatas tadā ||
mahatā śaravarṣeṇa pāṇḍavaṃ samavākirat ||
drauṇiś cābhyadravat pārthaṃ ratham āsthāya phalgunam ||
tāv enaṃ rathināṃ śreṣṭhau rathābhyāṃ rathasattamam ||
ubhāv ubhayatas tīkṣṇair viśikhair abhyavarṣatām ||
sa tathā śaravarṣābhyāṃ sumahadbhyāṃ mahābhujaḥ ||
pīḍyamānaḥ parām ārtim agamad rathināṃ varaḥ ||
[Dhritarashtra:] "When that hero Saindhava was slain by Savyasachin, what did my men do? Tell me of that, Sanjaya." [Sanjaya:] Having seen Saindhava slain in battle by Partha, O honored one, Kripa Sharadvata, fallen into the grip of wrath, then overwhelmed the Pandava with a great shower of arrows. And Drauni [Ashvatthaman], mounting his chariot, rushed at Partha Phalguna. Those two, the best of warriors, showered the finest of warriors with sharp arrows from two chariots, both from both sides. He, thus oppressed by two exceedingly great showers of arrows, the mighty-armed, best of warriors, fell into supreme anguish.
b0bf861aa265 · published Jul 19, 2026, 4:31:38 PM UTC
Available inRUENPage between verses with
Arjuna, scarcely having fulfilled his vow, is at once pressed by two — Kripa and Ashvatthaman: victory grants no respite. It is telling that his anguish is of a peculiar kind — before him stand not mere enemies, but his teacher and his teacher's son. The verse teaches that some trials are heavier than wounds: to stand armed against one who ought to be revered is a grief no ordinary foe can inflict.