ततो राज्ञाभ्यनुज्ञाताः पाण्डवानां महारथाः ॥
भीमसेनमुखाः सर्वे पुत्रांस् ते प्रत्युपाद्रवन् ॥
अभवत् तुमुलः शब्दो योधानां तत्र भारत ॥
हस्त्यश्वरथपत्तीनां शस्त्राणां च ततस् ततः ॥
उत्तिष्ठत प्रहरत प्रैताभिपततेति च ॥
इति ब्रुवाणा अन्योन्यं जघ्नुर् योधा रणाजिरे ॥
अभ्रच्छायेव तत्रासीच् छरवृष्टिभिर् अम्बरे ॥
समावृत्तैर् नरवरैर् निघ्नद्भिर् इतरेतरम् ॥
विपताकाध्वजच्छत्रा व्यश्वसूतायुधा रणे ॥
व्यङ्गाङ्गावयवाः पेतुः क्षितौ क्षीणा हतेश्वराः ॥
प्रवराणीव शैलानां शिखराणि द्विपोत्तमाः ॥
सारोहा निहताः पेतुर् वज्रभिन्ना इवाद्रयः ॥
छिन्नभिन्नविपर्यस्तैर् वर्मालंकारविग्रहैः ॥
सारोहास् तुरगाः पेतुर् हतवीराः सहस्रशः ॥
विप्रविद्धायुधाङ्गाश् च द्विरदाश्वरथैर् हताः ॥
प्रतिवीरैश् च संमर्दे पत्तिसंघाः सहस्रशः ॥
विशालायतताम्राक्षैः पद्मेन्दुसदृशाननैः ॥
शिरोभिर् युद्धशौण्डानां सर्वतः संस्तृता मही ॥
तथा तु वितते व्योम्नि निस्वनं शुश्रुवुर् जनाः ॥
विमानैर् अप्सरःसंघैर् गीतवादित्रनिस्वनैः ॥
हतान् कृत्तान् अभिमुखान् वीरान् वीरैः सहस्रशः ॥
आरोप्यारोप्य गच्छन्ति विमानेष्व् अप्सरोगणाः ॥
तद् दृष्ट्वा महद् आश्चर्यं प्रत्यक्षं स्वर्गलिप्सया ॥
प्रहृष्टमनसः शूराः क्षिप्रं जग्मुः परस्परम् ॥
tato rājñābhyanujñātāḥ pāṇḍavānāṃ mahārathāḥ ||
bhīmasenamukhāḥ sarve putrāṃs te pratyupādravan ||
abhavat tumulaḥ śabdo yodhānāṃ tatra bhārata ||
hastyaśvarathapattīnāṃ śastrāṇāṃ ca tatas tataḥ ||
uttiṣṭhata praharata praitābhipatateti ca ||
iti bruvāṇā anyonyaṃ jaghnur yodhā raṇājire ||
abhracchāyeva tatrāsīc charavṛṣṭibhir ambare ||
samāvṛttair naravarair nighnadbhir itaretaram ||
vipatākādhvajacchatrā vyaśvasūtāyudhā raṇe ||
vyaṅgāṅgāvayavāḥ petuḥ kṣitau kṣīṇā hateśvarāḥ ||
pravarāṇīva śailānāṃ śikharāṇi dvipottamāḥ ||
sārohā nihatāḥ petur vajrabhinnā ivādrayaḥ ||
chinnabhinnaviparyastair varmālaṃkāravigrahaiḥ ||
sārohās turagāḥ petur hatavīrāḥ sahasraśaḥ ||
vipraviddhāyudhāṅgāś ca dviradāśvarathair hatāḥ ||
prativīraiś ca saṃmarde pattisaṃghāḥ sahasraśaḥ ||
viśālāyatatāmrākṣaiḥ padmendusadṛśānanaiḥ ||
śirobhir yuddhaśauṇḍānāṃ sarvataḥ saṃstṛtā mahī ||
tathā tu vitate vyomni nisvanaṃ śuśruvur janāḥ ||
vimānair apsaraḥsaṃghair gītavāditranisvanaiḥ ||
hatān kṛttān abhimukhān vīrān vīraiḥ sahasraśaḥ ||
āropyāropya gacchanti vimāneṣv apsarogaṇāḥ ||
tad dṛṣṭvā mahad āścaryaṃ pratyakṣaṃ svargalipsayā ||
prahṛṣṭamanasaḥ śūrāḥ kṣipraṃ jagmuḥ parasparam ||
Получив разрешение царя, махаратхи Пандавов во главе с Бхимасеной все бросились на твоих сыновей. Там, Бхарата, поднялся шум воинов, слонов, коней, колесниц, пехоты и оружия со всех сторон. «Вставайте! Бейте! Вперёд! Нападайте!» — так перекликались воины и поражали друг друга на поле боя. В небе от дождей стрел была словно облачная тень, когда лучшие из людей, повернувшись друг к другу, убивали один другого. В бою падали на землю измождённые воины с убитыми вождями: без флагов, знамён, зонтов, без коней, возниц и оружия, с изувеченными членами. Лучшие слоны с наездниками падали, как горные вершины, разбитые ваджрой. Кони с всадниками, с изрубленными, разбитыми и опрокинутыми телами, бронёй и украшениями, падали тысячами вместе с убитыми героями. Отряды пехоты тысячами были раздавлены слонами, конями, колесницами и противными героями в давке, с разбросанным оружием и оторванными членами. Земля со всех сторон покрылась головами любителей битвы, с широкими красными глазами и лицами, подобными лотосу и луне. В распростёртом небе люди услышали звуки виман, сонмов апсар, песен и музыки. Апсары на виманах поднимали и уносили тысячи героев, убитых и рассечённых героями, павших лицом к врагу. Увидев это великое явное чудо и желая небес, герои с радостными сердцами быстро бросались друг на друга».
521a1510e5dc · published Jun 20, 2026, 5:48:34 AM UTC
Available inRUPage between verses with
Стих соединяет ужас и небесное вознаграждение: тела падают в грязь, а герои видят апсар и виманы. Так эпос показывает кшатрийский идеал во всей его суровой двойственности.