संजय उवाच
ततः कर्णं पुरस्कृत्य त्वदीया युद्धदुर्मदाः ॥
पुनर् आवृत्य संग्रामं चक्रुर् देवासुरोपमम् ॥
द्विरदरथनराश्वशङ्खशब्दैः; परिहृषिता विविधैश् च शस्त्रपातैः ॥
द्विरदरथपदातिसार्थवाहाः; परिपतिताभिमुखाः प्रजह्रिरे ते ॥
शरपरशुवरासिपट्टिशैर्; इषुभिर् अनेकविधैश् च सादिताः ॥
द्विरदरथहया महाहवे; वरपुरुषैः पुरुषाश् च वाहनैः ॥
कमलदिनकरेन्दुसंनिभैः; सितदशनैः सुमुखाक्षिनासिकैः ॥
रुचिरमुकुटकुण्डलैर् मही; पुरुषशिरोभिर् अवस्तृता बभौ ॥
परिघमुसलशक्तितोमरैर्; नखरभुशुण्डिगदाशतैर् द्रुताः ॥
द्विरदनरहयाः सहस्रशो; रुधिरनदीप्रवहास् तदाभवन् ॥
प्रहतनररथाश्वकुञ्जरं; प्रतिभयदर्शनम् उल्बणं तदा ॥
तद् अहितनिहतं बभौ बलं; पितृपतिराष्ट्रम् इव प्रजाक्षये ॥
अथ तव नरदेव सैनिकास्; तव च सुताः सुरसूनुसंनिभाः ॥
अमितबलपुरःसरा रणे; कुरुवृषभाः शिनिपुत्रम् अभ्ययुः ॥
तद् अतिरुचिरभीमम् आबभौ; पुरुषवराश्वरथद्विपाकुलम् ॥
लवणजलसमुद्धतस्वनं; बलम् अमरासुरसैन्यसंनिभम् ॥
saṃjaya uvāca
tataḥ karṇaṃ puraskṛtya tvadīyā yuddhadurmadāḥ ||
punar āvṛtya saṃgrāmaṃ cakrur devāsuropamam ||
dviradarathanarāśvaśaṅkhaśabdaiḥ; parihṛṣitā vividhaiś ca śastrapātaiḥ ||
dviradarathapadātisārthavāhāḥ; paripatitābhimukhāḥ prajahrire te ||
śaraparaśuvarāsipaṭṭiśair; iṣubhir anekavidhaiś ca sāditāḥ ||
dviradarathahayā mahāhave; varapuruṣaiḥ puruṣāś ca vāhanaiḥ ||
kamaladinakarendusaṃnibhaiḥ; sitadaśanaiḥ sumukhākṣināsikaiḥ ||
ruciramukuṭakuṇḍalair mahī; puruṣaśirobhir avastṛtā babhau ||
parighamusalaśaktitomarair; nakharabhuśuṇḍigadāśatair drutāḥ ||
dviradanarahayāḥ sahasraśo; rudhiranadīpravahās tadābhavan ||
prahatanararathāśvakuñjaraṃ; pratibhayadarśanam ulbaṇaṃ tadā ||
tad ahitanihataṃ babhau balaṃ; pitṛpatirāṣṭram iva prajākṣaye ||
atha tava naradeva sainikās; tava ca sutāḥ surasūnusaṃnibhāḥ ||
amitabalapuraḥsarā raṇe; kuruvṛṣabhāḥ śiniputram abhyayuḥ ||
tad atirucirabhīmam ābabhau; puruṣavarāśvarathadvipākulam ||
lavaṇajalasamuddhatasvanaṃ; balam amarāsurasainyasaṃnibham ||
Санджая сказал: «Затем твои воины, опьянённые боем, выставили Карну впереди, снова вернулись к сражению и сделали его подобным битве богов с асурами. От грохота слонов, колесниц, людей, коней и раковин, от падения разнообразного оружия воины приходили в восторг; погонщики слонов, колесничие, пехотинцы и вожаки отрядов налетали лицом к лицу и били друг друга. Стрелами, топорами, лучшими мечами, паттишами и множеством иных стрел в великом бою были сражены слоны, колесницы, кони, лучшие мужи, люди и их повозки. Земля сияла, покрытая человеческими головами, похожими на лотосы, солнце и луну, с белыми зубами, прекрасными лицами, глазами и носами, с красивыми венцами и серьгами. Поражённые палицами, мусалами, шакти, томарами, сотнями когтистого оружия, бхушунди и булав, слоны, люди и кони тысячами становились потоками кровавой реки. То войско, где были убитые люди, разбитые колесницы, кони и слоны, выглядело тогда страшно и ужасно; сражённое врагами, оно походило на царство Ямы во время гибели существ. Затем твои воины, о царь людей, и твои сыновья, подобные сыновьям богов, с огромной силой впереди, быки рода Куру, пошли в бою на сына Шини. Это прекрасное и страшное войско, полное лучших людей, коней, колесниц и слонов, шумело как поднятое солёное море и походило на армию богов и асуров».
54ceb08784dc · published Jun 20, 2026, 4:41:34 AM UTC
Available inRUPage between verses with
Начало главы соединяет величие и распад: войско сияет как небесная армия, но эта красота уже составлена из отрубленных голов и кровавых потоков. Воинская слава без праведной цели превращается в украшенный ужас.