ततो युधिष्ठिरो राजा तव पुत्रं त्रिभिः शरैः ॥
आजघानोरसि क्रुद्धो वज्रवेगो दुरासदः ॥
प्रतिविव्याध तं तूर्णं तव पुत्रो महीपतिम् ॥
पञ्चभिर् निशितैर् बाणैर् हेमपुङ्खैः शिलाशितैः ॥
ततो दुर्योधनो राजा शक्तिं चिक्षेप भारत ॥
सर्वपारशवीं तीक्ष्णां महोल्काप्रतिमां तदा ॥
ताम् आपतन्तीं सहसा धर्मराजः शिलाशितैः ॥
त्रिभिश् चिच्छेद सहसा तं च विव्याध सप्तभिः ॥
निपपात ततः साथ हेमदण्डा महाघना ॥
निपतन्ती महोल्केव व्यराजच् छिखिसंनिभा ॥
शक्तिं विनिहतां दृष्ट्वा पुत्रस् तव विशां पते ॥
नवभिर् निशितैर् भल्लैर् निजघान युधिष्ठिरम् ॥
सो ऽतिविद्धो बलवताम् अग्रणीः शत्रुतापनः ॥
दुर्योधनं समुद्दिश्य बाणं जग्राह सत्वरः ॥
समाधत्त च तं बाणं धनुष्य् उग्रं महाबलः ॥
चिक्षेप च ततो राजा राज्ञः क्रुद्धः पराक्रमी ॥
स तु बाणः समासाद्य तव पुत्रं महारथम् ॥
व्यमोहयत राजानं धरणीं च जगाम ह ॥
ततो दुर्योधनः क्रुद्धो गदाम् उद्यम्य वेगितः ॥
विधित्सुः कलहस्यान्तम् अभिदुद्राव पाण्डवम् ॥
तम् आलक्ष्योद्यतगदं दण्डहस्तम् इवान्तकम् ॥
धर्मराजो महाशक्तिं प्राहिणोत् तव सूनवे ॥
दीप्यमानां महावेगां महोल्कां ज्वलिताम् इव ॥
रथस्थः स तया विद्धो वर्म भित्त्वा महाहवे ॥
भृशं संविग्नहृदयः पपात च मुमोह च ॥
ततस् त्वरितम् आगत्य कृतवर्मा तवात्मजम् ॥
प्रत्यपद्यत राजानं मग्नं वै व्यसनार्णवे ॥
भीमो ऽपि महतीं गृह्य गदां हेमपरिष्कृताम् ॥
अभिदुद्राव वेगेन कृतवर्माणम् आहवे ॥
एवं तद् अभवद् युद्धं त्वदीयानां परैः सह ॥
tato yudhiṣṭhiro rājā tava putraṃ tribhiḥ śaraiḥ ||
ājaghānorasi kruddho vajravego durāsadaḥ ||
prativivyādha taṃ tūrṇaṃ tava putro mahīpatim ||
pañcabhir niśitair bāṇair hemapuṅkhaiḥ śilāśitaiḥ ||
tato duryodhano rājā śaktiṃ cikṣepa bhārata ||
sarvapāraśavīṃ tīkṣṇāṃ maholkāpratimāṃ tadā ||
tām āpatantīṃ sahasā dharmarājaḥ śilāśitaiḥ ||
tribhiś ciccheda sahasā taṃ ca vivyādha saptabhiḥ ||
nipapāta tataḥ sātha hemadaṇḍā mahāghanā ||
nipatantī maholkeva vyarājac chikhisaṃnibhā ||
śaktiṃ vinihatāṃ dṛṣṭvā putras tava viśāṃ pate ||
navabhir niśitair bhallair nijaghāna yudhiṣṭhiram ||
so 'tividdho balavatām agraṇīḥ śatrutāpanaḥ ||
duryodhanaṃ samuddiśya bāṇaṃ jagrāha satvaraḥ ||
samādhatta ca taṃ bāṇaṃ dhanuṣy ugraṃ mahābalaḥ ||
cikṣepa ca tato rājā rājñaḥ kruddhaḥ parākramī ||
sa tu bāṇaḥ samāsādya tava putraṃ mahāratham ||
vyamohayata rājānaṃ dharaṇīṃ ca jagāma ha ||
tato duryodhanaḥ kruddho gadām udyamya vegitaḥ ||
vidhitsuḥ kalahasyāntam abhidudrāva pāṇḍavam ||
tam ālakṣyodyatagadaṃ daṇḍahastam ivāntakam ||
dharmarājo mahāśaktiṃ prāhiṇot tava sūnave ||
dīpyamānāṃ mahāvegāṃ maholkāṃ jvalitām iva ||
rathasthaḥ sa tayā viddho varma bhittvā mahāhave ||
bhṛśaṃ saṃvignahṛdayaḥ papāta ca mumoha ca ||
tatas tvaritam āgatya kṛtavarmā tavātmajam ||
pratyapadyata rājānaṃ magnaṃ vai vyasanārṇave ||
bhīmo 'pi mahatīṃ gṛhya gadāṃ hemapariṣkṛtām ||
abhidudrāva vegena kṛtavarmāṇam āhave ||
evaṃ tad abhavad yuddhaṃ tvadīyānāṃ paraiḥ saha ||
Затем царь Юдхиштхира, разгневанный, неодолимый и стремительный, как удар ваджры, тремя стрелами поразил твоего сына в грудь. Твой сын быстро ответил царю пятью острыми золотопёрыми стрелами, отточенными на камне. Тогда царь Дурьодхана метнул острую, целиком железную шакти, похожую на пылающий метеор. Когда она внезапно налетела, Дхармараджа тремя острыми стрелами сразу рассёк её и ещё семью стрелами ранил Дурьодхану. Тяжёлая шакти с золотым древком упала, сияя, как огненный метеор. Увидев, что его копьё уничтожено, твой сын, о владыка людей, девятью острыми бхаллами поразил Юдхиштхиру. Тяжело раненный, этот первый среди сильных и мучитель врагов быстро взял стрелу, нацелился на Дурьодхану, наложил на лук грозную стрелу и, разгневанный доблестный царь, выпустил её в царя. Та стрела настигла твоего сына-махаратху, лишила царя сознания и ушла в землю. Тогда разгневанный Дурьодхана, подняв палицу и желая положить конец поединку, бросился на Пандаву. Дхармараджа увидел его с поднятой палицей, словно Антаку с жезлом, и метнул в твоего сына великую шакти, сияющую и стремительную, как пылающий метеор. Она пробила броню Дурьодханы в великом бою; стоя на колеснице, он был поражён ею, страшно содрогнулся сердцем, упал и лишился чувств. Тогда Критаварман быстро подоспел и подхватил твоего сына, царя, погружённого в океан беды. А Бхима, взяв огромную палицу, украшенную золотом, стремительно бросился в бою на Критавармана. Таков был бой твоих воинов с их противниками».
ec90975b1212 · published Jun 20, 2026, 4:38:16 AM UTC
Available inRUPage between verses with
Юдхиштхира поражает Дурьодхану не хитростью, а прямой силой в открытом бою. Но Дурьодхана снова спасён чужой рукой: его власть держится уже не на правоте, а на том, что союзники вытаскивают его из последствий собственного выбора.