कृष्ण उवाच
इदानीं पार्थ जानामि न वृद्धाः सेवितास् त्वया ॥
अकाले पुरुषव्याघ्र संरम्भक्रिययानया ॥
न हि धर्मविभागज्ञः कुर्याद् एवं धनंजय ॥
अकार्याणां च कार्याणां संयोगं यः करोति वै ॥
कार्याणाम् अक्रियाणां च स पार्थ पुरुषाधमः ॥
अनुसृत्य तु ये धर्मं कवयः समुपस्थिताः ॥
समासविस्तरविदां न तेषां वेत्थ निश्चयम् ॥
अनिश्चयज्ञो हि नरः कार्याकार्यविनिश्चये ॥
अवशो मुह्यते पार्थ यथा त्वं मूढ एव तु ॥
न हि कार्यम् अकार्यं वा सुखं ज्ञातुं कथं चन ॥
श्रुतेन ज्ञायते सर्वं तच् च त्वं नावबुध्यसे ॥
अविज्ञानाद् भवान् यच् च धर्मं रक्षति धर्मवित् ॥
प्राणिनां हि वधं पार्थ धार्मिको नावबुध्यते ॥
प्राणिनाम् अवधस् तात सर्वज्यायान् मतो मम ॥
अनृतं तु भवेद् वाच्यं न च हिंस्यात् कथं चन ॥
स कथं भ्रातरं ज्येष्ठं राजानं धर्मकोविदम् ॥
हन्याद् भवान् नरश्रेष्ठ प्राकृतो ऽन्यः पुमान् इव ॥
अयुध्यमानस्य वधस् तथाशस्त्रस्य भारत ॥
पराङ्मुखस्य द्रवतः शरणं वाभिगच्छतः ॥
कृताञ्जलेः प्रपन्नस्य न वधः पूज्यते बुधैः ॥
त्वया चैव व्रतं पार्थ बालेनैव कृतं पुरा ॥
तस्माद् अधर्मसंयुक्तं मौढ्यात् कर्म व्यवस्यसि ॥
स गुरुं पार्थ कस्मात् त्वं हन्या धर्मम् अनुस्मरन् ॥
असंप्रधार्य धर्माणां गतिं सूक्ष्मां दुरन्वयाम् ॥
kṛṣṇa uvāca
idānīṃ pārtha jānāmi na vṛddhāḥ sevitās tvayā ||
akāle puruṣavyāghra saṃrambhakriyayānayā ||
na hi dharmavibhāgajñaḥ kuryād evaṃ dhanaṃjaya ||
akāryāṇāṃ ca kāryāṇāṃ saṃyogaṃ yaḥ karoti vai ||
kāryāṇām akriyāṇāṃ ca sa pārtha puruṣādhamaḥ ||
anusṛtya tu ye dharmaṃ kavayaḥ samupasthitāḥ ||
samāsavistaravidāṃ na teṣāṃ vettha niścayam ||
aniścayajño hi naraḥ kāryākāryaviniścaye ||
avaśo muhyate pārtha yathā tvaṃ mūḍha eva tu ||
na hi kāryam akāryaṃ vā sukhaṃ jñātuṃ kathaṃ cana ||
śrutena jñāyate sarvaṃ tac ca tvaṃ nāvabudhyase ||
avijñānād bhavān yac ca dharmaṃ rakṣati dharmavit ||
prāṇināṃ hi vadhaṃ pārtha dhārmiko nāvabudhyate ||
prāṇinām avadhas tāta sarvajyāyān mato mama ||
anṛtaṃ tu bhaved vācyaṃ na ca hiṃsyāt kathaṃ cana ||
sa kathaṃ bhrātaraṃ jyeṣṭhaṃ rājānaṃ dharmakovidam ||
hanyād bhavān naraśreṣṭha prākṛto 'nyaḥ pumān iva ||
ayudhyamānasya vadhas tathāśastrasya bhārata ||
parāṅmukhasya dravataḥ śaraṇaṃ vābhigacchataḥ ||
kṛtāñjaleḥ prapannasya na vadhaḥ pūjyate budhaiḥ ||
tvayā caiva vrataṃ pārtha bālenaiva kṛtaṃ purā ||
tasmād adharmasaṃyuktaṃ mauḍhyāt karma vyavasyasi ||
sa guruṃ pārtha kasmāt tvaṃ hanyā dharmam anusmaran ||
asaṃpradhārya dharmāṇāṃ gatiṃ sūkṣmāṃ duranvayām ||
Кришна сказал: «Теперь, Партха, я понимаю: ты не служил старшим. Не ко времени, тигр среди людей, этот твой порыв ярости; знающий различия дхармы, Дхананджая, так не поступил бы. Кто смешивает недолжное с должным, а должные дела — с бездействием, тот, Партха, низший человек. Ты не знаешь вывода мудрецов, которые, следуя дхарме, установили её, зная и краткое, и подробное. Человек, не умеющий решить, что должно и что не должно, беспомощно заблуждается, Партха, как сейчас ты, глупый. Нелегко узнать, что является делом и неделом; всё познаётся через учение, а ты этого не понял. Из-за неведения ты, знаток дхармы, думаешь, будто защищаешь дхарму; но убийство живых существ, Партха, не признаётся праведным. Для меня неубийство живых существ выше всего, дорогой; иногда следует сказать неправду, лишь бы никак не причинить вреда. Как же ты, лучший из людей, убьёшь старшего брата, царя, мудрого в дхарме, словно какой-то обычный человек? Мудрые не одобряют убийство того, кто не сражается, кто без оружия, кто отвернулся и бежит, кто ищет прибежища, кто сложил ладони и предался. Твой обет, Партха, был дан ещё в юности; поэтому по глупости ты замышляешь дело, соединённое с адхармой. Как же ты, помня дхарму, убьёшь старшего, не рассмотрев тонкий и труднопостижимый путь дхармы?»
39ad30fdd392 · published Jun 20, 2026, 7:07:15 AM UTC
Available inRUPage between verses with
Кришна переводит спор с уровня буквального обета на уровень живой дхармы. Смысл праведности не в том, чтобы любой ценой исполнить формулу, а в том, чтобы защитить жизнь, старшинство и истинное благо.